Daniel 7:10 - ŊWÀʼ NYÙY

¹⁰ Və́yí meé, a mèʼèm, a wìy moo ndzə́v, a wú ló a dzə̀ fo Ŋgaà wo wù‑uù siìn‑eè dzə́. Màŋgòŋ‑eè lim fo wun ansə̀kì ansə̀kì, aá tíy e wun si, yuúri shuu və́, a bó yòʼ dzə̀ wìr tàŋ mo áwune dzəə̀n. Á wáy nsaʼ e kibàʼ, e mvə̀ʼtì aŋwàʼ, e lèm arə́.

Daniel 7:10 Referans Kwoze

Aysaya 30:27

Vèn leéy, Nyùy Tàr və̀sə kwaʼda, a wù wiyì. Dòʼshwíiy və shwí moo və́y, a kikfə́m ke kindzəʼ ki dzəm, kóʼó. Kisúŋnìn kfə́ kí kù sì nyár nyár, a kinyo ke kí fəə́ fo wun shuù ki ton virə́ʼ é njà və̀y.

Remrí 33:2

Wù lòo lon, e yòŋ jii: «Nyùy Tàr‑iì sə̀y fó Gwan Sinay ji wun sə́ vèsən, wù‑uù tò moo shúy fo Edom, e bàn e wír vəə́ kitu. Rán rəə́ ŋwàŋ fo Gwan Paran. Nsheèlav sə́ sí‑iì dzə̀ wùn áwune ansə̀kì ansə̀kì. Wù‑uù kér və́y é kiwo ke yìy kí, a wú baári ji vùŋ vùŋ.

Ŋgaà Yen 5:11

M kfən lòo leéy, e yèn nshèelav se Nyùy ansə̀kì ansə̀kì, virə́ʼ nsə̀kì nsə̀kì, aá kaárí fó, e tàr, kàvàʼ wùn à vifá vee vikweè vìy, à kfə́m sé wìr sìy si wáa dzə fo ntìntìn.

Nsùyrì Nyùy 50:3

Nyùy wòsən wiyì, a bó yòʼ dzə̀ wù kfə̀n gòʼ kisə́sə. Və́y wo wú laar virə́ʼ láariné baári fo wun mbìy, a wù shaa e mvə̀m kinsəm ke wiy kí, a kí kar virə́ʼ.

Nsùyrì Nyùy 68:17

Nyùy Tàr‑iì sə̀ʼə́y fó Sinay, sə́ʼəy, kér *viténtén və́ vé rər ansə̀kì ansə̀kì, e wìy, e dzə̀ʼə̀m e wun kirə̀ʼ ke ranén kí.

Ŋwàʼ Jud 1:14

Enok wo wù‑uù ràmèn fo Adam ji lav saàmbà‑aà ló a suŋnín kùm wír vìn, a taŋ mo Nyùy wíy lovtí aáwune. Wù‑uù suuy jii, «Vèn yén, Nyùy wíy wìy wùn à nshèelav sə́ sí, ansə̀kì ansə̀kì,

Matio 25:31

Jesus kfən sùúy jii, «Ŋgaà wo yírí dzəə̀n *Wanwìr wíy lòo kfən, a wù sí kér vikuʼùy və́ veé yuv, a sí wiy wùn à nshèelav se Nyùy si sidzə̀m, é wù nèn kòʼ é kàvàʼ wo Nyùy dzə̀ʼə̀rìn wun sho.

Aysaya 30:33

Rúrú, e kèʼ fo yàŋgùʼ, Nyùy Tàr‑iì bàʼtí ne kirə́ʼ kee fo á wíy tòn dzə́n fòn. Wù tùŋ ne kíy, wú fáŋ, e kfə̀n shoò, e fiì meŋkaʼ sho, və́yí wáa shwi, a bò. Kiyoy ke Nyùy Tàr kí dzə̀ moo kiliímé ke və̀y, a kí wíy sə̀ʼ meŋkaʼ mèn, é mè wáa shwi.

1 Afòn 22:19

Mikayia nèn kfə̀n a suúy jii, «Fòn ku yuùrí a kinyo ke Nyùy Tàr. M kì yèn á Nyùy Tàr, a wù dzə́ e wun kàvàʼ, a nsheèlav sə́ sí tíy e wun ghaŋ, à fó koy ŋkoòvìi, à fo wó yìyí,

Daniel 7:22

Rə́r sin si kú a màʼ, e dù, e meé mo Ŋgaà wo wù‑uù siìn‑eè wìyìn, e tìnén nsaʼ, e fò e wír Nyùy woo Taà Vituu. Ghán sí nèn ghèén se wír Nyùyi sə́ vitaáví, a saʼ woŋ sho.

