Daniel 8:21 - ŊWÀʼ NYÙY

²¹ Kibév ki din a dzə̀ kitúm kee Grik. Lúm loŋ wo wú‑uù tíy e nsàn wón si kiyaʼ və̀ne din a dzə̀ fon wov wo mbìy.

Daniel 8:21 Referans Kwoze

Daniel 11:3

Á bèy, é fòn wo kuʼùn wùmòʼ nèn ŋàʼáy, a wù wíy a saʼ woŋ e wiíwíy, a yiì kinyo a dzə̀ ke kí gheen wun.

Daniel 10:20

Nshìylav Nyùy rə̀y nèn kfə̀n dzə̀r e mò jii, «À kì nsàv wìy ye m wìyìn fo wò wùn á? A m lo, e kfən e bàm lèn lèn, e dù, e fùnèn nshìylav ndzə vitsə̀ʼ ye yì shiy kitúm kee Persia. M funèn, gháʼ wun, é nshìylav ye yì shiy kitúm kee Grik wiy, e taàmé mo.

Daniel 8:20

«Kiyáʼ ke wò‑oò yenen, a kí kér loŋ sibaà kí din a dzə̀ afon vee abaà, fon woó Media wùn à woó Persia.

Daniel 8:22

Ké loŋ see sikweè se sí‑iì fəəkin fo lúm loŋ və̀yi‑iì kivin, kee shooy ki din ji woŋ e dzə̀m wo wír veé Griki kooné wíy jàvsìn vilíŋ vikweè, é kee kimòʼón ki wáa ker və́ə woo fon, a bó vitaáví vév ví yòʼ wíy meé e vé fòn woo wo mbìy vi.

Daniel 11:2

Ké lèn ki, m lo, e suúy wò suuyru vinyò ve ví wíy a dzə. Rúrú, afone dzəə́ wìy ŋaʼáy e kitum kee Persia ataár, a wo wù wíy meé ji kweè wíy a ker bùʼ, e shaà vé mbìyi. Sáʼ rəə́ wíy tav, bìʼ káv wo wù kérí, é wù maʼ melaà, é wìr dzə̀m binkir, e taàmé kitúm kee Grik.

Daniel 2:39

Kí nén a dzə a jii, sáʼa wíy gbù fo wun vibìy, é kitúm kímóʼ kí ŋáʼáy, a bó sáʼ kitúm kee shooyi yoʼ tàv á moo rə́. E bǎm kee shooy, é kímóʼ kí wàá ŋáʼáy, a sáʼ rəə́ dzə̀ á yé kishà kee brons, a kitúm kìn ki wíy a saʼ a kitú ke nsay.

Daniel 7:6

Kee shooy ki shaá, a m kù wáy sí, e nèn kfə̀n yèn yìmòʼ yee nyám, a yì dzə̀ kfə́ é njà baá. Yii bèy, a vav se shinə̀n sí fəə́kír é ndzə̀m wó sikweè, a nyàm rə̀n kér vitú vikweè, aá fó vitaáví vé saʼ sho.

Sekariya 9:13

M fèr ne Juda ji kinte kém, e lì Efrayim ji mvən si. Éè Sion, à dzə̀ nyùy yem rə̀r. M wíy bayír wón vé, aá ghíʼ wír veé Grik e rə́r sí.»