Daniel 7:3 - ŊWÀʼ NYÙY

³ e kfə̀n yèn, a nyám si fəə́kir fo mvə̀m rìbà ndzə̀v sikweè, a sí fáŋkír, beéme ji wùm, a nyàm yìmòʼ yòʼ shwínin yìmòʼ.

Daniel 7:3 Referans Kwoze

Ŋgaà Yen 13:1

M nèn yèn, a nyàm ye beemén fəə́ fó rìbà ndzə̀v fey, a yì kér kitú saàmbà, e loŋ si shó e ghvə̀m, a loŋ e mòʼón mòʼón sóv ntáráʼ. Aá sáŋ yír e mòʼón vitú vee saàmbà vìy vidzə̀m, a dzə̀ liy ye yì kuu a dzə̀ Nyùy.

Daniel 7:17

Wù suúy ji nyám se kuʼkìn see sikweè si dzə̀ á vitúm vikweè ve ví wíy ŋaʼáy e kitu ke nsay, a saʼ.

Nsùyrì Nyùy 76:4

Rúrú, Nyùy, à dzə̀ e gháʼtín. Viwìr vé vi shaà vitaáví, à sí sə́y fo gwan, bínsi mbeeteé.

Ŋgaà Yen 17:8

Nyàm ye à yén rə̀n dzə̀ ben, a yì‑iì kpù ne. Yì‑iì ló a dzə e tin, e bóo kpu. A yì kfə̀n wíy fəə fo biíntùr, a ŋèʼ. A yì fəə́ bèy ji yì ku nə̀ə́ lèn, a dzə̀ é lòn woo là may. Wír veé kitu ke nsay adzə̀me wíy a leéy nyám rə̀n, a ker gháʼ, bìʼ fo yì‑iì ló a dzə fo mbìy, e nèn lò, e kpù, e bóo kfə̀n a dzə sho lèn, a ŋèʼ. A kí kù wíy a ghaʼ a dzə̀ wír ve bó yír sév sí yòʼ dzəə̀n é ŋwàʼ wo vé‑eè saŋen yír sé wìr ve á kù‑uù wíy lùŋ sho é bo ndzə wìy a kèʼ.»