Hibru 12:22

Vèn nén a dzə kén, aá wíy, a tiy a dzə̀ é Gwan *Sion, a dzə̀ láʼ wun woo Nyùy wo wù gòʼòn kàŋ mòʼón, kfə́n a dzə Jerusalem wo wù dzəə̀n a dzə̀ é yuv. A dzə̀ fó, fo nshèelav se Nyùy si yii dzə́ ansə̀kì ansə̀kì, kwá Nyùy.

Sekariya 14:5

Kí kooy bèy, é vèn nyéŋ, e tòsín kiwoóy ke Nyùy yiìn, kí jáv gwan mbìv sibaà, e dù, e meé e Asal. Vèn wíy nyeŋ réŋréŋ mo atàr véné‑eè nyeŋen é ghan se nsay‑iì sə̀ʼsìn, a Ussiya sáʼ ji fon e Juda. Vinyo vìn vi fəə́sin bèy, é Nyùy Tàr woo Nyùy wom nèn wìy, a wìy wùn à nsheèlav sə́ sí sidzə̀m.

Daniel 7:26

«Yii bèy, wír ve á sáʼ nsaʼ e yuví wíy way nsaʼ rə é kibàʼ, e sə vitaáví və́ vé saʼ, e səʼsí wun səʼsín, é wù may ŋkuuŋkùŋ.

Hibru 1:14

Ké nshèelav se Nyùy ki nén a dzə ji ka? Áwune dzə̀ kév viyoy ve ví lim fo Nyùy, a wù túm áwune, aá ghán, sə́ wír ve á kù‑uù wíy lùŋ.

Ŋgaà Yen 11:18

Wír veé ndzə fène‑eè lò, a taŋ sáʼ yé, a ghán sí ghèén ne lèn, à dín áwune mo wo woo dòʼshwiíy dzəə̀n. A sì ghán se à yíi koʼór aŋkfə fo si, e tinén vinyo vév. Kfə́n a dzə ghán se à yíi laamé aŋgàa lìm vé ve vé‑eè tiísi ntum yè, e kfə̀n laamé wír vé adzə̀m, áwune ve á ghvə́m yír yé, kìn dzə̀ wo kùʼùn, kìn dzə̀ wo terí. Kfə́n a dzə sa ghán se à yíi laàr wír ve vé‑eè ghán, bívir ndzə.»

2 Wòŋ 18:18

Mikayia nen kfə̀n a suúy jii, «Fòn ku yuùrí a kinyo ke Nyùy Tàr. M kì yèn á Nyùy Tàr, a wù dzə́ a e wun kàvàʼ, a nsheèlav sə́ sí tíy e wun ghaŋ, à fó koy ŋkoòvìi, à fo wó yìyí,

Nsùyrì Nyùy 18:8

Kindzə́ʼ ki wáa mee fo wun yuy, və́yí wáa fəə fo wun shuù. Wù tsə́nsí káy se və̀y fó yuv, sí tòn virə́ʼ.

Daniel 12:1

Nshìylav Nyùy ye yì‑iì màʼàn ndzə̀y ye baán nèn kfə̀n a suúy jii, «Ghán see shooy si wíy gheén, é Mayker woo nshìylav Nyùy ye kuʼùn ŋáʼáy, a kù dzə̀ wun woo shó wo wù shiy wír vé, wù ŋáʼayì, é ghán sé ŋgeʼ ye tavín sí tsə́ŋén, a kfə́ə ŋgeʼ rə̀n wíy a dzə, a yì yòʼ‑oò ghàn ne a dzə mo vé‑eè kèʼèn, e gwàr woŋ, é bo vitúm vi wáa dzə e nsay. Wíy lòo dzə e ghan fóo fèy, é wír vée luŋ, wír adzə̀m, ve yír sév sí wíy a dzə e Nyùy ŋwàʼ.

Ŋwàʼ Jov 25:3

A dzə̀ tàŋ la mànjòŋ Nyùy, e tòʼ? Rán Nyùyi lóo ban, yí wàa shav la?

Nsùyrì Nyùy 103:21

Ven vee vé rər və́, vèn wáa burí wun, ven vee aŋgàa lìm və́ ve á lim mo wù koŋè.