Daniel 7:9 - ŊWÀʼ NYÙY

⁹ M kú a leéy, e lòo yèn, aá máʼ kàvàʼ. Ŋgaà wo wù kù‑uù siìn fó yàŋgùʼ dzə́ʼə́m shó. Vikúm ví‑iì fə́r fo wùn wó ji páv moo mbàʼ, a nə́ŋ si fə́r fo kitu wo moo wúy njiì. Kàvàʼ və wáa ker kár si, a kiliímé ke və̀y kí kóʼ fo kar fèy, kfə̀n kóʼ à fó kàvàʼ sho.

Daniel 7:9 Referans Kwoze

Ŋgaà Yen 1:14

A nə́ŋ si fə́r fo kitu wo fə́rín ji páv moo mbàʼ, a wón sii njaʼkìr fo fo, baári moo kiliímé ke və̀y.

Maak 9:3

Ndzə̀y sə́ sí wáa tokír, a fər ji páv, e shaà mo dzə̀ wìr sù ndzə̀y é ndzə fèn.

Matio 17:2

Á lòo yen, a Jesus kúvsín ne, a kìʼ jeéy. Sí rəə́ wáa ban moo shúy, ndzə̀y sə́ sí wáa fər, e kfə̀n a tokír moo sí shùy.

Mayka 5:2

Fo ké ki, wò woo Betlehem Efrata, aà kù dzə̀ shintèntèʼ ben e nsay Juda, yii bèy, a wìr wo wù wíy a saʼ wír veé Isray wíy fəə a dzə̀ fo wò mvəm, wír feyì, a wù kù‑uù sì, e kèʼ fo yàŋgùʼ.

Daniel 7:22

Rə́r sin si kú a màʼ, e dù, e meé mo Ŋgaà wo wù‑uù siìn‑eè wìyìn, e tìnén nsaʼ, e fò e wír Nyùy woo Taà Vituu. Ghán sí nèn ghèén se wír Nyùyi sə́ vitaáví, a saʼ woŋ sho.

Daniel 7:13

Kù mo kinjeenjèm kìn ki wìyìn e mǒ si vitsə́ʼə́, m kú a leéy, e lò, e yèn wír, a wù bvə́y é yuv, a shaà e mvə̀m mbàʼ, shwínin rú wan wìr msòŋ. Wù‑uù dù fo Ŋgaà wo wù‑uù siìn fó yàŋgùʼ dzə́, á lí wun, e dìn sho.

Ŋgaà Yen 19:18

Vèn wiy, a sàʼ nyám fo afoné wùn, a sàʼ ye wìr ve dzəə̀n vitú ve rər. Vèn saʼ ye agùy, e sàʼ ye nyàm se ŋkoʼ, à ye wír ve vé‑eè koʼoné. Vèn ku sàʼ nyám fo wìr dzə̀m wùn, kìn dzə̀ kwàn, kìn dzə̀ wan wòŋ, à wìr wo kuʼùn, à wìr wo terí.»

Filipi 3:9

é vèr wun maysi, e làŋsìn, a dzə kifá kimòʼón. M dzə̀ lèn bèn, a Nyùy lì ne mo ji wír wo wù gheenen fo wun, a bó yòʼ dzə̀ ji m lèm a nsər sidzə̀m, a dzə là jay. Wù lì bìʼ fo m wayin shilív e Jesus Kristu wùn. M nen ghèén fo wun woo Nyùy lèn mo wír adzə̀m ve á wáy shilív e Kristu wùné gheenè.

Lim Aŋgàa Ntum 2:33

Nyùy nèn kfə̀n kòʼór wun, e dzə̀ʼə̀r e wùn koy yìyí, e fò Kiyoy ke Ranén kí shó mo wù‑uù kàʼàn. A vinyo ve vèn yén lèn, kfə̀n yú vìn vi dzə̀ Kiyoy kee shooy mo Jesus foon sá e wír vəə́.

Lim Aŋgàa Ntum 2:30

Wù‑uù dzə̀ *ŋgaà ntum Nyùy, a wù‑uù kìíy ne ŋkàʼmé wo Nyùy‑iì kàʼàn wun sho, e kfə̀n lìʼ ji wun wíy fo kàvàʼ və e wan woo wùn ram.

Habakuk 1:12

Éè Nyùy Tàr, Nyùy wom, wò woo Ŋgaà wo Ranén, à kù‑uù dzə̀ Nyùy, e kèʼ fo yàŋgùʼ. Bó yòʼ dzə̀ à màʼtì, vèr kpù. Éè Nyùy Tàr, à lèm ne wír veé Babilon ji á tsəə́né ver é kisəə a? Éè Nyùy, wò woo Kilán kér, à lèm ne áwune ji á maʼ ŋgeʼ e vèr a?

