Daniel 8:12 - ŊWÀʼ NYÙY

¹² Kiguynìn ki ku nèn a kuy kuyín. Á nèn lò, e wày sá wír Nyùy e loŋ rə̀n kiwo, yì wáa ker vitaáví, a ghaʼ áwune, e ndzəə̀r cu ye vé‑eè yii kishiíy kidzə̀m. Yì‑iì maʼ kinyo ke Nyùy fo nsay, yii vinyo vìn, a kinyo kfə́ kí kù kúy kuyín, ghán e mboʼ.

Daniel 8:12 Referans Kwoze

Jeremia 12:1

Nyùy Tàr, a m neèr nsaʼ yem e wò si, bo ŋgaà réŋ kù yíi a dzə wò. Yii bèy, a m kù‑úù neer vinyo vìn e wò si, e yù ó mo wo‑óò tínén. Wír ve á méŋ wòo lo, á wàa ker dzəʼə̀m ye juŋe bìʼ ka? Vé kimboʼtìi lo, á wàa dzə dzə́ ye juŋe bìʼ ka?

Aysaya 59:14

Wíri yòʼ dzəə́ taʼ feyì ji á kfən tìnén kinyo e nsànloŋ, a bó á yòʼ dzəə́ taʼ feyì ji bo á kì ghán e Nyùy mbòv. Suuyrú yòʼ kfə̀n dzə̀ə́ e wìr msǒŋ mvəm, aá yòʼ kfə̀n fó kilíŋ e kinyo kee tìítiy ki.

Ŋgaà Yen 13:7

Á kfən màʼtì sa ji wù maʼ rə́r wùn à wír Nyùyi, e tòn áwune, e sə̀ vitaáví, a saʼ wir dzə̀m, kìn dzə̀ woŋ vəné, kìn dzə̀ kitúm kiné kí, kìn á súŋnin a dzə̀ lám gha, kìn dzə̀ kfə́ə wìr msòŋ rəné, é wù kú a saʼ.

Daniel 11:28

Fòn woó Siiria wíy lò, a kfən e wun kitum, a wù kér bùʼ e gháʼán, wo wù faàsìn. Wù lóo dù, bee, é kwaʼtì rəə́ kúvsín, é wù keʼ, a taamé wír ve wùn à Nyùy gwàrìn *mensaŋ ji wun laar á vinyo vév vee bìʼ Nyùy, é wù nèn dù, e nyàvrì aáwune, e bó a kfən e wun wòŋ.

Daniel 8:4

M yén, a kiyáʼ kìy ki guutì virə́ʼ mbìv sidzə̀m ji lá nyàm yìmòʼ yòʼ tàm wùn wun. Kí‑iì guutì mbìv yee fo shùy yii tó, guutì mbìv yee kuy, kfə̀n guutì mbìv yee tsə́n, a bó nyàm yòʼ‑oò dzə̀ shó ye a yì‑iì dzə̀ yì bòyìr kitú kfə́ fó wùn wó.

Nsùyrì Nyùy 119:142

À kù wíy a dzə là jay bèn, e dù, e jòʼsì, a Nsər yè kù wíy a tiy fo ji ŋkǐŋ.

Nsùyrì Nyùy 119:43

Tóm mo, é la kinyo ke dzəə̀n ke ru kí yòʼ lày fo mǒ shuù, bìʼ fo m kù leey a dzə̀ vinyo ve tínen wò, é ví wáa dànèr mo.

Ŋwàʼ Jov 12:6

Vé kimfaàsìi kù néŋ aáwuné melaʼ ji dèʼ, a wír ve á tínsin Nyùyi dzə́ là fan, a dzə̀ áwune vin ve á ghán aànyùyi.

1 Samuel 23:9

Davir yú ji Saul bàʼtí a ne ji wun nəə́ wun e rə́r sí, wù suúy e Abiyatar woo taà cù ji wù wiy á e shiŋkèéy shé kikum shí.

Nsùyrì Nyùy 28:5

Wír vìne yòʼ gwarìr lim se Nyùy Tàr, lim se wù lim e wó rəə́. Wù kù yíi màʼ ŋgeʼ aáwuné kitu, e laàr áwune ŋkuuŋkùŋ.

Daniel 7:21

Kù mo m dzə́, wáy sí, loŋ yee shooy nèn lò, e tsə̀ŋén rə́r wùn à wír Nyùyi, e fùnèn, e tòn áwune.