Daniel 8:22 - ŊWÀʼ NYÙY

²² Ké loŋ see sikweè se sí‑iì fəəkin fo lúm loŋ və̀yi‑iì kivin, kee shooy ki din ji woŋ e dzə̀m wo wír veé Griki kooné wíy jàvsìn vilíŋ vikweè, é kee kimòʼón ki wáa ker və́ə woo fon, a bó vitaáví vév ví yòʼ wíy meé e vé fòn woo wo mbìy vi.

Daniel 8:22 Referans Kwoze

Daniel 11:4

Sáʼ rəə́ tuuy a yí tuúy ne, é yí ku nèn bvəə̀rí, aá javsin woŋ və́ mbìv sikweè, é sí waá kìʼ buú se ndzə jeéy jeéy, a bó sáʼ rəə́ yòʼ wíy dù a dzə̀ e rám rəə́. Afon vee fóo yòʼ kfə̀n wíy a ker vitaáví vé saʼ mo wù‑uù kérí, bìʼ fo wóŋe jàvsìn ne, sáʼa dú e wír ve səné.

Daniel 8:8

Kibév kìn ki ku nèn a dzə̀v kfə́ a dzə̀ nsaŋ ji moo wun yòʼ waà dzə̀. Kí wìy tàv, e mèé e ntìm yìwun, loŋ rə ye tavín rə̀y nèn kìvín. Yì kívín, se sən see loŋ se tavkín símóʼ sí fəə́kír fo rə̀y kì kivin sikweè, a ròm mbìv sí jeéy jeéy.

Daniel 8:3

M lò, e ŋàʼár sí, e yèn kiyáʼ, a kí kér loŋ sibaà, a kí tíy e ghaa ndzəv. Loŋ see sibaà sin si‑iì dàrkìr, yii bèy, a yìmòʼ‑oò dàr, e shaà yìmòʼ, e kfə̀n a kìʼ e fíy, e shaà yee shooy.

Daniel 7:6

Kee shooy ki shaá, a m kù wáy sí, e nèn kfə̀n yèn yìmòʼ yee nyám, a yì dzə̀ kfə́ é njà baá. Yii bèy, a vav se shinə̀n sí fəə́kír é ndzə̀m wó sikweè, a nyàm rə̀n kér vitú vikweè, aá fó vitaáví vé saʼ sho.

Daniel 8:21

Kibév ki din a dzə̀ kitúm kee Grik. Lúm loŋ wo wú‑uù tíy e nsàn wón si kiyaʼ və̀ne din a dzə̀ fon wov wo mbìy.

Daniel 8:23

«Yii bèy, wíy lòo dzə, a sáʼ yéví sí wìy dù a mày, a wír ve á guynìn, shóʼor nsər Nyùyi jáy ne vinyo bèn, e tònén, é fòn wùmòʼ ŋáʼáy, a vishí və́ ví kù wíy a dzə rə́r rə́r, é kfə́n a dzə wír, a wù kì móo ba menàŋ, e kèm ŋgeʼ.

Sekariya 6:1

M sii kfə̀n lòo nàn sí, e yèn *viténtén vé rər vikweè, a səŋ nyám se ŋkoʼ, wiy sho fo nsàn agwan abaà, aàgwan vìne kù dzə̀ féyì ji kisha kee *brons.

Daniel 7:7

M kfən yèn nyám ye yì meen ji kweè e kinyò ke kí‑iì wìyìn e mǒ si e njà kinjeenjèm, a yì beéme bèn ji wùm, kiʼ e távín ji ŋkǒŋ. Yì‑iì kér vigha ve sòŋ, a dzə̀ vee kisha kee wúntí kíwun. Yì lúm nyám, yì sàʼtì sáʼtin, a nyèŋrì kibér, a fòtì e wuú. Nyàm rə̀n wáa dzə kfə́ jeéy fo se sí‑iì fəəsin fó mbìy si, a yì kér loŋ e ghvə̀m.