Daniel 8:11 - ŊWÀʼ NYÙY

¹¹ Jòkìnyàʼ, yì‑iì kòʼór kitú kfə́, a sə kóy wùn Taà Mànjòŋ vé rər veé yuv, a shaʼnín cu ye vé‑eè cu Nyùy sho kishiíy kidzə̀m, e bìvír lav rə cù.

Daniel 8:11 Referans Kwoze

Daniel 12:11

«Á bèy, e kèʼ fo ghan se á wíy màyìr cu yee yiì kishiíy kidzə̀m, aá tiír ne kifá ke kí kóʼoy, bívir virə́ʼ, é vishiíy vímóʼ ví kfə́n a dzə kishóv e mbvə̀ʼə̀ e ghiì baà é nsə̀kì (1,290).

Daniel 11:31

Wù wíy fəə́r vé rər və́, aá nəə́ é kirə̀ʼ ke tavín kí ke dzəə̀n lav cù, e bivír fó. Wù wíy màyìr cu ye vé‑eè yii fo kishiíy kidzə̀m, é wù nèn tìír kifá e mbìv lav cù yìmòʼ, a dzə̀ ke kí kóʼoy, bívir virə́ʼ.

Daniel 8:25

Wù wíy a fiír feyì, a yiì vinyo və́ bám bám, é kimboʼtì ki kú a kuy kuyín e wun saʼ. Wù wíy a koʼór kitú kfə́, a yen ji moo wun yòʼ dzə̀. Aníne wíy lòo kwàʼ ji á dzə̀ akiŋsìn, e wù nèn tò, e laàr áwune. Wù wíy lò, a tsəy kóy wùn Fòn woo Fon fo afone. Yii bèy, sáʼ rəə́ wíy gbù, a bó kee shooy ki yòʼ fə̀m wíy ghan a dzə̀ wó wìr msòŋ.

Esiker 46:14

Á ku tàtí cu rə̀n wùn à yé vifa ve yii, a yiì vijàvndzə vidzə̀m. Á li meŋkfəŋ fo kigátí kintóʼ kimòʼón fo vee ntuùfú ví, e lì meŋgvə́r é lita, a dzə̀ me á tóv meŋkfəŋ sho ji cú Nyùy Tàr yé vifa ve yi. Kù sì nsər cù bèy, e wìy dù, e mày.

Ŋgaà Yen 17:14

Á wíy lò, aá nèn bàʼtí rə́r, a màʼ Wan Njiì Nyùy sho. Yii bèy, é Wan Njiì Nyùy wùn à wír vəə́ só áwune, bìʼ fo dzəə̀n wun woo Tàr fo atàrí adzə̀m, kfə́n a dzə wun Fon fo afone adzə̀m. A wír vìne dzə̀ ve wù liìn ji və́, á wáy shilív e wun wùn, a tiy a dzə̀ wùn áwune.

Aysaya 37:23

Sennakeriv, wìr wo à shéʼ, kuurì dzə̀ la? Wìr wo à súŋnin sho kitávín dzə̀ la? À fə́ti sí a dzə̀ vèn la? À kù yòʼ kì ji dzə̀ Ŋgaà wo Ranén woó Isray a?

Hibru 2:10

Vinyo vidzə̀m vi dzə̀ a dzə̀ e Nyùy kiwo, a sìysì wun, ví wáa lìm mo wù taʼà. Mo wù‑uù taʼ ji wun wìy lì wír ve dzəə̀n wón və́ adzə̀m, e wày e wùn mvə̀m vijùŋ, kí nen ghèén feyì mo wù‑uù sìysìn ji Jesus ku wìy, e yèn ŋgeʼ, e fíʼ gheén e wìr wo dzə̀ wù shèm mbìy wìr vee shooy, e dànèr e dzə̀ʼə̀m yee là may.

Ŋwàʼ Luk 21:24

Á wíy gwàtì ámóʼó gwátin, e tayrí ámóʼó ji akwàn, a jàvtì vitúm vidzə̀m. Á mo vitúm ve bó ví yòʼ kiìn Nyùy vi wíy tòn Jerusalem, a koʼrí e kitu wo, e dù, e meé mo ghán sév sí wíy mày.

Daniel 8:12

Kiguynìn ki ku nèn a kuy kuyín. Á nèn lò, e wày sá wír Nyùy e loŋ rə̀n kiwo, yì wáa ker vitaáví, a ghaʼ áwune, e ndzəə̀r cu ye vé‑eè yii kishiíy kidzə̀m. Yì‑iì maʼ kinyo ke Nyùy fo nsay, yii vinyo vìn, a kinyo kfə́ kí kù kúy kuyín, ghán e mboʼ.

