Daniel 8:3 - ŊWÀʼ NYÙY

³ M lò, e ŋàʼár sí, e yèn kiyáʼ, a kí kér loŋ sibaà, a kí tíy e ghaa ndzəv. Loŋ see sibaà sin si‑iì dàrkìr, yii bèy, a yìmòʼ‑oò dàr, e shaà yìmòʼ, e kfə̀n a kìʼ e fíy, e shaà yee shooy.

Daniel 8:3 Referans Kwoze

Daniel 8:20

«Kiyáʼ ke wò‑oò yenen, a kí kér loŋ sibaà kí din a dzə̀ afon vee abaà, fon woó Media wùn à woó Persia.

Daniel 10:5

m nàn sí, e lòo leéy, rúrú, e yèn wír wùmòʼ, a wù máʼ ndzə̀y ye á baan e làv wo fəvír, e sìŋ kikuúví é mentìntìn, a dzə̀ ke á fèrìn e *kisha ke mbàm ke baar kee wúntí kíwun ki.

Sekariya 6:1

M sii kfə̀n lòo nàn sí, e yèn *viténtén vé rər vikweè, a səŋ nyám se ŋkoʼ, wiy sho fo nsàn agwan abaà, aàgwan vìne kù dzə̀ féyì ji kisha kee *brons.

Sekariya 5:9

Á bèy, m lòo nàn sí, e yèn vikìy abaà, aá féŋ, wiyì, kér vav si moo sé shinə̀n shee kilìmbìy. Áwune sə́y, e boò ŋkaà rə̀y, e kòʼ shó e yuv.

Sekariya 5:5

Nshìylav Nyùy rə̀y kóʼtí e mǒ ghaŋ, e kfə̀n siì sùúy jii, «Nàn síi, e yèn kifá ke kí wiy ki.»

Sekariya 5:1

M kfən lòo nàn sí, e yèn kiŋkur ke ŋwàʼ, a kí féŋ e yuv.

Sekariya 2:1

M kfən lòo nàn sí, e ké ru kí, e yèn wír, a wù kér kfəə̀ mfìʼ e wun kiwo.

Sekariya 1:18

M lòo nàn sí, e kfə̀n lò yèn kifá kímóʼ kí, a dzə̀ loŋ se nyàm sikweè.

Daniel 7:5

Nyàm ye yì batin sásín, e fəə̀sín, a yì dzə̀ kfə́ moo nyám ye á yoŋ ji *bear bèy. Yì‑iì nyáʼ nyaʼán, a yì lúm vighvə́r é shuù vitaár, vighvə́r, a dzə̀ vee nyàm nsaŋ. Aá kwá jii, «Lò é yuv, a kfər nyám, a dù duùn é kindzəʼ.»

Daniel 6:28

Á bèy, vinyo ve Daniel vi nèn kù a ghan e mboʼ, e Fòn Darius sar saʼ, e kù wìy a ghan sa bèy e Fòn Sayrus woo wír woó Persia sar saʼ.

Daniel 5:31

Darius woo wír woó Media nèn faàsì vifon, a saʼ, a wù‑uù dzə̀ kiyá nshòv sibaà e mntuùfú e ghan see shooy.

Daniel 2:39

Kí nén a dzə a jii, sáʼa wíy gbù fo wun vibìy, é kitúm kímóʼ kí ŋáʼáy, a bó sáʼ kitúm kee shooyi yoʼ tàv á moo rə́. E bǎm kee shooy, é kímóʼ kí wàá ŋáʼáy, a sáʼ rəə́ dzə̀ á yé kishà kee brons, a kitúm kìn ki wíy a saʼ a kitú ke nsay.

Jeremia 51:11

Nyùy Tàr sìysì ne ji wun kù laar a ŋkàlaʼ Babilon, e nèn ŋàʼár melív me afòn veé Media ji á taámé á fó. Á mo Nyùy Tàr yíi siìr ŋkfə́tír bey, bìʼ lav cù rə ye á bvəʼəyin ne. Á sáy mvən si, e lì aŋkeè.

