Daniel 8:10 - ŊWÀʼ NYÙY

¹⁰ Yì‑iì kùy, e tàv é ŋàŋ, e taàmé vifá veé yuv, a dzə̀ ji mànjòŋ vé rər veé yuv. Yì máʼ vifá veé yuv vímóʼ ví é nsay, e nyèŋrì e wuú.

Daniel 8:10 Referans Kwoze

Ŋgaà Yen 12:4

Kigàgǎʼsòŋ kin ki wáa tsənsí kún, a yèr yúv shó, mejiy mè wáa kerkír, a gbù fo nsay. Mejiy mè lóo dzə metaár, wù kèr shee shimòʼón. Wù yèr bèy, e nèn wìy, e tìím e wiíy wo wù lúm və̀y si ji wù dzəə́ wán, é wun wàá mey.

Aysaya 14:13

Wò‑oò dzəʼə̀mè, à wàa kwàʼtì fo mvə̀m bvə̀m jii, ‹Sáʼ yémé wíy koʼ, e kùm mbàʼ. Kóʼó, é m maʼ é kitu ke mejìy me wiy mè. Anyùyi wíy tar aáwuné kitu ke gwan, é m maʼ kàvàʼ wom, a dzə áwune kuy.›

Daniel 8:7

M yén, a kibév kìy ki nyoorì kiyáʼ e mensə me bi mè. Dòʼshwiíy kív, kí fúnrí kiyáʼ kìy, e kìvtí loŋ sə́ see sibaà, a bó kiyáʼ ki yòʼ‑oò ló a ker mentàsìn mée tam wùn kibév kìn ki. Á bèy, kibév ki ku kùúy wun, e sàn é nsay, a nyèŋrì, a bó wìr wóo sə wun yòʼ dzə̀.

Daniel 7:7

M kfən yèn nyám ye yì meen ji kweè e kinyò ke kí‑iì wìyìn e mǒ si e njà kinjeenjèm, a yì beéme bèn ji wùm, kiʼ e távín ji ŋkǒŋ. Yì‑iì kér vigha ve sòŋ, a dzə̀ vee kisha kee wúntí kíwun. Yì lúm nyám, yì sàʼtì sáʼtin, a nyèŋrì kibér, a fòtì e wuú. Nyàm rə̀n wáa dzə kfə́ jeéy fo se sí‑iì fəəsin fó mbìy si, a yì kér loŋ e ghvə̀m.

Daniel 11:28

Fòn woó Siiria wíy lò, a kfən e wun kitum, a wù kér bùʼ e gháʼán, wo wù faàsìn. Wù lóo dù, bee, é kwaʼtì rəə́ kúvsín, é wù keʼ, a taamé wír ve wùn à Nyùy gwàrìn *mensaŋ ji wun laar á vinyo vév vee bìʼ Nyùy, é wù nèn dù, e nyàvrì aáwune, e bó a kfən e wun wòŋ.

Daniel 11:30

Kí yòʼ wíy a dzə bèy, bìʼ fo wíri wíy wìy fo mbìv à Saypur e vikoŋ, e tay wun, é wù wáa fàn, a leʼ. Wù lóo kfən e bàm é kilòŋ ke shwiiyín kí, é wù nèn dù, a tay wír ve wùn à Nyùy gwàrìn mensaŋ ji wun fiʼ bvə̀ə́r vinyo vév. Wù du bèy, é wù wáa nàn kóy wìr ve á bìnèn ndzə̀m é mensàŋ mee shooy.

Jeremia 48:26

«Moav sí kóʼor kitú kfə́ shaa Nyùy Tàr. Á ku nòór áwune, é mè koó, áwune lóo màʼ, lóo dzəŋrí sho, é kitú ke nsay ki wáa lì áwune ji kifá ke nshéʼmé ki.