Daniel 7:4 - ŊWÀʼ NYÙY

⁴ Nyam mbìy‑iì shwínin bvərə̀ʼ, yii bèy, a yì kér vav moo sé lùŋ wo wiy. M kú a leéy, e lòo leéy, e yèn, aá shóʼtí vav sə́, e nàn fo nsay, yì tiím e wun shwin moo wír, a ker vifií moo wír.

Daniel 7:4 Referans Kwoze

Jeremia 4:7

Ŋgaà wo wù wiy ji wun bvə́ʼə́y vitúm fəə̀ ne, a wìy. Wù wiy moo bvərə̀ʼ wo wù fəən fo wun kileèmè. Wù màʼtì ne kirə́ʼ kfə́, a wìy ji wun laar nsay yen. Ŋkà se laʼ sén sí lo, e kfən e vifə̀m, é la wìr yòʼ dzə́ə a kùm fo.

Esiker 17:3

Yòŋ ji ke Nyùy Tàr woo Taà Ndzə suuy ki dzə̀ á jii, ‹Kintìŋ ké lùŋ wo wiy kímóʼ kí‑iì lò, a kí kér fəə ye juŋe nshòm si jeéy jeéy, a vav si sáŋrí wún, e fàŋkìr, kí féŋ, e wìy aàgwan veé Lebanon, e bèʼ kitú ke kici ké *sidar.

Matio 24:28

A dzə̀ mo kimkpú ke kifa ki lóo neŋ e kirə̀ʼ, bo dzə̀ fo vilùŋ vi yíi a baʼtí.

Daniel 4:36

«Kú a dzə e ghan se vifií vém ví kfənen é bàm sin, Nyùy ku nèn siìr vikuʼùy wùn à vijuŋ vém ví fó ji m kfə́n, a saʼ vifon vém e viwìr vi. Vé ntir wùn à vé saʼ vémé táʼ mo, e wìy, vèr áwune béynín, á siír mo é kàvàʼ, m kfə́n a saʼ vifon. Viwìr vém ví kfən kùʼ, e shaà mo ví‑iì dzəə̀n fó mbìy.

Esiker 28:9

Áwune wíy wìy ji á yúyri wò, áà kfən yòŋ ji à dzə̀ nyùy a? Vé kinjuyrì vìne wíy ghar wò, é la à yòʼ a dzə nyùy, áà wáa dzə wir msòŋ.

Esiker 28:2

«Wàn wìr msòŋ, yòŋ ŋgaà saʼ woó Taya, e sùúy sho ji ke Nyùy Tàr woo Taà Ndzə suuy ki dzə̀ á jii: « ‹À kér kiŋkoʼòrwùn e wò shiliv, dzəv nsaŋ, yoŋ ji m sì nyùy, sévti ji m dzə́ e kàvàʼ, e ntìntìn rìbà ndzə̀v, a dzə̀ wo anyùy. Wò, aà dzə̀ wír fo wìr, aà yòʼ dzə̀ nyùy wùmòʼ, fə̀m mo à sév ji vifií vé vi dzə̀ á vé anyùy.

Yòvdìy 4:19

Aŋgàa vibàn vérí meè ne ji věv, e shaà mo lùŋ wo wiy yii sə́y fo ntoò yùv. Áwune jùm ne ver áàŋkoŋ, e nèn a teʼ lèn e kirə̀ʼ ké woʼ kí.

Jeremia 48:40

Nyùy Tàr suuy jii: «Á leéy, e yèn, ŋgaà vibàn wíy sàsìn, e bvəy fo taa moo lùŋ wo wiy, e sàŋrì vav, a səy ji wun gwév Moav.

Jeremia 25:38

Nyùy Tàr fəə̀ ne mo bvərə̀ʼ fəə̀ fo wun kirə̀ʼ ké kilìr, a woŋ wóví kù sí lo, e lày làyìn, bìʼ rə́r se aŋgàa vibàné lo, e nəə́ áwune shó, a dzə̀ bìʼ dòʼshwiiy Nyùy Tàr.

