Daniel 7:11 - ŊWÀʼ NYÙY

¹¹ M ku kpù leéy, bìʼ lám wo loŋ nyàm rə̀n‑eè sumrì wún shó. M kú a leéy bèy, e lò, e yèn, aá seé nyám ye loŋ kì dzəə̀n é kitu wo rə̀n, e laàr jáv láarin é və̀y.

Daniel 7:11 Referans Kwoze

Ŋgaà Yen 19:20

Á nèn tàm, wù koó nyám ye beemén rə̀y wùn ŋgaà ntum və wo wù‑uù rə́si ghán fo wùn mbìy, shóʼ virom, bóʼti wíri shó. A wù kù‑uù bóʼti a dzə̀ wír ve vé‑eè kér nsáŋti nyàm ye beemén rə̀y aáwuné wùn, ghvə́m kibámmbó kfə́. Mo á koon áwune, e nèn dù, e màʼ e kimbiirìn ke və́yí bo sho, baári moo mekàŋ.

Ŋgaà Yen 20:10

Aá nèn koò Satan wo wù‑uù boʼtin áwune, e màʼ e kimbiirìn ke və́yí bo sho, baári moo mekàŋ, é wù nèn a dzə fo wùn à nyàm ye beemén, à ŋgaà ntum və və̀y, ve vé‑eè siìn fó, é wùn áwune wáa fòmnìn fo e shùy wùn à vitsə́ʼ, viyá viyá là may.

2 Tesalonika 2:8

é bo wun woo Fon Vinyò ve Bi ví fəə́sín. Yii bèy, a Taàtá wòsən Jesus wíy sàsìn, e bvəy, e fer wun férín e kiyoy ke kí fəə́ fo wùn shuù ki, e yuyrí, e màysì, e laàr e kishiíy fóo fèy.

Daniel 7:8

Kù mo m wáy sí e loŋ sìn, yìmòʼ yee loŋ nèn fəə̀ e siy sí nsàn, a yì dzə̀ kfə́ e dórín. Á ménrí loŋ sitaár se sí‑iì siìn fó, e fíʼ fo ghay e rə̀n, a loŋ rə̀n kér sí si moo sé wìr, kér shuu, a kù fəə́ lám kinsùmrìwùn fó fo.

Ŋgaà Yen 18:8

A kishiíy kí kù wiy ke wù wíy nəə́ e lòn wuu baà. Yàsí wíy gbù e wùn wó. Wù kfə̀n wíy a dìy. Wù wíy a tooŋé jíŋ. Á wíy tòn wun e və̀y, é wù shwí, e rèŋ, bìʼ fo Nyùy Tàr, wun woo Nyùy wo wù wíy màʼ ŋgeʼ sho dzə̀, a wù tàv é ŋàŋ.»

Daniel 8:25

Wù wíy a fiír feyì, a yiì vinyo və́ bám bám, é kimboʼtì ki kú a kuy kuyín e wun saʼ. Wù wíy a koʼór kitú kfə́, a yen ji moo wun yòʼ dzə̀. Aníne wíy lòo kwàʼ ji á dzə̀ akiŋsìn, e wù nèn tò, e laàr áwune. Wù wíy lò, a tsəy kóy wùn Fòn woo Fon fo afone. Yii bèy, sáʼ rəə́ wíy gbù, a bó kee shooy ki yòʼ fə̀m wíy ghan a dzə̀ wó wìr msòŋ.

Ŋgaà Yen 20:12

M yén wír ve vé‑eè kpukin ne, aá tíy e shùu kàvàʼ, à ve kuʼkìné, à ve terií. Á nèn a mvə̀ʼtì aŋwàʼ, e dù, e mvə̀ʼ wúmóʼó, a dzə̀ wo vé‑eè saŋen yír sé wìr ve á wíy lùŋ sho. Á nèn a saʼ aŋkfə vìn, a leéy vinyo ve áwune‑eè yii a dzə̀ fó aŋwàʼ ve vé‑eè sáŋ sho, e bó a tinén.

Ŋgaà Yen 20:4

M nèn kfə̀n yèn, aá tiír akàvàʼ, a wíri dzə́ sho, a dzə̀ ve Nyùy lèmèn ji á wáa tinén nsaʼ se wíri. Vé kàvàʼ vìne‑eè dzə̀ wír ve vé‑eè yuyrin, bìʼ fo vé‑eè tíy wùn à Jesus, fiʼtì kinyo ke Nyùy, e làa yòʼ a ghvəm nyám ye beemén wùn à kibámmbó kfə́ kí, e tèn fó sə nsáŋtí və aáwuné yírvishi, kìn é wo. M wáa yen áwune, aá kfə́n ne atin, a dzə vitú ve saʼ wùn à Kristu ji á sáʼ ndzə kiyá nsə̀kì.

Ŋwàʼ Jud 1:16

Enok wáa suúy bèy, a kù dzə̀ mo wír vìne rə́si ghvəvrì Nyùy, e làa yòʼ a yen kinyo, é kí wáa gheén áwune gheéy. Á kù yii vinyo a dzə̀ ve mensə́ mev mè taʼà, ghaŋtì shuu, sévti vinyo sévtín, leerì wíri ji á fíʼ a koóy kifá.

2 Pita 2:18

Aáwune kù wíy nəə́ fo bèy, bìʼ fo á ghaŋtì shuu, din vifií, a kù dzə̀ vé vinyò ve kisaŋ vi. Aá yéʼey bèy, nèn lévti wír ve á kù dzəə́ fəə́ fəə́n fo wír ve bó á yòʼ kiìn kinyo ke dzəə̀n ke ru kií mvəm, siir fo, bóʼti áwune ji dzə̀ á wàa yiì a vinyo ve mensə́ mev mè kér shií shó vidzə̀m.

Daniel 11:45

Wù fəə́ rə́r bey, é wù tám kibeey kfə́ ké vifòn e kintìntìn ke rìbà ndzə̀v wùn ǎ gwan wo lav cù tíy sho. Yii bèy, a wù wíy kpu fo, là ŋgaà ghar.

Daniel 7:12

Fo kibér ke nyàm ki, á faàsì sáʼ fo áwune, yii bèy, e kù màʼtì ji sí ku bèʼrí fo shintàm.