Aysaya 9:6

Kí dzə̀ jii, vèsən kòóy ne wán. Á fò ne vèsən wán lumèn. Wù wíy a saʼ vifon. Á wíy a yòŋ wun jii, Ŋgaà Ntir wo ghaʼán, Nyùy wo kuʼùn, Tàr wo wù gòʼòn kàŋ mòʼón, Wan Fòn woo Ŋgaà Nyaáŋ.

Nsùyrì Nyùy 90:2

À kù‑uù sì Nyùy, é bo agwane wáa dzə. À kù‑uù sì Nyùy, e bóo wìy a bom kitú ke nsay wùn à wóŋe. Aà kù wíy a dzə Nyùy, e dù, e jòʼsì.

1 Timoti 6:16

Kù mày wun wo wù gòʼòn kàŋ mòʼón, a wù dzə̀ a dzə̀ e wùn mvə̀m ran ye bó yòʼ dzə̀ wìr bàv fó ghaŋ. Bó wìr yòʼ‑oò yiì ne shòv wun e si, a bó wìr yòʼ wíy shov. Dzə̀ wun wo dzə̀ á kù a ghvəm. Sáʼ rəə́ kú a dù fo mbìy viyá viyá là may. Amen.

Nsùyrì Nyùy 45:8

Kirəm ke bìʼ ye juujùŋ ki rəm, rəʼtìn a fo wun ndzə̀y, biʼ yee *mer, yee *alo, à yee *kaasiàa, aá rə́si e ntoʼ a dzə̀ ye á naŋsin e sóŋ sé kitàm si, a vé yòvi yov, shéʼer a wun.

1 Joon 1:5

Vèr‑iì yù kinyo ke m fer e vèn kin a dzə̀ fo wun woo Wan Nyùy. A kí dzə̀ jii, bó Nyùy yòʼ yii ghán e ndzə ye sənér, yii vinyo ve bi ví. Wù dzə̀ kfə́ ji rán.

Matio 28:3

A sí rəə́ ŋwaŋkìr moo kishèv, a ndzə̀y sí rán fo wùn wó ji pép.

Ŋgaà Yen 4:2

Kiyoy ke Nyùy ki ku nèn shòŋ mo, e kòʼ shó e yuv. M yén kàvàʼ, a wìr dzə́ sho,

Ŋgaà Yen 20:4

M nèn kfə̀n yèn, aá tiír akàvàʼ, a wíri dzə́ sho, a dzə̀ ve Nyùy lèmèn ji á wáa tinén nsaʼ se wíri. Vé kàvàʼ vìne‑eè dzə̀ wír ve vé‑eè yuyrin, bìʼ fo vé‑eè tíy wùn à Jesus, fiʼtì kinyo ke Nyùy, e làa yòʼ a ghvəm nyám ye beemén wùn à kibámmbó kfə́ kí, e tèn fó sə nsáŋtí və aáwuné yírvishi, kìn é wo. M wáa yen áwune, aá kfə́n ne atin, a dzə vitú ve saʼ wùn à Kristu ji á sáʼ ndzə kiyá nsə̀kì.

1 Afòn 22:19

Mikayia nèn kfə̀n a suúy jii, «Fòn ku yuùrí a kinyo ke Nyùy Tàr. M kì yèn á Nyùy Tàr, a wù dzə́ e wun kàvàʼ, a nsheèlav sə́ sí tíy e wun ghaŋ, à fó koy ŋkoòvìi, à fo wó yìyí,

2 Wòŋ 18:18

Mikayia nen kfə̀n a suúy jii, «Fòn ku yuùrí a kinyo ke Nyùy Tàr. M kì yèn á Nyùy Tàr, a wù dzə́ a e wun kàvàʼ, a nsheèlav sə́ sí tíy e wun ghaŋ, à fó koy ŋkoòvìi, à fo wó yìyí,

Esiker 1:26

M kfən siì yèn sá kifá kímóʼ kí é yuv, e kitu ke kikùm ke kí‑iì taʼamen aáwuné kitu, a kí dzə̀ é njà kàvàʼ, a wù kiʼ moo *síbaŋ yee safiri bèy. M yén kifá, a kí dzə́ e kàvàʼ, shwínin wír.

Nsùyrì Nyùy 93:2

Nyùy Tàr, sáʼ yée kù‑uù sì, e kèʼ fo yàŋgùʼ. À kù‑uù sì, e kèʼ fo kèʼ.

Aysaya 6:1

Yì‑iì dzə̀ é kiya ke Ussiya woo fon woó Juda‑aà làyìn, mo woo Aysaya yén Nyùy Tàr é lav cù, a wù dzə́ e kàvàʼ, a kàvàʼ tíy e kirə̀ʼ kee fó kùy, fo yuúyuv. Nyùy dzə́ʼə́m, shúu ndzə̀y vəə́ sáŋrí wún, e sə̀tí nsaàlav cù.

Jeremia 49:38

M wíy laàr fon woó Elam wùn à vé saʼ vəə́, e nèn tuúy a dzə̀ yém yee sáʼ fo. Suuy mo woo Nyùy Tàr.