Daniel 7:22 - ŊWÀʼ NYÙY

²² Rə́r sin si kú a màʼ, e dù, e meé mo Ŋgaà wo wù‑uù siìn‑eè wìyìn, e tìnén nsaʼ, e fò e wír Nyùy woo Taà Vituu. Ghán sí nèn ghèén se wír Nyùyi sə́ vitaáví, a saʼ woŋ sho.

Daniel 7:22 Referans Kwoze

Daniel 7:18

Yii bèy, a wír Nyùy woo Taà Vituu wíy sə sáʼ yeé wòŋ, e yòv, a ker a viyá viyá là may.

Ŋgaà Yen 20:4

M nèn kfə̀n yèn, aá tiír akàvàʼ, a wíri dzə́ sho, a dzə̀ ve Nyùy lèmèn ji á wáa tinén nsaʼ se wíri. Vé kàvàʼ vìne‑eè dzə̀ wír ve vé‑eè yuyrin, bìʼ fo vé‑eè tíy wùn à Jesus, fiʼtì kinyo ke Nyùy, e làa yòʼ a ghvəm nyám ye beemén wùn à kibámmbó kfə́ kí, e tèn fó sə nsáŋtí və aáwuné yírvishi, kìn é wo. M wáa yen áwune, aá kfə́n ne atin, a dzə vitú ve saʼ wùn à Kristu ji á sáʼ ndzə kiyá nsə̀kì.

Ŋgaà Yen 5:10

Aà lèm ne áwune ji rám vifòne, á wáa dzə ji atàá cù, a cù Nyùy, aá wíy a saʼ kitú ke nsay.»

Ŋgaà Yen 3:21

Vèn wáa kiíy jii, wìr wo wù wíy so vinyo veé ndzə ye bi rə̀n, dzə̀ wo m wíy lì, é vèr wun wáa dzə e mǒ kàvàʼ, réŋréŋ sá mo mò‑oò soon vinyo veé ndzə, Tàr wor Nyùy lì mo, vèr wun wáa dzə e wùn kàvàʼ.

2 Tesalonika 2:8

é bo wun woo Fon Vinyò ve Bi ví fəə́sín. Yii bèy, a Taàtá wòsən Jesus wíy sàsìn, e bvəy, e fer wun férín e kiyoy ke kí fəə́ fo wùn shuù ki, e yuyrí, e màysì, e laàr e kishiíy fóo fèy.

Matio 19:28

Jesus bìnèr jii, «M suuy kinyo ke ru kí e vèn jii, ndzə ye fíy wíy wìy, a ŋgaà wo yírí dzəə̀n *Wanwìr və̀n kóʼ ne e wùn kàvàʼ wo Nyùy foon, é wù nèn fò sá kàvàʼ nshòv sibaà e ghvə̀m, é ven ve vèn áwune ghán e nsay fène wáa dzə sa sho, a saʼ rám yeé Isray yee nshòv sibaà e ghvə̀m.

Ŋgaà Yen 1:6

A wù yiì ne, vèsən wáa dzə rám Fòn woo Nyùy, e kfə̀n a dzə atàá cù, a cù Nyùy woo Tàr wov. Vèsən ku nèn a kwa wun, a ghvəm vifon və́ ghán sidzə̀m, e dù, e mày. Amen.

Aysaya 63:4

Kí dzə̀ jii, m lèm ne kishiíy ke m lo, e siìr ŋkfə́tir wìr vém, a sì ghán se m lo, e tin áwune fó vikwàn ve á reŋè.

Daniel 7:23

Wìr və̀y nèn a naàrì e mò, a suúy jii, «Nyàm ye yì meen ji kweè, dzə̀ á kitúm kímóʼ kí ke kí meen ji kweè, a kí wíy fəəsín e kitu ke nsay, a saʼ. Kitúm kìn ki wíy a dzə jeéy fo vitúm vímóʼ ví, a kí wíy a nyàvrì e kitú ke nsay ki kidzə̀m, e nyèŋrì e wuú, e taʼár e vishev vishev.

Nsùyrì Nyùy 149:5

Wír ve á yúnin Nyùyi kú a sheʼrí. Wun woo Nyùy nàn ne yír yév. Á wáa neŋ e kikun, e kù a yòv nsiì.