Biblia Todo Logo
Bib sou entènèt

- Piblisite -




Daniel 7:5 - ŊWÀʼ NYÙY

5 Nyàm ye yì batin sásín, e fəə̀sín, a yì dzə̀ kfə́ moo nyám ye á yoŋ ji *bear bèy. Yì‑iì nyáʼ nyaʼán, a yì lúm vighvə́r é shuù vitaár, vighvə́r, a dzə̀ vee nyàm nsaŋ. Aá kwá jii, «Lò é yuv, a kfər nyám, a dù duùn é kindzəʼ.»

Gade chapit la Kopi




Daniel 7:5
14 Referans Kwoze  

Kí nén a dzə a jii, sáʼa wíy gbù fo wun vibìy, é kitúm kímóʼ kí ŋáʼáy, a bó sáʼ kitúm kee shooyi yoʼ tàv á moo rə́. E bǎm kee shooy, é kímóʼ kí wàá ŋáʼáy, a sáʼ rəə́ dzə̀ á yé kishà kee brons, a kitúm kìn ki wíy a saʼ a kitú ke nsay.


M yíi ghiʼ ven moo nyám ye á yoŋ ji *bear ye á koon wán və, e ghar ven, e shùʼtì bvəm sén. M wíy sàʼtì ven moo bvərə̀ʼ, e lovtí e vèn mo lòvtí nyam kwaʼ.


Ké lèn ki, m lo, e suúy wò suuyru vinyò ve ví wíy a dzə. Rúrú, afone dzəə́ wìy ŋaʼáy e kitum kee Persia ataár, a wo wù wíy meé ji kweè wíy a ker bùʼ, e shaà vé mbìyi. Sáʼ rəə́ wíy tav, bìʼ káv wo wù kérí, é wù maʼ melaà, é wìr dzə̀m binkir, e taàmé kitúm kee Grik.


Nsàv ‹Kijàv› dzə̀ á jii, á jàv a ne woŋ və́, e fò á mbìv yìmòʼ e wír veé Mediàa, e fò á yìmòʼ e wír veé Persiàa.»


Ven vee vitúm, ven ve vèn dzəə̀n aŋgàa vibǎn wìr veé Isray, vèn ku wìy, e laàr áwune láarin.


Kí bòŋ, é wìr bvə́y e kiyìy ké bvərə̀ʼ ke á koon wán kí kitu, e shaà fóo bvəy e kiyúŋ kí kitu, e yen kiyúŋsì kfə́.


Wù bìnkìr, e lèéy áwune, e ròʼ e Nyùy Tǎr yir. Viyìy vé nyàm ye á yoŋ ji *bear vímóʼ ví nèn fəə̀ fó kòv vibaà, e yùyrí wón fo áwuné mvəm nshòv sibaà e mkweè, e sàtì e vinsàr vinsàr.


Nyàm ye m yenen rə̀n shwínin baá, bo vighiy və́ ví wáa dzə vé nyám ye á yoŋ ji *bear, é shúu wáa dzə wó bvərə̀ʼ. Kigàgǎʼsòŋ kí nèn fò vitaáví və́ vé saʼ e nyàm rə̀n, e dzə̀ʼə̀r e wùn kàvàʼ ji fon wo ghaʼán.


Nyam mbìy‑iì shwínin bvərə̀ʼ, yii bèy, a yì kér vav moo sé lùŋ wo wiy. M kú a leéy, e lòo leéy, e yèn, aá shóʼtí vav sə́, e nàn fo nsay, yì tiím e wun shwin moo wír, a ker vifií moo wír.


Kee shooy ki shaá, a m kù wáy sí, e nèn kfə̀n yèn yìmòʼ yee nyám, a yì dzə̀ kfə́ é njà baá. Yii bèy, a vav se shinə̀n sí fəə́kír é ndzə̀m wó sikweè, a nyàm rə̀n kér vitú vikweè, aá fó vitaáví vé saʼ sho.


Swiv nou:

Piblisite


Piblisite