Daniel 7:25 - ŊWÀʼ NYÙY

²⁵ Fòn və̀n wíy a suúy vinyo ve kisaŋ vi e Taà Vitu bàm. Wù wíy a nə̀ʼsì wír Nyùy woo Taà Vitu. Wù wíy a taŋ ji bo wun kì kùvsín á nsər sév sé Nyùy, e kùvsín vishiíy vév ve kuʼkìn ví, aá wíy way wír Nyùy e wun sar saʼ, viyá vitaár e kimbéʼ ki.

Daniel 7:25 Referans Kwoze

Ŋgaà Yen 12:14

Á nèn fò vav e wiíy, a dzə̀ yé lùŋ wo wiy mo dzə̀ wù fèŋ, e nyèŋ kigàgǎʼsòŋ kiy, e dù, e lìr e kwaʼ fo vé‑eè naŋsin kirə́ʼ ji wù du, e dzə̀ʼə̀m sho viyá vitaár e kimbéʼ ki, aá wáa leéy fo wun.

2 Tesalonika 2:4

Yii bèy, a wù wíy wìy e ghan see shooy, é wù wáa koʼór wún, a shaʼnín ji lá wíri yòʼ a ghvəm a kifá kímóʼ kí ji Nyùy, e shaà wun. Wù yii bèy, é wù nèn màysì, e dù, e nə̀ə́, e yèʼém e lav ye á cu Nyùy sho, a yòŋ kitú kfə́ ji Nyùy.

Daniel 12:7

Nshìylav ye yì‑iì màʼàn ndzə̀y ye baán, a tiy e mbìv kùy ndzə̀v nèn nàn wó rə́ yee baà, a kìʼ yúv shó. M yú, a yì yí kilìʼ, kan wun wo wù dzəə̀n shó, e wìy dù, e jòʼsì, yoŋ jii, «Wíy a dzə e bǎm viya vitaár e kimbéʼ ki, a sì ghán sin se á maysì, e ghaʼ wír Nyùy, é nə̀ʼsì və̀n nèn mày.»

Ŋgaà Yen 12:6

Wun woo wiíy nèn tùmnín kfə́, e nyèŋ, e dù, a dzə e kwaʼ fo Nyùy‑iì naŋsin kirə́ʼ ji wù wáa beètì sho kishiíy kishóv mntuùfú é ghiì baà é nsə̀kì (1,260), é wun wáa leéy fo wun.

Daniel 2:21

Wù lo, wù kùvsín ghán sé vinyò, à seé kiya si. Kù kóʼor wun afon, a kù sə́ wun vifon fo áwune. Kù fó wun vifií áàfií, yii, a wír ve á fiiriné kiiy jeéyjeéy fó vinyò.

Ŋgaà Yen 18:24

*Aŋgàa ntum Nyùy wùn à wír Nyùy ve vé‑eè yúyri e nsay adzə̀me dzə̀, a kù‑uù yúyri wun, a mensə́ mè léŋ e ŋkàlaʼ foo fèy.»

Daniel 7:20

M koŋ sa e kiíy nsàv loŋ see ghvə̀m se nyàm rə̀n‑eè kér e kitu, à nsàv loŋ ye yì‑iì fəən fó bàm, e yiì, see sitaár si shóʼkír. Loŋ rə̀n‑eè kér sí wùn à shúu, a kù fəə́ lám kinsùmrìwùn fó fo. Yee shoon yee loŋ wáa dzə, a yì beéme e ŋàŋ, e shaà kibér.

Aysaya 37:23

Sennakeriv, wìr wo à shéʼ, kuurì dzə̀ la? Wìr wo à súŋnin sho kitávín dzə̀ la? À fə́ti sí a dzə̀ vèn la? À kù yòʼ kì ji dzə̀ Ŋgaà wo Ranén woó Isray a?

Daniel 7:8

Kù mo m wáy sí e loŋ sìn, yìmòʼ yee loŋ nèn fəə̀ e siy sí nsàn, a yì dzə̀ kfə́ e dórín. Á ménrí loŋ sitaár se sí‑iì siìn fó, e fíʼ fo ghay e rə̀n, a loŋ rə̀n kér sí si moo sé wìr, kér shuu, a kù fəə́ lám kinsùmrìwùn fó fo.

Ŋgaà Yen 17:6

M yén, a wiíy və̀y baá mo koò meluʼ, a koó mensə́ me wìr Nyùy ve wù‑uù rə́si yúyri, a mè shaa e si wo, bìʼ fo á kù‑uù tíy kév a dzə̀ wùn à Jesus. M ku nèn a leéy wiíy və̀y bèy, a jaáy.

Ŋgaà Yen 14:12

Kí nén a dzə jii, wír ve dzəə̀n vé Nyùyi kú a tiy kitávín, e dù, e jòʼsì, a lèm nsər se Nyùy, e kù a way shilív a dzə̀ e Jesus wùn.»

Daniel 11:28

Fòn woó Siiria wíy lò, a kfən e wun kitum, a wù kér bùʼ e gháʼán, wo wù faàsìn. Wù lóo dù, bee, é kwaʼtì rəə́ kúvsín, é wù keʼ, a taamé wír ve wùn à Nyùy gwàrìn *mensaŋ ji wun laar á vinyo vév vee bìʼ Nyùy, é wù nèn dù, e nyàvrì aáwune, e bó a kfən e wun wòŋ.

Ŋgaà Yen 16:6

Wír vìne‑eè yúyri wír vé wùn aàŋgàa ntum vée, a mensə́ mè léŋé. Aà siìr ne ŋkfə́tír a dzə̀ mensə́, á wáa no. A dzə̀ mo dzə̀ á kù lòvtí aáwune.»

