Daniel 7:13 - ŊWÀʼ NYÙY

¹³ Kù mo kinjeenjèm kìn ki wìyìn e mǒ si vitsə́ʼə́, m kú a leéy, e lò, e yèn wír, a wù bvə́y é yuv, a shaà e mvə̀m mbàʼ, shwínin rú wan wìr msòŋ. Wù‑uù dù fo Ŋgaà wo wù‑uù siìn fó yàŋgùʼ dzə́, á lí wun, e dìn sho.

Daniel 7:13 Referans Kwoze

Matio 26:64

Jesus bìnèr jii, «Kí dzə̀ mo à suuy bèy. Vèn wáa kiíy jii, vèn wíy yen, a ŋgaà wo yírí dzəə̀n *Wanwìr və̀n dzə́ e Nyùy woo Ŋgaà Vitaàví koy yìyí, e kfə̀n wìy yen, a wù wiy e mvə̀m mbàʼ.»

Ŋgaà Yen 1:7

Vèn wáa kiíy ji Jesus waà sí wiyì, a wù wíy fəəsín a dzə̀ fó mvə̀m mbàʼ, é wìr dzə̀m yén e sí yéví. Wír ve vé‑eè sòvìn nsaŋ rə e kòŋé víyi wíy yen sa, é vitúm veé kitu ke nsay vidzə̀m vi yén wun, a yàʼ, a toŋnín. A kù dzə̀ mo kí wíy a dzə. Amen.

Ŋwàʼ Luk 21:27

aá nèn yèn, a ŋgaà wo yírí dzəə̀n *Wanwìr bvə́y é mvə̀m mbàʼ, a wù sí kér vitaáví wùn à vikuʼùy ve ghaʼán ví.

Ŋgaà Yen 14:14

M nèn kfə̀n lòo leéy, e yèn mbàʼ ye fəvír, a kifá ki dzə́ sho, shwínin wír. A wù sóv ntáráʼ wo á fèrìn e *kisha ke mbàm ki, kfə̀n kér loòjèé é kiwo, aá baáy ben kijuŋ.

Matio 24:30

Aá nèn yèn mo kisəəm ké ŋgaà wo yírí dzəə̀n Wanwìr ki yénsin e yuv. Vitúm vidzə̀m vi wíy a leéy, a dìy, lóo yen, é ŋgaà wo yírí dzəə̀n Wanwìr və̀n nèn bvə̀ysín e mvə̀m mbàʼ, a wù sí kér vitaáví wùn à vikuʼùy ve ghaʼán ví.

Maak 13:26

A wíri wíy yen mo ŋgaà wo yírí dzəə̀n Wanwìr bvəysin é mvə̀m mbàʼ, a wù sí kér vitaáví wùn à vikuʼùy ve ghaʼán ví.

Matio 25:31

Jesus kfən sùúy jii, «Ŋgaà wo yírí dzəə̀n *Wanwìr wíy lòo kfən, a wù sí kér vikuʼùy və́ veé yuv, a sí wiy wùn à nshèelav se Nyùy si sidzə̀m, é wù nèn kòʼ é kàvàʼ wo Nyùy dzə̀ʼə̀rìn wun sho.

Joon 3:13

Wìr wùmòʼ yòʼ‑oò yiì ne kòʼ e Nyùy wòŋ woó yuv, kù mày ŋgaà wo wù loòn fó fo, wo yírí dzəə̀n *Wanwìr.

Ŋgaà Yen 1:13

e kfə̀n yèn, a kifá ki tíy fo ntìntìn, shwínin wír, a wù máʼ kikúm kida, e tìm kikuúví e wùn vidìm, aá bá sá e kisha ke mbàm kìy ki.