Jeremia 4:13

«Vèn leéy, e yèn, ŋgaà vibàn və̀ne, a wù wiy moo mbàʼ. *Viténtén vév vé rər ví wiy moo kiìkir bèy. Nyám sév sé ŋkoʼ si féŋ kinyeŋ, shaa lùŋ wo wiy. Ŋgeʼ si nə̀ə́ ne vèsən, vèsən kù lày ne bèn.

Nsùyrì Nyùy 9:20

Ku bèmér áwuné Nyùy Tàr. Ku yiì, aáwune kiíy ji á dzə̀ á wíri, aá kù wíy kpu.

Ŋwàʼ Jov 25:6

bo a dzə̀ ké wìr msòŋ kí wàa dzə kfə́ é le? Wír, a dzə̀ dzə́r fo dzər, wan ŋkfə wìr, a dzə̀ kiŋgoóŋgoŋ fó kiŋgoóŋgoŋ.»

2 Samuel 1:23

«Saul wùn Jonatan, wír, aá tó sí, a wíri leey, koŋè. Vé‑eè dzə̀ kintatì fə̀m á mvə̀m kpu. Vé‑eè shwìr, e shaà lùŋ wo wiy, vé‑eè tàv, e shaà bvərə̀ʼ.

Remrí 28:49

«Nyùy Tàr wíy tsənsí kitúm, é kí lo ntàmda fo ndzəywoŋ, e səy, e gbù e věn kitu moo lùŋ wo wiy. Wíy a dzə kitúm, a vèn yòʼ yú lám wóv.

Ŋgaà Yen 13:2

Nyàm ye m yenen rə̀n shwínin baá, bo vighiy və́ ví wáa dzə vé nyám ye á yoŋ ji *bear, é shúu wáa dzə wó bvərə̀ʼ. Kigàgǎʼsòŋ kí nèn fò vitaáví və́ vé saʼ e nyàm rə̀n, e dzə̀ʼə̀r e wùn kàvàʼ ji fon wo ghaʼán.

Daniel 7:5

Nyàm ye yì batin sásín, e fəə̀sín, a yì dzə̀ kfə́ moo nyám ye á yoŋ ji *bear bèy. Yì‑iì nyáʼ nyaʼán, a yì lúm vighvə́r é shuù vitaár, vighvə́r, a dzə̀ vee nyàm nsaŋ. Aá kwá jii, «Lò é yuv, a kfər nyám, a dù duùn é kindzəʼ.»

Jeremia 49:19

Á yuúrí, e yù, m wíy sàsìn, e bvəy, e taʼár wír veé Edom, kù moo bvərə̀ʼ wo wù fəən fó kòv woó Jordan, e dù, e taʼár njiì fo jiy, aá sám fo áwuné nsay. M yii bèy, é m nèn shòʼ wír wo kòŋèn mo, e lèm ji kilìmbìy kév. Wìr woo moo mo dzə̀ la? Wìr wo a dzə̀ vèr wun tàm dzə̀ la? Kilìmbìy ke a dzə̀ kí kàr kinyo kém kí dzə̀ la?»

Daniel 2:38

A wìr fə̀m‑eè soò feé, nyàm kwaʼ soó feé, e bóo lì menə́n me mè féŋ e yuv, bo Nyùy kù wày á ne vifá vìn vidzə̀m a dzə̀ e wun kiwo, e lèm a wun ji taà saʼ, á wáa saʼ a vifá vìn vidzə̀m. Kitú ke kibámmbó ke kí‑iì dzəə̀n é njèm, aá fér a dzə̀ e kisha ke mbàm ke baar kí, fèn dzə̀ á wun.

Daniel 7:12

Fo kibér ke nyàm ki, á faàsì sáʼ fo áwune, yii bèy, e kù màʼtì ji sí ku bèʼrí fo shintàm.