Daniel 7:23 - ŊWÀʼ NYÙY

²³ Wìr və̀y nèn a naàrì e mò, a suúy jii, «Nyàm ye yì meen ji kweè, dzə̀ á kitúm kímóʼ kí ke kí meen ji kweè, a kí wíy fəəsín e kitu ke nsay, a saʼ. Kitúm kìn ki wíy a dzə jeéy fo vitúm vímóʼ ví, a kí wíy a nyàvrì e kitú ke nsay ki kidzə̀m, e nyèŋrì e wuú, e taʼár e vishev vishev.

Daniel 7:23 Referans Kwoze

Daniel 2:40

Kitúm ke kí wíy meé ji kweè, sáʼ rəə́ wíy tav a moo kisha kee kisha ke kí yii saʼtì vifá vidzə̀m, bvə́ʼəy a e vimbvəʼ vimbvəʼ. Kitúm kìn ki kù wíy a sàʼtì virə́ʼ, a sə̀ʼsì sáʼ vitum ve mbìy vi vidzə̀m réŋréŋ á mo kisha ki yii bvə́ʼəy kifá.

Daniel 7:7

M kfən yèn nyám ye yì meen ji kweè e kinyò ke kí‑iì wìyìn e mǒ si e njà kinjeenjèm, a yì beéme bèn ji wùm, kiʼ e távín ji ŋkǒŋ. Yì‑iì kér vigha ve sòŋ, a dzə̀ vee kisha kee wúntí kíwun. Yì lúm nyám, yì sàʼtì sáʼtin, a nyèŋrì kibér, a fòtì e wuú. Nyàm rə̀n wáa dzə kfə́ jeéy fo se sí‑iì fəəsin fó mbìy si, a yì kér loŋ e ghvə̀m.

Ŋwàʼ Luk 2:1

Wáa dzə e ghan se vé‑eè dzəən Joon sin, a sáʼ Agustu ji Fon woó *Rom. Wù nèn lò, e sàʼ jii, á táŋ á wír veé wòŋ se sí dzəə̀n e wùn sar saʼ sidzə̀m.

Daniel 7:22

Rə́r sin si kú a màʼ, e dù, e meé mo Ŋgaà wo wù‑uù siìn‑eè wìyìn, e tìnén nsaʼ, e fò e wír Nyùy woo Taà Vituu. Ghán sí nèn ghèén se wír Nyùyi sə́ vitaáví, a saʼ woŋ sho.

Daniel 7:24

Fo ké loŋ see ghvə̀m si, sí din a dzə̀ afon e ghvə̀m, ve á wíy ŋaʼáy fo kitum ke wiy kin. Yii bèy, wùmòʼ woo fon wíy ŋaʼáy fo áwuné bàm, a wù wíy a dzə kfə́ jeéy féyì, fo ve vé‑eè siìné, a wù wíy tòn afon vee ataár fo afon vìne.