Matio 13:41

A kí dzə̀ jii, ŋgaà wo yírí dzəə̀n Wanwìr wíy tum nshèelav sə́, é sí tar wír ve á yii vinyo ve bi ví, kfə̀n báyir wír ámóʼó, aá yii sa bèy. Á tarì, aá nèn fə̀ə́r fo wùn mvə̀m saʼ,

Ŋgaà Yen 1:18

a m dzə̀ shó ghán sidzə̀m. Mò‑oò lo kpù, yii bèy, m sì lèn e tin, a m gòʼ ne kàŋ mòʼón. Kinyo kee kùm kpú ki dzə̀ a dzə̀ e mǒ kiwo, a kér mo kimbàʼ ke dzə̀ kí mvə̀ʼ shúu wòŋ aŋkfə.»

Lim Aŋgàa Ntum 7:56

Tefan nèn sàsìn jii, «Vèn leéy, e yèn, m yén yúv e rə́, a ŋgaà wo yírí dzəə̀n *Wanwìr tíy e Nyùy koy yìyí.»

Hibru 9:24

A bó Kristu yòʼ‑oò dù, a yiì və́ə woo ntàŋrí é kirə̀ʼ ke naŋsin wír ji ké Nyùy ke kù dzəə̀n vimfìʼìr ve kirə̀ʼ ké Nyùy ke ru kí. Wù yii və́ə a dzə̀ é yuv, fo wù dzə́ lèn e Nyùy si, lón fo vèsən.

Daniel 7:22

Rə́r sin si kú a màʼ, e dù, e meé mo Ŋgaà wo wù‑uù siìn‑eè wìyìn, e tìnén nsaʼ, e fò e wír Nyùy woo Taà Vituu. Ghán sí nèn ghèén se wír Nyùyi sə́ vitaáví, a saʼ woŋ sho.

Ŋwàʼ Luk 21:36

Vèn ku nèn a way vifií, a bùnrì Nyùy ghán sidzə̀m ji wù távír ven, ŋgeʼ see shooy si wíy lóo koóy, é vèn tósín shó, e nèn wìy a tiy e ŋgaà wo yírí dzəə̀n Wanwìr si, là kinyo.»

Hibru 2:14

Wù wáa suúy bèy, a wón və́ vin adzə̀me kù dzə̀ wíri, aá kér wún, kér mensə́ mo wíri yii kérí. Wun woo Jesus nèn lì wún a dzə̀ wó wìr, e bìnkìr a dzə moo áwune ji wun fíʼ kpu, e ndzəə̀r vitaáví vé Satan ve dzə̀ wù lì wír wo wù sí kpú sho.

1 Timoti 6:16

Kù mày wun wo wù gòʼòn kàŋ mòʼón, a wù dzə̀ a dzə̀ e wùn mvə̀m ran ye bó yòʼ dzə̀ wìr bàv fó ghaŋ. Bó wìr yòʼ‑oò yiì ne shòv wun e si, a bó wìr yòʼ wíy shov. Dzə̀ wun wo dzə̀ á kù a ghvəm. Sáʼ rəə́ kú a dù fo mbìy viyá viyá là may. Amen.

Daniel 7:9

M kú a leéy, e lòo yèn, aá máʼ kàvàʼ. Ŋgaà wo wù kù‑uù siìn fó yàŋgùʼ dzə́ʼə́m shó. Vikúm ví‑iì fə́r fo wùn wó ji páv moo mbàʼ, a nə́ŋ si fə́r fo kitu wo moo wúy njiì. Kàvàʼ və wáa ker kár si, a kiliímé ke və̀y kí kóʼ fo kar fèy, kfə̀n kóʼ à fó kàvàʼ sho.

Esiker 1:26

M kfən siì yèn sá kifá kímóʼ kí é yuv, e kitu ke kikùm ke kí‑iì taʼamen aáwuné kitu, a kí dzə̀ é njà kàvàʼ, a wù kiʼ moo *síbaŋ yee safiri bèy. M yén kifá, a kí dzə́ e kàvàʼ, shwínin wír.

Nsùyrì Nyùy 47:5

Nyùy kóʼ e wun kàvàʼ, a vé yòvi kwá wun, búʼ shirəə́, a vé sòŋé tóŋ sóŋ.

