Daniel 7:17 - ŊWÀʼ NYÙY

¹⁷ Wù suúy ji nyám se kuʼkìn see sikweè si dzə̀ á vitúm vikweè ve ví wíy ŋaʼáy e kitu ke nsay, a saʼ.

Daniel 7:17 Referans Kwoze

Ŋgaà Yen 13:11

M kfən yèn nyám ye beemén yìmòʼ, a rə̀n fəə́ a dzə̀ fó nsay. Yì‑iì kér loŋ sibaà, shwínin wan njiì, bo jì rə wáa dzə ye kigàgǎʼsòŋ kiy.

Ŋgaà Yen 13:1

M nèn yèn, a nyàm ye beemén fəə́ fó rìbà ndzə̀v fey, a yì kér kitú saàmbà, e loŋ si shó e ghvə̀m, a loŋ e mòʼón mòʼón sóv ntáráʼ. Aá sáŋ yír e mòʼón vitú vee saàmbà vìy vidzə̀m, a dzə̀ liy ye yì kuu a dzə̀ Nyùy.

Joon 18:36

Jesus bìnèr jii, «Bó vifon vém ví yòʼ dzə̀ veé ndzə fèn. A kì dzə̀ veé ndzə fèn, bo wír vémé ló a fùnèn fo vé wòŋe kum mo. Yii bèy, a bó vifon vém ví yòʼ dzə̀ veé ndzə fèn.»

Nsùyrì Nyùy 17:14

Éè Nyùy Tàr, nàn kóy wóo, e bòyìr mo fo wír vìne. Ku laàr áwune fó nsay fèn. Sə́ʼsí kilíŋ kév kí, aá lay fó wòŋ. Ké wìr ve à koŋè, à yíi rəə̀r jíŋ yev, é wón véví kú a ker ké a yi, é kí wáa jàmtìn, aá koóy keé lèm sa e wón véví.

Daniel 7:16

M kóʼtí, e yèn wír wùmòʼ fo wír ve vé‑eè tíy foo, e dzə̀r shó ji wù ku naàrì a mo kinyo ke ru kí, kee kùm kinjeenjèm kìn. Wù nén a naàrì kinyo kee shooy, a toʼtí nsàv e mò.

Daniel 7:18

Yii bèy, a wír Nyùy woo Taà Vituu wíy sə sáʼ yeé wòŋ, e yòv, a ker a viyá viyá là may.