Aysaya 44:28

M suuy kee kùm Sayrus jii, kù dzə̀ wun wo m liìn ji wù wáa dànèr wír vém, a wù kù wíy a yiì vinyo vidzə̀m ve m kér e mǒ kwàʼtì. Wù wíy yòŋ kee kùm Jerusalem jii, á kfən bàʼrì a fó, e yòŋ kee kùm lav cù jii, á neer á kinsə̀ŋ kfə́.»

Aysaya 21:2

Nyùy Tàr‑iì dìn kinyo e mò é njèm, kí wáa jivír mo. Mò‑oò yèn, e kfə̀n yù a Nyùy suuy jii, «Ven ve á fiinè wíri, vèn fiine, e dù e kindzəʼ, ven ve á laar virə́ʼ, vèn laar, e dù e kindzəʼ. Ven vee wír veé Elam, vèn ghíʼ ŋkàlaʼ e rə́r sí. Ven vee wír veé Media, vèn gim fóo, e tàr, bìʼ fo mo woo Nyùy Tàr, m yíi màyìr kónsí ye Babilon yiìn, vitúm vi wáa konsí.»

Aysaya 13:17

Nyùy Tàr suuy jii, «Vèn leéy, m sí báʼti wír veé Media ji á ghíʼ veé Babilon, a bó yòʼ dzə̀ áwune biìmé kisha ke mbàm ke fəvír ke á fó, a bó áwune yòʼ kér shií é kishà ke mbàm ke baar kí.

Esra 4:5

Vé‑eè làʼ vé nsəri ji á wáa bvəə́r a kwaʼtì yév, e kèʼ fo ghan se Fòn Sayrus‑iì sáʼ woŋ Persia, e dù meé e sé Fòn woo Darius si.

Esra 1:2

Wù‑uù sàʼ jii, «Nyùy Tàr woo Nyùy woó yuv fò ne vitúm vidzə̀m veé kitu ke nsay e mò ji m wáa saʼ, e kfə̀n shòʼ mo ji m baʼri á lav rə é Jerusalem, e wòŋ woo Juda.

1 Wòŋ 21:16

Fòn Davir lòo nàn sí, e yèn a nshìylav Nyùy Tàr tíy e shwer, a yì shóʼ ne nyùy rə̀r, a kìʼ Jerusalem sho. Á bèy, wùn à vilìmbìy ve wíri ví tsə́m ndzəə́, e làʼ kitú fo nsay, aá máʼ vinsàʼ ve ndzə̀y.

Joshua 5:13

Wìy lòo dzə e kishiíy kímóʼ kí, a Joshua dzə́ e ghaa ŋkàlaʼ Jeriko, wù lòo sìn, e yèn a wìr tíy e wun si, kér nyùy rə̀r é kiwo. Joshua kóʼtí, e ghày shó jii, «Mbaà, à wìy bìʼ ver moo, à wìy bìʼ aŋgaà vér vibàn á?»

Kintaŋ 24:2

e lòo nàn sí, e yèn a wír veé Israyi tám é vilaʼáy mo rám sév sí dzə̀kìn. Kiyoy ke Nyùy ki nèn wìy e Balaam wùn,

Ŋgaà Yen 5:6

M ku nèn yèn Wan Njiì mo wù tíy e shùu kàvàʼ, e vifá vee vikweè vìy wùn à kfə́m siy sí nsàn, kiʼ vileémé vileémé, mo á seè, e yiì a dzə̀ cu sho. Wù‑uù kér loŋ saàmbà, kfə̀n kér sí saàmbà. A sí yee shooyi dzə̀ kiyoy kee saàmbàwìr wo dzəə̀n wo Nyùy. A Nyùy túm, a wù ghán kitú ke nsay kidzə̀m.

Ŋgaà Yen 13:11

M kfən yèn nyám ye beemén yìmòʼ, a rə̀n fəə́ a dzə̀ fó nsay. Yì‑iì kér loŋ sibaà, shwínin wan njiì, bo jì rə wáa dzə ye kigàgǎʼsòŋ kiy.

Daniel 8:2

M lòo leéy kinjeenjèm kìn, e yèn, a kí din ji m dzə̀ á e Susa wo dzəə̀n ŋkàlaʼ yee fo sáʼ yeé wòŋe lo, a yì dzə̀ é mbìv wòŋ yeé Elam. M kfən yèn, a m dzə́ e ghaa ndzəv yee Ulay.