Joon 12:34

Màŋgòŋ nèn a suúy sho jii, «Vèr kì kér fó Ŋwàʼ Nyùy ji *Mfə̀ə́r wo Nyùy‑iì kàʼàn wíy a dzə sho ghán sidzə̀m. À kfə́n a suúy ji á wíy koʼór ŋgaà wo yírí dzəə̀n *Wanwìr e kici moó le? À yoŋ wír və̀n a dzə̀ la?»

Joon 5:27

Wù kfən fò vitaáví shó ji wáa tinén wun woo Wán nsaʼ wìr dzə̀m, bìʼ fo dzəə̀n wun wo yírí dzəə̀n *Wanwìr.

Jeremia 49:19

Á yuúrí, e yù, m wíy sàsìn, e bvəy, e taʼár wír veé Edom, kù moo bvərə̀ʼ wo wù fəən fó kòv woó Jordan, e dù, e taʼár njiì fo jiy, aá sám fo áwuné nsay. M yii bèy, é m nèn shòʼ wír wo kòŋèn mo, e lèm ji kilìmbìy kév. Wìr woo moo mo dzə̀ la? Wìr wo a dzə̀ vèr wun tàm dzə̀ la? Kilìmbìy ke a dzə̀ kí kàr kinyo kém kí dzə̀ la?»

Matio 8:20

Jesus bìnèr sho jii, «Nyám símóʼ sí kér bíi sév, a menə́n mè kér láʼ sév, yii bèy, a bó ŋgaà wo yírí dzəə̀n *Wanwìr və̀n yòʼ kér fó teʼ kfə́ kee kitú.»

Matio 28:18

Jesus kóʼtí, e sùúy aáwune jii, «Nyùy wày ne sáʼ yeé yuv wùn à yeé nsayi e dzə̀m e mǒ kiwo.

Ŋwàʼ Luk 24:27

Jesus nèn kèʼ, a toʼtí vinyo vidzə̀m ve vé‑eè saŋen é Ŋwàʼ Nyùy bìʼ wun, e kèʼ fo ve Mooser‑iì saŋen ví, e tùmsín e vé *aŋgàa ntum Nyùy vi adzə̀m.

1 Tesalonika 4:17

é bo ve á dzəə̀n shó e ghan see shooyi báʼtí wùn áwune, a koʼ e mvə̀m mbàʼ, é wùn à Taàtá Jesus tárnín é taa yuv. Á mo vèsən wíy koʼ bèn, é vèsən à Taàtá Jesus nèn a dzə ghán sidzə̀m.

Nsùyrì Nyùy 110:2

Nyùy Tàr wíy yiì, é sáʼ yée líysín bìíy se Sion, áà wáa saʼ aàŋgaà vé vibàné mvəm e vitaáví vé vi.

Daniel 7:2

Wù‑uù sàŋ, a naàrì jii, yì‑iì dzə̀ vitsə́ʼ vímóʼ ví, kilìtì ke kinyò ki wìy e mǒ si e njà kinjeenjèm. M yén, a shwéri wiy mbìv sidzə̀m, tsə́y rìbà ndzə̀v wo wiy,

Daniel 7:12

Fo kibér ke nyàm ki, á faàsì sáʼ fo áwune, yii bèy, e kù màʼtì ji sí ku bèʼrí fo shintàm.

Daniel 8:15

Mo mo woo Daniel‑iì yenen vinyo vìn e njà kinjeenjèm, m ku nèn a tàr ji m kiíy á nsàv. Wìr nèn sàsìn, e fəə̀sín, e tìím e mǒ si, a wù shwínin wír woo lumèn.

Nsùyrì Nyùy 2:8

Lón mo, é m fó vitúm vìn vidzə̀m ji vitsə́ʼ vé, é kitú ke nsay kidzə̀m ki wáa dzə ké.

Daniel 2:44

«Atǎr saʼ vìne wíy lóo saʼ, é Nyùy woó yuv neer á rə́ yee sáʼ ye yí yòʼ wíy mày, a bó wír ámóʼó yòʼ wíy yu a fó sə, a saʼ. Yí wíy laàr a sáʼ afòn vìy, é yí may ŋkuuŋkùŋ, é nèn kù a tiy a sáʼ Nyùy rə̀n fo, e dù, e jòʼsì.