Daniel 4:25

Nsàv dzə̀ á jii, á yíi jùm a wun fo wírí mvəm, aá du, a dzə a dzə̀ á wùn à nyám se kwaʼ si é kighìn, é fòn ku wìy a yi a dzə̀ á viŋgà é bǎm kiya saàmbà moo mbòŋ, a shiíy e kwaʼ, é ŋweʼe wáa gbù a e wun wùn. Kí kù wíy koóy a wun bèy, e meé mo á wíy binsí ji kù sáʼ Taà Vitu kitúm ke wìr msòŋ kidzə̀m. A dzə̀ kù fò wun e wìr wo wù shoʼon ji wù wáa saʼ.

Daniel 4:32

Kí nén a dzə jii, á yíi jùm wò fo wírí mvəm, áà du, a dzə a dzə̀ vèn à nyám se kwaʼ si é kighìn, e kù wìy a yi a dzə̀ viŋgà é bǎm kiya saàmbà moo mbòŋ, e meé mo à wíy binsí ji kù sáʼ a Taà Vitu kitúm ke wìr msòŋ kidzə̀m, a kér wun ghay wóo fo sáʼ e wìr wo shoʼon wun feyì feyì.»

2 Tesalonika 2:3

Vèn wáa yen fo wìr bóʼtí ven é kinyò kímóʼ kí. Vèn wáa kiíy ji bó yòʼ dzə̀ kishiíy kee shooy ki wìy a gheén, a bó wíri sí táŋ sáʼ Nyùy, é Fòn Vinyò ve Bi ví bvə́y, a dzə̀ wun woo shooy wo wù wíy dù e və̀y.

2 Tesalonika 2:8

é bo wun woo Fon Vinyò ve Bi ví fəə́sín. Yii bèy, a Taàtá wòsən Jesus wíy sàsìn, e bvəy, e fer wun férín e kiyoy ke kí fəə́ fo wùn shuù ki, e yuyrí, e màysì, e laàr e kishiíy fóo fèy.

Daniel 3:26

Fòn Nebukadnessar nèn bìʼtí e shuù wo wú nəə e kimbiirìn ke və̀y fey, e fuùŋé kitávín jii, «Shadrak, Meshak, Abednego, ven vee aŋgàa lim Nyùy woo Taà Vitu, vèn fəə́kír, e wìy fèn. Áwune vee ataári ku nèn fəə̀kír fo mvə̀m və̀y fey.»

Daniel 4:2

«M yèn ji bòŋ a ke m fer e vèn viŋgaʼnìn ve vinyò ve Nyùy woo Taà Vitu yiìn e mò, a kù dzə̀ vinyo ve ví din vitaáví və́.

Daniel 4:17

Sáʼ rə̀ne dzə̀ ye nsheèlav se Nyùy si wìyìn shó. Nshèelav, a dzə̀ see aŋgàa ŋkiy. Kù dzə̀ sáʼ aŋgaà ve ranéné, a yí dzə̀ ji wìr msòŋ e dzə̀m kú a kiíy a jii, sáʼ a Nyùy woo Taà Vitu vitúm ve wìr msòŋ vidzə̀m. A wù kòŋ, wù fò sáʼ e wìr wo wù koŋè, e dzə̀ʼə̀r wír wo wù yòʼ yén kitú kfə́, wù wàa saʼ vifon.›

Daniel 7:18

Yii bèy, a wír Nyùy woo Taà Vituu wíy sə sáʼ yeé wòŋ, e yòv, a ker a viyá viyá là may.

Daniel 8:14

Nshìylav rə̀y bínér jii, «Kí wíy shaà fo mbìy bèy kishiíy kishóv ghii taár aànsə̀kìi abaà (2,300), ǎ shùy, à vitsə́ʼ, aá nèn siìr kirə́ʼ ké cù fo.»

Hosea 7:16

e bìnkìr, a kìʼ kifá, a bó yòʼ dzə̀ Nyùy. Áwune dzə̀ kév moo kinte ke bó yòʼ dzə̀ kí tè kifá. Atǎr saʼ véví sévti mo, aá kù yíi kpu yé rər. Kpú bèy, é wír veé Ejivi wáa sheʼ áwune.»

Daniel 8:9

Fo loŋ see sikweè sìn, yee mòʼón‑eè kér yìmòʼ yee loŋ shitérí, ye yì‑iì loòn, e fəə̀, a ker vitaáví, a ví dú, e mèé e mbìv wòŋ yee tsə́n, e mèé e yee fo shùy yii tó, e kfə̀n mèé e wòŋ, a dzə̀ woŋ ŋkàʼmée.

Daniel 8:11

Jòkìnyàʼ, yì‑iì kòʼór kitú kfə́, a sə kóy wùn Taà Mànjòŋ vé rər veé yuv, a shaʼnín cu ye vé‑eè cu Nyùy sho kishiíy kidzə̀m, e bìvír lav rə cù.

Daniel 9:27

Taà saʼ və̀y wíy gwàr *mensaŋ wùn à vitúm vi vinín, e gwàr, é mè táv é bǎm kiya saàmbà ji wun fiʼ tàvír ntaʼ və. Yii bèy, viyá vìn vi lóo meé e ntìntìn, é wù sháʼnín fo á kfən cù Nyùy, kìn dzə̀ e nyàm, kìn e fómo wùmòʼ. Wù wíy lèm kifá ke kí kóʼoy, bívir virə́ʼ é mbìv lav cù yìmòʼ, é kí kú a dzə fo, e dù, e meé e ghan se Nyùy wíy laàr wun woo taà saʼ.»