Daniel 8:2 - ŊWÀʼ NYÙY

² M lòo leéy kinjeenjèm kìn, e yèn, a kí din ji m dzə̀ á e Susa wo dzəə̀n ŋkàlaʼ yee fo sáʼ yeé wòŋe lo, a yì dzə̀ é mbìv wòŋ yeé Elam. M kfən yèn, a m dzə́ e ghaa ndzəv yee Ulay.

Daniel 8:2 Referans Kwoze

Esta 1:2

Wù‑uù sàʼ vifon, wáa dzə e mvə̀m kiya kee ji taár, wù yiì ŋkàʼ bìʼ atǎr wòŋ wùn à vé lìm vəə́ adzə̀m, a wù dzə̀ e wun ntoʼ ye yì‑iì dzəə̀n é ŋkàlaʼ ye kuʼùn yee Susa. Amfòómé rər veé Persia wùn à veé Mediàa, aàtǎr laʼ wùn aàtǎr saʼ bàràʼa wáa dzə fo ŋkàʼ fóo fèy.

Nehemia 1:1

Jí se Nehemia woo wan Hakalia. Yì‑iì dzə̀ é ŋwee woo Kislev, e kiya ke kí‑iì meen ji mbaà mo Fòn Artakerkes‑iì yiin vifon, a saʼ e Persia, a m dzə̀ é ŋkàlaʼ ye wiy yee Susa,

Esiker 32:24

«Kitúm kee Elam ki kù dzə̀ sá fo, wùn à mànjòŋ və aáwuné sày si, e kaàrí fó, e tàr, aá kpú yé rər adzə̀m, e kaày aàŋkfəə́ wòŋ, a dzə̀ wír, a bó á yòʼ‑oò kì Nyùy. Vé‑eè lo fo mbìy, á wàa bemér wíri, lèn, áwune tàtí ne wír ve á dzəə̀n é loònsay, a beʼ woómé se wìr ve á kpuun yé rər.

Jeremia 25:25

afon veé Simri adzə̀m wùn à veé Elame, à veé Mediàa adzə̀m,

Esta 2:8

Fòn yiì lò, e fò sáʼ ji á báʼtí á wónlě ŋgòn. Á nèn bàʼtí, e wìy sho e ntoʼ yeé Susa, a Esta dzə̀ sá wùmòʼ. Á nèn wày wun e Hegay kiwo, wo wù yii leey fo vikǐy ntoʼo.

Kèʼlo 14:1

Wáa dzə e ghan fóo fèy, a Amrafel, wun woo fon woó Shinar, e lì Ariok woo fon woó Elasar, à Kedorlaomer woó Elam, à Tidal woó Goyiim‑eè lò, e nèn màʼ rə́r wùn aàfon ámóʼó atàn,

Kèʼlo 10:22

Wón Sheme‑eè dzə̀ Elam wùn à Asshur, à Arpakshad, à Lud, e lì Aram. Á wír ve vé‑eè kèʼèn vitúm ve ví kér yír sév.

Daniel 8:3

M lò, e ŋàʼár sí, e yèn kiyáʼ, a kí kér loŋ sibaà, a kí tíy e ghaa ndzəv. Loŋ see sibaà sin si‑iì dàrkìr, yii bèy, a yìmòʼ‑oò dàr, e shaà yìmòʼ, e kfə̀n a kìʼ e fíy, e shaà yee shooy.

Daniel 7:15

Kinjeenjèm ke mò‑oò yenen kin ki‑iì kàr mo woo Daniel, e yiì, wúné wéʼ mo.

Daniel 7:2

Wù‑uù sàŋ, a naàrì jii, yì‑iì dzə̀ vitsə́ʼ vímóʼ ví, kilìtì ke kinyò ki wìy e mǒ si e njà kinjeenjèm. M yén, a shwéri wiy mbìv sidzə̀m, tsə́y rìbà ndzə̀v wo wiy,

Aysaya 21:2

Nyùy Tàr‑iì dìn kinyo e mò é njèm, kí wáa jivír mo. Mò‑oò yèn, e kfə̀n yù a Nyùy suuy jii, «Ven ve á fiinè wíri, vèn fiine, e dù e kindzəʼ, ven ve á laar virə́ʼ, vèn laar, e dù e kindzəʼ. Ven vee wír veé Elam, vèn ghíʼ ŋkàlaʼ e rə́r sí. Ven vee wír veé Media, vèn gim fóo, e tàr, bìʼ fo mo woo Nyùy Tàr, m yíi màyìr kónsí ye Babilon yiìn, vitúm vi wáa konsí.»

