Daniel 7:8 - ŊWÀʼ NYÙY

⁸ Kù mo m wáy sí e loŋ sìn, yìmòʼ yee loŋ nèn fəə̀ e siy sí nsàn, a yì dzə̀ kfə́ e dórín. Á ménrí loŋ sitaár se sí‑iì siìn fó, e fíʼ fo ghay e rə̀n, a loŋ rə̀n kér sí si moo sé wìr, kér shuu, a kù fəə́ lám kinsùmrìwùn fó fo.

Daniel 7:8 Referans Kwoze

Ŋgaà Yen 13:1

M nèn yèn, a nyàm ye beemén fəə́ fó rìbà ndzə̀v fey, a yì kér kitú saàmbà, e loŋ si shó e ghvə̀m, a loŋ e mòʼón mòʼón sóv ntáráʼ. Aá sáŋ yír e mòʼón vitú vee saàmbà vìy vidzə̀m, a dzə̀ liy ye yì kuu a dzə̀ Nyùy.

Nsùyrì Nyùy 12:3

Éè Nyùy Tàr, ku laàr nsùyrì woo fó shuù, à lám kinsùmrìwùné.

Ŋgaà Yen 9:7

Ŋguùmé sin si‑iì dzə̀ moo nyám se ŋkoʼ se á naŋsin, sí wáa dù e shùu rər. Vishí vi wáa dzə vé wìr, a sí sóv ntáráʼ é vitu, aá fér e *kisha ke mbàm ki.

2 Tesalonika 2:4

Yii bèy, a wù wíy wìy e ghan see shooy, é wù wáa koʼór wún, a shaʼnín ji lá wíri yòʼ a ghvəm a kifá kímóʼ kí ji Nyùy, e shaà wun. Wù yii bèy, é wù nèn màysì, e dù, e nə̀ə́, e yèʼém e lav ye á cu Nyùy sho, a yòŋ kitú kfə́ ji Nyùy.

Daniel 11:36

Fòn woó Siiria wíy a yiì kinyo a dzə̀ ke kí gheen wun. Wù wíy a koʼór wún, a tiy tiyín áànyùyí kitu, a shùr Nyùy wo wù shaàn anyùy, e liy si. Wù kù wíy a yiì bèy, é vinyo və́ ví wáa ghan, e meé mo Nyùy wíy màʼ ŋgeʼ e wun kitu. A Nyùy kù kér fó wiy yiì kinyo ke wù‑uù sìysìn.

Ŋwàʼ Jud 1:16

Enok wáa suúy bèy, a kù dzə̀ mo wír vìne rə́si ghvəvrì Nyùy, e làa yòʼ a yen kinyo, é kí wáa gheén áwune gheéy. Á kù yii vinyo a dzə̀ ve mensə́ mev mè taʼà, ghaŋtì shuu, sévti vinyo sévtín, leerì wíri ji á fíʼ a koóy kifá.

2 Pita 2:18

Aáwune kù wíy nəə́ fo bèy, bìʼ fo á ghaŋtì shuu, din vifií, a kù dzə̀ vé vinyò ve kisaŋ vi. Aá yéʼey bèy, nèn lévti wír ve á kù dzəə́ fəə́ fəə́n fo wír ve bó á yòʼ kiìn kinyo ke dzəə̀n ke ru kií mvəm, siir fo, bóʼti áwune ji dzə̀ á wàa yiì a vinyo ve mensə́ mev mè kér shií shó vidzə̀m.

1 Samuel 2:3

«Ven vé kinsùmrìwùn, vèn sə́tí shuu wóné. Ven ve á kóʼor wún, vèn sə́sín. Nyùy Tàr dzə̀ Nyùy, a wù kì vinyo vidzə̀m. Wù kíyri wír e kinyò kidzə̀m ke wù yii.

2 Timoti 3:2

Wíri wíy a dìy a dzə̀ vitú vév, a kòŋ mbàm e ŋàŋ, a yu wún, a koʼnín. Á wíy a kuùnìn, a tav kitú fo atàr véví, e làa yòʼ a ker ghán fo wìr, a bó á yòʼ wíy a yen kímóʼ kí ji Nyùy gheéy.

Daniel 7:19

Á bèy, m kù dzəə́ taʼ e kiíy kinyo ke ru kí, kee kùm nyám ye mò‑oò yenen, ye yì meen ji kweè, ye yì‑iì dzəə̀n kfə́ jeéy fo símóʼ see nyám si, beéme bèn ji wùm, kér sóŋ a dzə̀ yee kisha kee wúntí kíwun, kér vighiy a dzə̀ vee kisha kee *brons. Nyàm rə̀n lúm yìmòʼ, yì sàʼtì sáʼtin, e nyèŋrì kibér, e fòtì e wuú.