Daniel 7:2 - ŊWÀʼ NYÙY

² Wù‑uù sàŋ, a naàrì jii, yì‑iì dzə̀ vitsə́ʼ vímóʼ ví, kilìtì ke kinyò ki wìy e mǒ si e njà kinjeenjèm. M yén, a shwéri wiy mbìv sidzə̀m, tsə́y rìbà ndzə̀v wo wiy,

Daniel 7:2 Referans Kwoze

Ŋgaà Yen 7:1

Kee shooy ki shaà, m yén, a nshèelav se Nyùy si tíy e buu se ndzə see sikweè, baʼ shwér wo wú yii wiy fo virə̀ʼ fóo fèy. Wú nèn tìím, e làa yòʼ dzə́ə a shaà e virə̀ʼ, kìn é kitu ke ndzəv, e làa yòʼ kfə̀n a sə̀ʼ sa kicí.

Ŋgaà Yen 17:15

Nshìylav Nyùy rə̀y nèn kfə̀n a naàrì jii, ndzə́v se m yén, a sàkì və̀n dzə́ e ghaŋ wo sìn si dzə̀ á woŋ mo sí baʼtin fó sidzə̀m, vitúm jeéy jeéy, lám jeéy jeéy, wùn à kfə́ə wìr msòŋé e dzə̀m.

Matio 24:31

Wù wíy lòo wìy, é wù tsə́nsí nshèelav sə́ é buu se ndzə see sikweè, aá wáa toŋ sóŋ, a baʼtí wír ve Nyùy‑iì shoʼtin ji və́, aá wáa wìy vitóŋtóŋ vidzə̀m.

Jeremia 49:36

M wíy tsənsí shwér, é wú wiy fó buu se ndzə see sikweè, e nəə́, e kàr Elam. M wíy taʼár áwune, aá dukir buú se ndzə see shooy sidzə̀m. Bó kitúm ki yòʼ wíy a dzə sho ke wír veé Elam ve m fəəriné wíy buŋ fo fo.

Daniel 2:19

Yiì lòo dzə vitsə́ʼə́, kilìtì ke kinyò kìn ki wìy e Daniel si e njà vinjeenjèm. Á bèy, Daniel wáa burí Nyùy woó yuv.

Daniel 7:7

M kfən yèn nyám ye yì meen ji kweè e kinyò ke kí‑iì wìyìn e mǒ si e njà kinjeenjèm, a yì beéme bèn ji wùm, kiʼ e távín ji ŋkǒŋ. Yì‑iì kér vigha ve sòŋ, a dzə̀ vee kisha kee wúntí kíwun. Yì lúm nyám, yì sàʼtì sáʼtin, a nyèŋrì kibér, a fòtì e wuú. Nyàm rə̀n wáa dzə kfə́ jeéy fo se sí‑iì fəəsin fó mbìy si, a yì kér loŋ e ghvə̀m.

Daniel 7:13

Kù mo kinjeenjèm kìn ki wìyìn e mǒ si vitsə́ʼə́, m kú a leéy, e lò, e yèn wír, a wù bvə́y é yuv, a shaà e mvə̀m mbàʼ, shwínin rú wan wìr msòŋ. Wù‑uù dù fo Ŋgaà wo wù‑uù siìn fó yàŋgùʼ dzə́, á lí wun, e dìn sho.

Daniel 8:2

M lòo leéy kinjeenjèm kìn, e yèn, a kí din ji m dzə̀ á e Susa wo dzəə̀n ŋkàlaʼ yee fo sáʼ yeé wòŋe lo, a yì dzə̀ é mbìv wòŋ yeé Elam. M kfən yèn, a m dzə́ e ghaa ndzəv yee Ulay.

Daniel 8:8

Kibév kìn ki ku nèn a dzə̀v kfə́ a dzə̀ nsaŋ ji moo wun yòʼ waà dzə̀. Kí wìy tàv, e mèé e ntìm yìwun, loŋ rə ye tavín rə̀y nèn kìvín. Yì kívín, se sən see loŋ se tavkín símóʼ sí fəə́kír fo rə̀y kì kivin sikweè, a ròm mbìv sí jeéy jeéy.

Daniel 11:4

Sáʼ rəə́ tuuy a yí tuúy ne, é yí ku nèn bvəə̀rí, aá javsin woŋ və́ mbìv sikweè, é sí waá kìʼ buú se ndzə jeéy jeéy, a bó sáʼ rəə́ yòʼ wíy dù a dzə̀ e rám rəə́. Afon vee fóo yòʼ kfə̀n wíy a ker vitaáví vé saʼ mo wù‑uù kérí, bìʼ fo wóŋe jàvsìn ne, sáʼa dú e wír ve səné.

Sekariya 6:5

Yì bìnèr e mò jii, «Viténtén vin vi din a dzə̀ shwér wo wú lo fo Nyùy, wun wo wù kér kitú ke nsay. Wú du e buu se ndzə see sikweè.

Aysaya 17:12

Yímóy, vitúm vi sí kóʼor kiyor ke rər, a kí kóʼ moo ké rìbà ndzə̀v wo wù líy, kóʼó, tsə́y meshávtí. Vitúm vi sí kóʼor kiyor ke rər, a kí kóʼ moo ké ndzəv ye yí kúŋ virə́ʼ, du.

Jeremia 51:42

Kí wíy a dzə moo ji sə̀tí rìbà ndzə̀v Babilon, a tsəynín, a ghvəə kibiíbí, e tatí fó, e sùm sùmèn.