Aysaya 11:11

Wíy lòo dzə e ghan fóo fèy, é Nyùy Tàr ramsi wó rə́, e kfə̀n sə̀ kibér ke wìr və́, e siìr, é kí kfə́n é bàm fó kwaʼ nsàm. Wù wíy siìr áwune, aá kfə́nkír é bàm fó vitum vinín. Á wíy kfənkír fo Assiriya, à fó Ejiv, à fó Patros, à fó Etiopia, à fó Elam, à fó Shinar, à fó Hamat, e lì veé vitum ve ví dzəə̀n é ŋguùŋè rìbà ndzə̀v, à ve ví dzəə̀n é mvə̀m ndzə̀v, a ndzə́ví kaárí, e tàr ví.

Esta 9:15

Wír veé Juda ve vé‑eè dzə́ e ŋkàlaʼ yee Susàa nèn kfə̀n siì bàʼtí e kishiíy kee nshòv sikweè e mbaà e ŋwee Adar fèy, e fəə̀, e kfə̀n yùyrí wíri ghii taár. Yii bèy, e làa yòʼ màʼ kiwó aáwuné keŋ gheéy.

Esta 9:11

Á ku nèn bùn fon e nsənnsən, kù é si kishiíy, e fìʼtì sho mo á yuyrin wíri é ŋkàlaʼ yee Susa e kishiíy fóo fèy.

Esta 8:15

Mordekay‑iì lo fo ntoʼ, a wù kér ndzə̀y sé vifòn se sí kér virə́ʼ ve səənén ví wùn à ve fəvír ví e wun wùn. Wù kfə̀n‑eè sòv ntáráʼ wo wiy, aá fér e kisha ke mbàm ke baar kí, e ndzə̀m e kinsàr ke ndzə̀y ke kí baaŋè, kiʼ kijuŋ ki. Wír veé Susàa wáa dzə kév, a sheʼrí sáʼ fòn, a seŋ, a sàvnìn.

Kintaŋ 12:6

Wù suúy jii, «Vèn yuúrí kijuŋ. *Ŋgaà ntum wom yii lóo dzə e věn mvəm, m wàa dìn kitú kém shó e njà vinjeenjèm, e kfə̀n a suŋnín sho e njèm.

Hibru 1:1

Yì‑iì dzə̀ fó mbìy, a Nyùy súŋnin aàtàr vesəné akàŋ anín e dzəə sí dzəə sí, a wù‑uù túm a dzə̀ aŋgàa ntum və́, aá tiísi.

Esta 7:6

Yaà Esta bùn fon, e tòʼ shó jii, «Ŋgaà vibàn wo wù ron wuú yér kù dzə̀ á rim woo Haman wo wù dzə́ və̀n.» Haman nèn lò a yàʼ yàʼàn e fòn wùn Yaà Esta si.

Esta 3:15

Nsheèlav si ku nèn lì sáʼ rə̀y, e sàmèr cércér. Á kfən sàʼ sá e kinsàʼwày é ŋkàlaʼ fòn yee Susa. Fòn wùn Haman nèn dzə̀ʼə̀m ji á nó á meluʼ, á wáa no, a ŋkàlaʼ yee Susa sí bvəə́ri bvəə̀rín.

Ŋgaà Yen 9:17

M wáa yen vinyo vee shooy moo vinjeenjèm, a yen mo vé rər viy wùn à nyám sév sí kiʼì. Áwune wáa dzə e vitu ve nyàm, aá kúr visha, e sə̀tí vikàkàŋ vév shó, a ví baŋ moo və́y, kfə̀n səə́ne moo shinsəʼ, e bóo kfə̀n a baàŋè baàŋèn. Vitú ve nyàm vi shwínin vé bvərə̀ʼ, a və́y wùn à kindzə́ʼ ki, à kintoŋ ke ŋgar ki fəə́ fo shuù wo.

Esiker 1:1

Yì‑iì dzə̀ é kishiíy kee tàn, e ŋwee woo kweè, a m sí du kiyá mtaár, shúu yuví mvə̀ʼə̀m, m yén Nyùy e njà kinjeenjèm. Kù‑uù yèn mo woo taà cù Esiker woo wan Busi kinyo kìn, a m dzə̀ é ŋgoo wìr veé Juda ve vé‑eè koorin fó Jerusalem, e dù sho e Babilon, e lèm e ghaa ndzəv yee Kebar. Ghán sin si‑iì dzə̀, a Fòn Jehoyiacin dzə́ʼə́m ne e kwaʼ nsàm viyá vitàn. Nyùy Tàr nèn lò, a suŋnín e mò, vitaáví və́ ví nəə́ e mǒ wùn, m yú.

Daniel 8:1

Wáa meé ji viyá vitaár mo Belshasar‑iì sáʼ vifon, mo woo Daniel, m kfən yèn kinyo e njà kinjeenjèm, e bàr ké mbìy ke kí‑iì meésinè sho.

Daniel 10:4

Á bèy, wìy lòo dzə kishiíy nshòv sikweè e mbaà fó ŋwee Nisan, kù mo m tíy e sə́r ndzəv yee Tigris,