Daniel 8:5 - ŊWÀʼ NYÙY

⁵ Kù mo mò‑oò dzə́, tar ji sà kooy kaá, kibév ki sàsìn, e meè fó mbìv ye shùy yii nəə, a kí kér loŋ e mòʼón, a yì tíy e wun nsàn wón si, a yì yénsin e ŋàŋ. Kibév kìn ki wáa fetí kileʼ, a shaà, a wuú yòʼ kum nsay.

Daniel 8:5 Referans Kwoze

Daniel 8:21

Kibév ki din a dzə̀ kitúm kee Grik. Lúm loŋ wo wú‑uù tíy e nsàn wón si kiyaʼ və̀ne din a dzə̀ fon wov wo mbìy.

Daniel 11:3

Á bèy, é fòn wo kuʼùn wùmòʼ nèn ŋàʼáy, a wù wíy a saʼ woŋ e wiíwíy, a yiì kinyo a dzə̀ ke kí gheen wun.

Daniel 8:8

Kibév kìn ki ku nèn a dzə̀v kfə́ a dzə̀ nsaŋ ji moo wun yòʼ waà dzə̀. Kí wìy tàv, e mèé e ntìm yìwun, loŋ rə ye tavín rə̀y nèn kìvín. Yì kívín, se sən see loŋ se tavkín símóʼ sí fəə́kír fo rə̀y kì kivin sikweè, a ròm mbìv sí jeéy jeéy.

Daniel 7:6

Kee shooy ki shaá, a m kù wáy sí, e nèn kfə̀n yèn yìmòʼ yee nyám, a yì dzə̀ kfə́ é njà baá. Yii bèy, a vav se shinə̀n sí fəə́kír é ndzə̀m wó sikweè, a nyàm rə̀n kér vitú vikweè, aá fó vitaáví vé saʼ sho.

Daniel 2:39

Kí nén a dzə a jii, sáʼa wíy gbù fo wun vibìy, é kitúm kímóʼ kí ŋáʼáy, a bó sáʼ kitúm kee shooyi yoʼ tàv á moo rə́. E bǎm kee shooy, é kímóʼ kí wàá ŋáʼáy, a sáʼ rəə́ dzə̀ á yé kishà kee brons, a kitúm kìn ki wíy a saʼ a kitú ke nsay.

Daniel 2:32

Vé‑eè fèr á kitú ke kibámmbó kin a dzə̀ e *kisha ke mbàm ke baar ke á shèŋrìn ne ki, e fèr a nsaŋ wùn à kóy si a dzə̀ e ke fəvír kí, e bóo lì a bvəm wùn à mentáy mè, me vé‑eè fèrìn a dzə̀ e kisha kee *brons ki.

Daniel 8:6

Kí wìy, e yèn kiyáʼ ke kí‑iì kér loŋ sibaà, ke mò‑oò yenen, a kí tíy e ghaa ndzəv kiy. Kí yén, a leʼ kitávín, a dù e wùn wó, e dòʼshwiíy.