Daniel 8:23 - ŊWÀʼ NYÙY

²³ «Yii bèy, wíy lòo dzə, a sáʼ yéví sí wìy dù a mày, a wír ve á guynìn, shóʼor nsər Nyùyi jáy ne vinyo bèn, e tònén, é fòn wùmòʼ ŋáʼáy, a vishí və́ ví kù wíy a dzə rə́r rə́r, é kfə́n a dzə wír, a wù kì móo ba menàŋ, e kèm ŋgeʼ.

Daniel 8:23 Referans Kwoze

Ŋgaà Yen 19:20

Á nèn tàm, wù koó nyám ye beemén rə̀y wùn ŋgaà ntum və wo wù‑uù rə́si ghán fo wùn mbìy, shóʼ virom, bóʼti wíri shó. A wù kù‑uù bóʼti a dzə̀ wír ve vé‑eè kér nsáŋti nyàm ye beemén rə̀y aáwuné wùn, ghvə́m kibámmbó kfə́. Mo á koon áwune, e nèn dù, e màʼ e kimbiirìn ke və́yí bo sho, baári moo mekàŋ.

1 Timoti 4:1

Kú a kiíy ji Kiyoy ke Nyùy ki suuy kiránén á jii, ghán sí wíy fəə, é wíri maʼti kinyo ke vèsən wayin shilív shó kìn, a yuurí a dzə̀ vifá ve ví ghán e ndzə, bóʼtí áwune, aá jùmrì yéʼéy a dzə̀ ye yí lo fo *anyùyi.

Daniel 7:20

M koŋ sa e kiíy nsàv loŋ see ghvə̀m se nyàm rə̀n‑eè kér e kitu, à nsàv loŋ ye yì‑iì fəən fó bàm, e yiì, see sitaár si shóʼkír. Loŋ rə̀n‑eè kér sí wùn à shúu, a kù fəə́ lám kinsùmrìwùn fó fo. Yee shoon yee loŋ wáa dzə, a yì beéme e ŋàŋ, e shaà kibér.

Daniel 7:11

M ku kpù leéy, bìʼ lám wo loŋ nyàm rə̀n‑eè sumrì wún shó. M kú a leéy bèy, e lò, e yèn, aá seé nyám ye loŋ kì dzəə̀n é kitu wo rə̀n, e laàr jáv láarin é və̀y.

Daniel 7:8

Kù mo m wáy sí e loŋ sìn, yìmòʼ yee loŋ nèn fəə̀ e siy sí nsàn, a yì dzə̀ kfə́ e dórín. Á ménrí loŋ sitaár se sí‑iì siìn fó, e fíʼ fo ghay e rə̀n, a loŋ rə̀n kér sí si moo sé wìr, kér shuu, a kù fəə́ lám kinsùmrìwùn fó fo.

Daniel 7:25

Fòn və̀n wíy a suúy vinyo ve kisaŋ vi e Taà Vitu bàm. Wù wíy a nə̀ʼsì wír Nyùy woo Taà Vitu. Wù wíy a taŋ ji bo wun kì kùvsín á nsər sév sé Nyùy, e kùvsín vishiíy vév ve kuʼkìn ví, aá wíy way wír Nyùy e wun sar saʼ, viyá vitaár e kimbéʼ ki.

Daniel 8:25

Wù wíy a fiír feyì, a yiì vinyo və́ bám bám, é kimboʼtì ki kú a kuy kuyín e wun saʼ. Wù wíy a koʼór kitú kfə́, a yen ji moo wun yòʼ dzə̀. Aníne wíy lòo kwàʼ ji á dzə̀ akiŋsìn, e wù nèn tò, e laàr áwune. Wù wíy lò, a tsəy kóy wùn Fòn woo Fon fo afone. Yii bèy, sáʼ rəə́ wíy gbù, a bó kee shooy ki yòʼ fə̀m wíy ghan a dzə̀ wó wìr msòŋ.

Esiker 38:16

À wíy wìy, e ghiʼ wír vém veé Isray e rə́r sí mo mbàʼ sùm woŋ. Gog, wíy lóo dzə e kishiíy kin e ghan sé bàm sí, é m ku yiì, áà nəə́ wír vém e rə́r sí. M wíy yiì bèy ji m fiʼ dìn e vitúm vi ji m dzə̀ e ránén ji Nyùy, aá wíy a yen e sí yéví a dzə̀ fó vinyò ve m wíy yiì e wò.

