Daniel 7:7 - ŊWÀʼ NYÙY

⁷ M kfən yèn nyám ye yì meen ji kweè e kinyò ke kí‑iì wìyìn e mǒ si e njà kinjeenjèm, a yì beéme bèn ji wùm, kiʼ e távín ji ŋkǒŋ. Yì‑iì kér vigha ve sòŋ, a dzə̀ vee kisha kee wúntí kíwun. Yì lúm nyám, yì sàʼtì sáʼtin, a nyèŋrì kibér, a fòtì e wuú. Nyàm rə̀n wáa dzə kfə́ jeéy fo se sí‑iì fəəsin fó mbìy si, a yì kér loŋ e ghvə̀m.

Daniel 7:7 Referans Kwoze

Ŋgaà Yen 13:1

M nèn yèn, a nyàm ye beemén fəə́ fó rìbà ndzə̀v fey, a yì kér kitú saàmbà, e loŋ si shó e ghvə̀m, a loŋ e mòʼón mòʼón sóv ntáráʼ. Aá sáŋ yír e mòʼón vitú vee saàmbà vìy vidzə̀m, a dzə̀ liy ye yì kuu a dzə̀ Nyùy.

Ŋgaà Yen 12:3

M kfən yèn kímóʼ kee kinyo e mbàʼ foo fèy. Kintìŋ ké kigàgǎʼsòŋ kímóʼ kí fəə́ fó, a kí baŋ bàŋèn, kér kitú saàmbà, e loŋ si shó e ghvə̀m. Kitú kimòʼón kimòʼón ki wáa ker ntáráʼ.

Ŋgaà Yen 17:12

Loŋ see ghvə̀m se m yén e nyàm rə̀n kitu si din a afon ámóʼó e ghvə̀m, a bó vee shooyi yóʼ ne kèʼ, a saʼ. Aá wíy koʼór áwune, aá sáʼ wùn à nyàm ye beemén rə̀y hawa mòʼón cáʼcáʼ.

Ŋgaà Yen 17:7

Nshìylav Nyùy rə̀y dzə́r jii, «À jaay bèn ji ka? M yíi toʼtí mo nsàv wiíy wo à yén və̀n dzəə̀n, e kfə̀n toʼtí sa ye nyàm ye wù dzə́ e kitu wo, a yì kér kitú saàmbà e loŋ si shó e ghvə̀m.

Daniel 8:10

Yì‑iì kùy, e tàv é ŋàŋ, e taàmé vifá veé yuv, a dzə̀ ji mànjòŋ vé rər veé yuv. Yì máʼ vifá veé yuv vímóʼ ví é nsay, e nyèŋrì e wuú.

Daniel 7:13

Kù mo kinjeenjèm kìn ki wìyìn e mǒ si vitsə́ʼə́, m kú a leéy, e lò, e yèn wír, a wù bvə́y é yuv, a shaà e mvə̀m mbàʼ, shwínin rú wan wìr msòŋ. Wù‑uù dù fo Ŋgaà wo wù‑uù siìn fó yàŋgùʼ dzə́, á lí wun, e dìn sho.

Daniel 7:2

Wù‑uù sàŋ, a naàrì jii, yì‑iì dzə̀ vitsə́ʼ vímóʼ ví, kilìtì ke kinyò ki wìy e mǒ si e njà kinjeenjèm. M yén, a shwéri wiy mbìv sidzə̀m, tsə́y rìbà ndzə̀v wo wiy,

2 Samuel 22:43

M jò áwune, á wáa dzəʼ dzəʼə́n moo kibvər. M nyèŋrì áwune mo á nyèŋ kishaʼàr é dzəə.

Ŋgaà Yen 17:8

Nyàm ye à yén rə̀n dzə̀ ben, a yì‑iì kpù ne. Yì‑iì ló a dzə e tin, e bóo kpu. A yì kfə̀n wíy fəə fo biíntùr, a ŋèʼ. A yì fəə́ bèy ji yì ku nə̀ə́ lèn, a dzə̀ é lòn woo là may. Wír veé kitu ke nsay adzə̀me wíy a leéy nyám rə̀n, a ker gháʼ, bìʼ fo yì‑iì ló a dzə fo mbìy, e nèn lò, e kpù, e bóo kfə̀n a dzə sho lèn, a ŋèʼ. A kí kù wíy a ghaʼ a dzə̀ wír ve bó yír sév sí yòʼ dzəə̀n é ŋwàʼ wo vé‑eè saŋen yír sé wìr ve á kù‑uù wíy lùŋ sho é bo ndzə wìy a kèʼ.»

Esiker 40:2

Wù‑uù lì mo é njà kinjeenjèm, e dù sho e nsay Isray, e tìír mo é kitu ke gwan wo da wùmòʼ. M yén kifá e mbìv yee tsə́n, a kí dzə̀ é nshwìnin ŋkàlaʼ.

Daniel 2:19

Yiì lòo dzə vitsə́ʼə́, kilìtì ke kinyò kìn ki wìy e Daniel si e njà vinjeenjèm. Á bèy, Daniel wáa burí Nyùy woó yuv.

Ŋwàʼ Jov 41:14

Kér la vitaáví vée yiì, é yì mvəʼ shuu və́, a wíri sí leey sóŋ rə́, a wúné beéme beèmén?

Daniel 8:22

Ké loŋ see sikweè se sí‑iì fəəkin fo lúm loŋ və̀yi‑iì kivin, kee shooy ki din ji woŋ e dzə̀m wo wír veé Griki kooné wíy jàvsìn vilíŋ vikweè, é kee kimòʼón ki wáa ker və́ə woo fon, a bó vitaáví vév ví yòʼ wíy meé e vé fòn woo wo mbìy vi.

Sekariya 2:1

M kfən lòo nàn sí, e ké ru kí, e yèn wír, a wù kér kfəə̀ mfìʼ e wun kiwo.