Daniel 7:16 - ŊWÀʼ NYÙY

¹⁶ M kóʼtí, e yèn wír wùmòʼ fo wír ve vé‑eè tíy foo, e dzə̀r shó ji wù ku naàrì a mo kinyo ke ru kí, kee kùm kinjeenjèm kìn. Wù nén a naàrì kinyo kee shooy, a toʼtí nsàv e mò.

Daniel 7:16 Referans Kwoze

Ŋgaà Yen 5:5

Wùmòʼ woo wír fo kfə́m siy si nèn sùúy e mò jii, «Lá à yòʼ dzəə dìy. Yú, wìr wùmòʼ dzə̀ shó wo wù soon ne vinyo veé ndzə, a wù ghèén fó bày kiláy ke á fìnèrìn ŋwàʼ və̀n sho kirə́ʼ saàmbà, e bvə̀r. A ŋgaàŋ dzə̀ wír wo á yoŋ ji Bvərə̀ʼ woó Kitum kee Juda, a dzə̀ Rám Fòn Davir.»

Sekariya 2:3

M ku nèn yèn nshìylav Nyùy ye yì kì súŋnin e mò, a yì ló, a dù, a yìmòʼ wiy ji wùn wun tárnín.

Daniel 7:10

Və́yí meé, a mèʼèm, a wìy moo ndzə́v, a wú ló a dzə̀ fo Ŋgaà wo wù‑uù siìn‑eè dzə́. Màŋgòŋ‑eè lim fo wun ansə̀kì ansə̀kì, aá tíy e wun si, yuúri shuu və́, a bó yòʼ dzə̀ wìr tàŋ mo áwune dzəə̀n. Á wáy nsaʼ e kibàʼ, e mvə̀ʼtì aŋwàʼ, e lèm arə́.

Sekariya 3:7

Nyùy Tàr woo Taà Mànjòŋ suuy a jii, «Aà lòo dzə, a ghan e mǒ mbòv, a yiì lim ye m wayin e wò kiwo, bo à yíi a leéy lav yem cù, a leéy maàndzə ŋgày, é m fó wò ghay wo à wáa meerí e mǒ si moo nsheèlav se sí tíy fèn.

Daniel 9:22

Wù wíy, e yèn mo, a naàrì vinyo e mò, a suúy jii, «Daniel, m wìy ne bèn ji m yii, áà wáa kiíy mo dzə̀ à wàa tàr vinyo, a kiíy jeéyjeéy fó fo.

Daniel 7:17

Wù suúy ji nyám se kuʼkìn see sikweè si dzə̀ á vitúm vikweè ve ví wíy ŋaʼáy e kitu ke nsay, a saʼ.

Daniel 8:17

Á bèy, Gabriel kóʼtí fo mò‑oò tíyí. Kù mo wù koʼtin, m nèn a fàn, e gbù fo nsay, e tsə̀m sí. Yii bèy, wù suúy e mò jii, «À dzə̀ ké wir msòŋ, a m taʼ e yiì, áà kiíy ji kinjeenjèm ki din a dzə̀ kinyo ke kí wíy a koóy e ghan se ndzə wíy a mày.»

Sekariya 1:19

M dzə́r e nshìylav Nyùy ye yì‑iì súŋnin e mò jii, «Loŋ sìn si din a dzə̀ ka?» Yì bìnèr jii, «Loŋ sìn si din a vitúm ve tavkín ví ve ví‑iì taʼarin wír veé Juda wùn à veé Israyi, à veé Jerusaleme.»