Daniel 8:4 - ŊWÀʼ NYÙY

⁴ M yén, a kiyáʼ kìy ki guutì virə́ʼ mbìv sidzə̀m ji lá nyàm yìmòʼ yòʼ tàm wùn wun. Kí‑iì guutì mbìv yee fo shùy yii tó, guutì mbìv yee kuy, kfə̀n guutì mbìv yee tsə́n, a bó nyàm yòʼ‑oò dzə̀ shó ye a yì‑iì dzə̀ yì bòyìr kitú kfə́ fó wùn wó.

Daniel 8:4 Referans Kwoze

Daniel 11:16

Mo fòn woó Siiria sùmèn woó Ejiv e rə́r sí, wù kù wíy a yiì kinyo a dzə̀ ke koŋ wun, a bó wìr yòʼ wíy a meʼ wun. Wù wíy faàsì nsay ye dzəə̀n ye mbùʼmé, a wù wíy a ker vitaáví vée laàr fó ŋkuuŋkùŋ.

Daniel 11:36

Fòn woó Siiria wíy a yiì kinyo a dzə̀ ke kí gheen wun. Wù wíy a koʼór wún, a tiy tiyín áànyùyí kitu, a shùr Nyùy wo wù shaàn anyùy, e liy si. Wù kù wíy a yiì bèy, é vinyo və́ ví wáa ghan, e meé mo Nyùy wíy màʼ ŋgeʼ e wun kitu. A Nyùy kù kér fó wiy yiì kinyo ke wù‑uù sìysìn.

Daniel 8:7

M yén, a kibév kìy ki nyoorì kiyáʼ e mensə me bi mè. Dòʼshwiíy kív, kí fúnrí kiyáʼ kìy, e kìvtí loŋ sə́ see sibaà, a bó kiyáʼ ki yòʼ‑oò ló a ker mentàsìn mée tam wùn kibév kìn ki. Á bèy, kibév ki ku kùúy wun, e sàn é nsay, a nyèŋrì, a bó wìr wóo sə wun yòʼ dzə̀.

Mayka 5:8

Kibér ke rám Jakov ki wíy a dzə e vitúm ví mvəm moo bvərə̀ʼ, a dzə e màŋgòŋ mvəm moo wan bvərə̀ʼ. Bvərə̀ʼ, wo wù jwím nyám yée koo, e kfər, wan bvərə̀ʼ, wo wù nəən é mvə̀m ŋgoo njiì, a wù lo, wù wàyrí vighiy, a sàʼtì nyám, a bó yòʼ dzə̀ wìr yù fóo faàsì nyám yee shooy fo fo.

Daniel 7:5

Nyàm ye yì batin sásín, e fəə̀sín, a yì dzə̀ kfə́ moo nyám ye á yoŋ ji *bear bèy. Yì‑iì nyáʼ nyaʼán, a yì lúm vighvə́r é shuù vitaár, vighvə́r, a dzə̀ vee nyàm nsaŋ. Aá kwá jii, «Lò é yuv, a kfər nyám, a dù duùn é kindzəʼ.»

Daniel 5:30

Kú a dzə vitsə́ʼ veé kishiíy kee mo á kì yí ŋkàʼ, á nèn lò, e yùyrí Belshasar woo fon woó Babilon.

Daniel 5:19

Mo Nyùy‑iì bùʼùn wun e sáʼ ye ghaʼáné bey, wìr dzə̀m ku nèn a fàn wun fánen. Kìn wìr‑iì dzə̀ wir kitum kìka, kìn woó wòŋ vəneé, kìn wù súŋnin a dzə̀ lám kitum kiné kí, á kù‑uù fan wun fánen, yaʼà. A tàr wov‑iì yèn wír, a tàʼ ji wun yúyrí, bo wù kù‑úù yúyrí, e yèn wír, a kòŋ ji wun‑éè bávtí, bo wù kù‑úù bávtí. A wù‑uù yèn wír, a kòŋ ji wun‑éè buʼ, bo wù kù buʼù, e yèn wír, e kòŋ ji wun‑éè baʼ fó ntaʼ, bo wù kù baʼà.

Esiker 34:21

Vèn‑eè dòm ve á njoon e wúné, e sə̀r e loŋ si, á táʼrí, e dùkìr e vitum.

Nsùyrì Nyùy 50:22

«Ven ve á laysìn Nyùy, vèn səəm kin ki. Vèn səəm, fo m yiì sàtì ven, é la wìr yòʼ a dzə wóo sə ven.

Nsùyrì Nyùy 7:2

fo á sati mo, mo bvərə̀ʼ sàtì nyám, a sə̀ŋ, a dù sho, là wír wo wù sə́ mo.

Ŋwàʼ Jov 10:7

Ron bèy, kiiy ji bó m yòʼ kér njò, a bó wìr wo a dzə̀ wù fə̀ə́r mo fo wò kiwo yòʼ dzə̀.

Remrí 33:17

Shúu rə́r Efrayim wùn à wó Manassèe dzə̀ ansə̀kì ansə̀kì. Wú kùʼ, e kfə̀n tàv é ŋàŋ moo ambòŋ vee dzə́ə mbìyi. Mo nyar yii kuur aŋgaà və́ vibàn e loŋ sə́ sí, dzə̀ mo rám Joosevi wíy a kuúr aŋgaà vév vibàn adzə̀m, a kuúy, a dù, a nəʼə́r e ndzəywoŋ.»

1 Afòn 22:11

Wùmòʼ‑oò dzə̀ Tsədekiya woo wan Kenaana, a wù fér ne loŋ see kisha ki. Wù wáa suúy e Fòn Ahav ji Nyùy Tàr suuy a jii, «Á mo wù yíi sə̀r wír veé Siiria, e laàr áwune, aá wàá may.»

Nsùyrì Nyùy 44:5

Vèr ton aŋgaà vér vibàn bìʼ wò, nyeŋrì áwune bìʼ vitaáví vé.