Daniel 7:18 - ŊWÀʼ NYÙY

¹⁸ Yii bèy, a wír Nyùy woo Taà Vituu wíy sə sáʼ yeé wòŋ, e yòv, a ker a viyá viyá là may.

Daniel 7:18 Referans Kwoze

Daniel 7:27

Á bèy, á wíy fo vitaáví vé saʼ e wír Nyùy woo Taà Vituu, aá sə́ sáʼ yeé kitu ke nsay kidzə̀m, à vikuʼùy və́ ví. A vifon ve Nyùy woo Taà Vitu vi kù wíy a tiy fo, e dù, e jòʼsì, aàfon adzə̀me wíy a lìm fo wun, a yunín wun.

Ŋgaà Yen 5:10

Aà lèm ne áwune ji rám vifòne, á wáa dzə ji atàá cù, a cù Nyùy, aá wíy a saʼ kitú ke nsay.»

Ŋgaà Yen 20:4

M nèn kfə̀n yèn, aá tiír akàvàʼ, a wíri dzə́ sho, a dzə̀ ve Nyùy lèmèn ji á wáa tinén nsaʼ se wíri. Vé kàvàʼ vìne‑eè dzə̀ wír ve vé‑eè yuyrin, bìʼ fo vé‑eè tíy wùn à Jesus, fiʼtì kinyo ke Nyùy, e làa yòʼ a ghvəm nyám ye beemén wùn à kibámmbó kfə́ kí, e tèn fó sə nsáŋtí və aáwuné yírvishi, kìn é wo. M wáa yen áwune, aá kfə́n ne atin, a dzə vitú ve saʼ wùn à Kristu ji á sáʼ ndzə kiyá nsə̀kì.

Daniel 7:22

Rə́r sin si kú a màʼ, e dù, e meé mo Ŋgaà wo wù‑uù siìn‑eè wìyìn, e tìnén nsaʼ, e fò e wír Nyùy woo Taà Vituu. Ghán sí nèn ghèén se wír Nyùyi sə́ vitaáví, a saʼ woŋ sho.

Nsùyrì Nyùy 45:16

Nyàr, wón ntoʼo kù wíy a dzə vé a yi vifon, aá wíy a lèm a áwune ji vé saʼa kitú ke nsay kidzə̀m.

Efesor 1:3

Vèsən kú a burí Nyùy woo Tàr à Taàtá wòsən Jesus Kristu ghán sidzə̀m. Wù tàtí vèsən à Jesus Kristu, e bùʼ e vijuŋ və́ veé yuv ví vidzə̀m.

Ŋgaà Yen 3:21

Vèn wáa kiíy jii, wìr wo wù wíy so vinyo veé ndzə ye bi rə̀n, dzə̀ wo m wíy lì, é vèr wun wáa dzə e mǒ kàvàʼ, réŋréŋ sá mo mò‑oò soon vinyo veé ndzə, Tàr wor Nyùy lì mo, vèr wun wáa dzə e wùn kàvàʼ.

Efesor 6:12

Vèn wáa kiíy ji bó vèsən yòʼ maʼ rə́r a dzə̀ á vèsən à wìr msòŋ. Á maʼ a dzə̀ vèsən à vifá ve bi ví vidzə̀m ve ví ghán e shwer, yii vinyo e ndzə fèn. Vèsən funèn a dzə̀ *anyùy wùn à vitú vév vé saʼ vi. A kù dzə̀ áwune vin ve á sáʼ ndzə yee lèn ye yì sə́n dzə̀v rə̀n.

Ŋwàʼ Luk 1:33

é wù sáʼ wír ve á ràmèn fo Jakov adzə̀m, e dù, e jòʼsì. A bó sáʼ rəə́ yòʼ wíy mày.»

1 Korin 6:2

Bó vèn yòʼ kì ji ghán sí wíy gheén, é wír ve dzəə̀n vé Nyùyi wáa tinén nsaʼ se wìr veé ndzə adzə̀m à? Mo wíy a tinén ven nsaʼ se wìr veé ndzə vìn adzə̀m, a dzə̀ vèn kfə̀n a mùm ntéŋ fó a tinén menyorìn me mè kooy e věn mvəm é le?

Ŋgaà Yen 22:5

Nyùy Tàr, wun woo Nyùy wíy kàʼày áwune, é la ndzə yìmòʼ yòʼ kfə̀n a dzə ji yee vitsə́ʼ, é bo á wáa tàʼ kikaʼày, kìn ji á wáa shìy ji shùy tó. Áwune wíy a dzə fo lèn ji rám vifòne, a saʼ vifon vév ghán sidzə̀m, viyá viyá là may.

Nsùyrì Nyùy 49:14

Á kù wíy kpukír adzə̀m moo njiì. Kpúu wíy tsəəné áwune é sày, é wír Nyùyi yov nsiì aáwuné kitu. Dzə́n sév sí wíy a fòykìr e sày, é woŋ aŋkfəə wáa dzə ji láʼ yév.

Aysaya 14:2

Wír veé Israyi wíy kfən e bàm aáwuné wòŋ, a wíy lì vitúm áwune, e bóo kfən sho. Á kfə́n e nsay ye Nyùy‑iì foon aáwune, aá nèn yòv vitúm vìn, à wiíy, à lùmèn, aá wáa dzə fo ji wír vév kibàm. Á bèy, é wír veé Israyi nèn yòv lèn wír ve vé‑eè koorin áwune fó mbìy, a fo sáʼ lèn e wír ve vé‑eè rə́si nəʼsì áwuneé.

Daniel 7:14

Á fó wun vitaáví vé saʼ, e fò wun vikuʼùy, wù wáa saʼ vifon, é wìr dzə̀m fíʼ a lìm fo wun, kìn dzə̀ wir kitum kìka, kìn woó wòŋ vəné, kìn wù súŋnin a dzə̀ lám gha. Sáʼ rəə́ dzə̀ sáʼ, a yí kù wíy a tiy fo, a bó yòʼ dzə̀ yí wìy mày. Vifon və́ ví dzə̀, a bó yòʼ dzə̀ kifá ki wìy laàr.

Daniel 7:17

Wù suúy ji nyám se kuʼkìn see sikweè si dzə̀ á vitúm vikweè ve ví wíy ŋaʼáy e kitu ke nsay, a saʼ.

Daniel 7:25

Fòn və̀n wíy a suúy vinyo ve kisaŋ vi e Taà Vitu bàm. Wù wíy a nə̀ʼsì wír Nyùy woo Taà Vitu. Wù wíy a taŋ ji bo wun kì kùvsín á nsər sév sé Nyùy, e kùvsín vishiíy vév ve kuʼkìn ví, aá wíy way wír Nyùy e wun sar saʼ, viyá vitaár e kimbéʼ ki.

Obadia 1:17

«Yii bèy, Gwan Sion wíy a dzə kibeèy ké wìr ve á wíy bòy, a fóo wíy a dzə jeéy ji kirə́ʼ kém, é rám Jakovi nèn yì vitsə́ʼ vév.