Daniel 7:25

Fòn və̀n wíy a suúy vinyo ve kisaŋ vi e Taà Vitu bàm. Wù wíy a nə̀ʼsì wír Nyùy woo Taà Vitu. Wù wíy a taŋ ji bo wun kì kùvsín á nsər sév sé Nyùy, e kùvsín vishiíy vév ve kuʼkìn ví, aá wíy way wír Nyùy e wun sar saʼ, viyá vitaár e kimbéʼ ki.

Daniel 5:23

Nyàr, Fòn kòʼór ne kitú kfə́ á feyì, a yen ji á shàa Nyùy Tàr woó yuv. Fòn yiì ne, á lí á vikáŋ ve dzəə̀n vee Nyùy Tǎr lav, e wìy, e yèn á wun sho, wùn aàtǎr laʼ vəə́, à vikǐy ntoʼ vəə́, à ve lemèné tátí, a no a meluʼ fo fo. Cèrèy, wùn áwune ló fó fo, a burí mebvə̀m, vifá, aá fér a dzə̀ e kisha ke mbàm ke baar kí, kìn e ke fəvír kí, kìn e kisha ke brons ki, kìn e kisha kee kiy ki. Vifá, aá lo, á sèm a dzə̀ e kicí kí, kìn e tíyí. Vifá vìn, a bó yòʼ dzə̀ ví wàa yen virə́ʼ, a yu vinyo, kìn ji ví kiíy kinyo. Yii bèy, a Nyùy wo wù kér kiyoy ke wìr e wun kiwo, kfə̀n leey dzəʼə̀m wìr dzə̀m, dzə̀ shó, a bó fòn yòʼ ghvə́m wun.

Jeremia 48:42

Á wíy laàr kitúm kee Moav fo kitu ke nsay, bìʼ kóʼór ye kí koʼorin kitú kfə́, e shaà Nyùy Tàr.

Jeremia 48:26

«Moav sí kóʼor kitú kfə́ shaa Nyùy Tàr. Á ku nòór áwune, é mè koó, áwune lóo màʼ, lóo dzəŋrí sho, é kitú ke nsay ki wáa lì áwune ji kifá ke nshéʼmé ki.

Aysaya 37:29

À fàŋ ne mo, kiŋkoʼòrwùn ké ki nəə́ e mǒ kitùʼùr. Bìʼ bey, m yíi way ŋgòvìr yem e wò yuy, wáy sháŋ e wò shuù, é m nèn bìnèr wò, áà wáa kfən, a kfən, a kù dzə̀ fó dzəə ye wò‑oò wìyìn fó fo.»

Kintaŋ 28:3

Áà suúy aáwune ji vifá ve cù ye və́yí bin fo fo, ve á fó e Nyùy Tàr ví dzə̀ á jii, ké cù yee vishiíy vidzə̀m ki yíi a dzə wón viyaʼ vee kiyá kiyá abaà, a kù dzə̀ vee là nsem. Á cu ye tonèné ye á kú a yiì e kishiíy kishiíy, vishiíy vidzə̀m.

2 Tesalonika 2:4

Yii bèy, a wù wíy wìy e ghan see shooy, é wù wáa koʼór wún, a shaʼnín ji lá wíri yòʼ a ghvəm a kifá kímóʼ kí ji Nyùy, e shaà wun. Wù yii bèy, é wù nèn màysì, e dù, e nə̀ə́, e yèʼém e lav ye á cu Nyùy sho, a yòŋ kitú kfə́ ji Nyùy.

Daniel 8:24

Vitaáví və́ ví kù wíy a dzə vigháʼtín. Yii bèy, a bó kee shooy ki yòʼ wíy lò a dzə̀ fo wun. Wù wíy a tòn virə́ʼ, a bemér wíri, é vinyo ve wù yii vi kú a dù duùn fó mbìy. Wù wíy laàr antav, e kfə̀n laàr wír ve dzəə̀n ji vé Nyùy.

Daniel 9:25

Ku yuùrí kijuujùŋ, a kiíy jii, kèʼ mo ntum Nyùy‑iì fəən ji á baʼri Jerusalem, e siìr fo, ghán sí wíy shaà kiyá saàmbà, kàŋ saàmbà, e meé mo taà saʼ wo á yoʼon ne wíy wìy. Á wíy bom Jerusalem, e naŋsín dzə́ə seé mvə̀m sé laʼ wùn à virə́v vé kày vi, é wù tiím fó kiyá saàmbà, kàŋ nshòv sibaà e mntuùfú. Ghán sin si kù wíy a dzə sé ŋgeʼ.

Daniel 11:22

Wù yí vifon, é wù nèn laàr mànjòŋ vé rər e dzə̀m wo wù taamen wun, e laàr, à taà cù wo kuʼùn shó.