Daniel 8:7 - ŊWÀʼ NYÙY

⁷ M yén, a kibév kìy ki nyoorì kiyáʼ e mensə me bi mè. Dòʼshwiíy kív, kí fúnrí kiyáʼ kìy, e kìvtí loŋ sə́ see sibaà, a bó kiyáʼ ki yòʼ‑oò ló a ker mentàsìn mée tam wùn kibév kìn ki. Á bèy, kibév ki ku kùúy wun, e sàn é nsay, a nyèŋrì, a bó wìr wóo sə wun yòʼ dzə̀.

Daniel 8:7 Referans Kwoze

Daniel 11:11

Wù yii bèy, é fòn wo wù sáʼ kitúm kee Ejiv nèn shwìíy kilòŋ, e fəə̀, e fùnèn fon woó Siiria. Wù fəə́, aá fəə́r mànjòŋ vé rərí, a wù wíy tòn vé rər veé Siiria adzə̀m.

Daniel 7:7

M kfən yèn nyám ye yì meen ji kweè e kinyò ke kí‑iì wìyìn e mǒ si e njà kinjeenjèm, a yì beéme bèn ji wùm, kiʼ e távín ji ŋkǒŋ. Yì‑iì kér vigha ve sòŋ, a dzə̀ vee kisha kee wúntí kíwun. Yì lúm nyám, yì sàʼtì sáʼtin, a nyèŋrì kibér, a fòtì e wuú. Nyàm rə̀n wáa dzə kfə́ jeéy fo se sí‑iì fəəsin fó mbìy si, a yì kér loŋ e ghvə̀m.

Joshua 8:20

Vilum veé Ayi lòo màʼ sí e bàm, e yèn, a kindzə́ʼ ki dzəm, kóʼ fo ŋkàlaʼ, shúu yúm áwune, vitaáví vév ví máy. Á nèn lò mèŋ fó a nyeŋ, a dù, bìʼ fo wír veé Isray ve vé‑eè léʼ, du e woʼó‑oò bìnkìn ne, e kìʼ áwune.

Cù 26:37

Wìr wíy a bàyrìn e wùmǒʼ kitu mo wìr lèʼ rə́r, fə̀m mo bó wìr yòʼ jumè. Vèn yòʼ wíy a ker kitar kée tam vèn aàŋgàa vibàn véné.

Daniel 8:6

Kí wìy, e yèn kiyáʼ ke kí‑iì kér loŋ sibaà, ke mò‑oò yenen, a kí tíy e ghaa ndzəv kiy. Kí yén, a leʼ kitávín, a dù e wùn wó, e dòʼshwiíy.

Daniel 8:8

Kibév kìn ki ku nèn a dzə̀v kfə́ a dzə̀ nsaŋ ji moo wun yòʼ waà dzə̀. Kí wìy tàv, e mèé e ntìm yìwun, loŋ rə ye tavín rə̀y nèn kìvín. Yì kívín, se sən see loŋ se tavkín símóʼ sí fəə́kír fo rə̀y kì kivin sikweè, a ròm mbìv sí jeéy jeéy.

Daniel 8:10

Yì‑iì kùy, e tàv é ŋàŋ, e taàmé vifá veé yuv, a dzə̀ ji mànjòŋ vé rər veé yuv. Yì máʼ vifá veé yuv vímóʼ ví é nsay, e nyèŋrì e wuú.

Daniel 7:12

Fo kibér ke nyàm ki, á faàsì sáʼ fo áwune, yii bèy, e kù màʼtì ji sí ku bèʼrí fo shintàm.