Esiker 38:8

Vishiíy ví wíy lòo shaà, aá wám wò ji à du á rə́r. Kí dzə̀ jii, wíy lòo dzə e ghan sé bàm sí, áà du, e taàmé kitúm ke wó rərí kù dzəə́ fəə́ fəə́n fo áwuné wùn. Kitúm, a wír vəə́ kfə́nkír fó vitum vinín, e wìy, a dzə aàŋkoŋ veé Isray, ve yì‑iì siìn vifə̀m e bǎm viya vímóʼ ví vinín. Vé‑eè sìy áwune fo vitúm vímóʼ ví mvəm, e wìy sho aáwuné nsay, á wáa neŋ fo lèn adzə̀m ji dèʼ, là kindzə́m.

Daniel 11:24

Wù wíy lò, é wù sasin, e nə̀ə́ mbìv wòŋ ye yì kér bùʼ e rə́r sí, e kùúy bùʼ woo shooy, e nèn jàv aàŋgaà və́ ŋgoo, wùn à kéŋ ye á faàsìn sáa. A dzə̀ kinyo feyì ke bó atàr vəə́ yòʼ‑oò ghàn mùm, a fə̀m dzə̀ vee fó ŋgùʼ féyì. Wù wíy a ba ntaŋ ji wun laar á virə́ʼ ve tavkín ví, yii bèy, a bó ntàm yòʼ wíy dàr, a bó ntaŋ və bvəə́rí.

Daniel 11:21

Á yúyri wun woo fon woó Siiria, aá bun njìlaʼ və, a dzə̀ wír wo wíri taʼ kinyè kfə́ ntéŋ. Wír, a bó wù yoʼ fə̀m ràm kfə́ə wón ntoʼ. Wù kù wíy sàsìn sàsìn, e wìy, a borkír, a leèrì wíri a dzə̀ e shúu, e bóo yi vifon.

Daniel 10:14

M wìy ne lèn ji m yii, áà kiíy kinyo ke kí wíy a koóy wír vé e ghan se sí wiyì, bìʼ fo kinjeenjèm kìn ki din a dzə̀ ghán se sí dzəə́ wìy a wìy.»

Kèʼlo 15:16

A kí wíy lì kiyá ghii kweè, é bo rám yée kfə́n é bàm fen, bìʼ fo vinyo ve wìr veé Amor ve bi ví yóʼ ne kùʼ, e mèé ve a dzə̀ m màʼ ŋgeʼ aáwuné kitu.»

1 Tesalonika 2:16

bìʼ fo áwune sháʼnin fo vèr wáa ghan fo vèn vee wír ve bó yòʼ dzəə̀n veé Juda, a fìʼtì ji dzə̀ Nyùy lùŋèr sáa ven. Aá yiì ne bèy, vinyo vév ve bi ví máysí, e kùʼ, lǒn Nyùyi koó áwune.

Matio 23:32

Vèn ku shaà rì fo mbìy, e màysì kibér ke kinyò ke atàr vén vee shooyi‑iì kèʼèn.

Remrí 28:50

Wíy a dzə wíri, a dzə̀ vé tàkìŋàʼa, ve bó á yòʼ kiiy ŋgàywìr, e bó a rər mendzən me wánlè wo terí.

Kintaŋ 24:24

Vikóŋ vi wíy a wìy fo Kittim, a wìy, a shwivír Asshur wùn Eber, é wun woo ŋgaà laàr, é wù ku mày sa.»

Ŋgàn 1:6

a kiíy mó a toʼtí ŋgàn si wùn à mbìamè wo yovìn, a kiíy jí se afiì wùn à metìítìy mev mè.

Daniel 8:22

Ké loŋ see sikweè se sí‑iì fəəkin fo lúm loŋ və̀yi‑iì kivin, kee shooy ki din ji woŋ e dzə̀m wo wír veé Griki kooné wíy jàvsìn vilíŋ vikweè, é kee kimòʼón ki wáa ker və́ə woo fon, a bó vitaáví vév ví yòʼ wíy meé e vé fòn woo wo mbìy vi.

Daniel 8:24

Vitaáví və́ ví kù wíy a dzə vigháʼtín. Yii bèy, a bó kee shooy ki yòʼ wíy lò a dzə̀ fo wun. Wù wíy a tòn virə́ʼ, a bemér wíri, é vinyo ve wù yii vi kú a dù duùn fó mbìy. Wù wíy laàr antav, e kfə̀n laàr wír ve dzəə̀n ji vé Nyùy.