Daniel 7:1 - ŊWÀʼ NYÙY

¹ Wáa dzə e kiya ke mbìy ke Belshasar‑iì sáʼ ji fon woó Babilon, Daniel neém e wun kikun, e lòo buuné, njèm shí wun, kilìtì ke kinyò ki wíy e wun si e njà kinjeenjèm. Á bèy, vitú ve vinyò ve Daniel‑iì saŋen, e naàrì kùm njèm rə̀n vi víne.

Daniel 7:1 Referans Kwoze

Amos 3:7

Rúrú, Nyùy Tàr woo Taà Ndzə yòʼ yii yii kinyo kfə́, a bó wù suúy áàŋgàa ntum vəə́.

Joel 2:28

Nyùy Tàr kfə́n a suúy jii: «Wíy lòo dzə fo bàm, é m fó Kiyoy kém e wìr dzə̀m, é wón vén vee vilum wùn à vee vikìyí wáa yu vinyo fo mò, a tiisí. Ŋgày sé wìr sén sí wíy a yen vinyo e njèm, é wón vén vee wónlě nsùme wáa yen vinyo e njà vinjeenjèm.

Daniel 5:1

Yì‑iì dzə̀ é kishiíy kímóʼ kí, aá bún ne Belshasar ji fon, wù káʼ ŋkàʼ wúmóʼó, a wú dzə̀ e gháʼtín, e bì atǎr laʼ və́ kishóv é nsə̀kì ji á wiy, é wùn áwune tínnín á bàr shilùʼ.

Daniel 4:5

Kù mo mò‑oò néŋ e ntoʼ e mǒ mbvə̀ʼ, njèm nèn lò, e shì mo, wúné lò, a beemé mo beemén. Vinjeenjèm vi wìy e mǒ kitu, m yén vindzə̀ə́ndzəm, a ví shaasìn, bémer mo.

Daniel 1:17

Wónlě nsùm vee akweè vìne dzə̀, a Nyùy‑iì fò áwune vifií ve á wáa kiíy jeéyjeéy fó vinyò, e yiì, á fiír é ŋàŋ. Daniel ló kfə́, e kìíy kinyo kee kùm vinjeenjèm wùn à ké njèm se toʼtín sí é ŋàŋ.

Jeremia 23:28

Á bèy, ŋgaà ntum wo shiin njèm wun kú a fìʼtì a dzə̀ njèm rə, é ŋgaà ntum wo tumen mo wun kú a fìʼtì kinyo kém mo kí dzəə̀n. Vishaárín vi kfə̀n tàtí ka lèn e mvə̀m sàŋ? Suuy mo woo Nyùy Tàr.

Ŋgaà Yen 1:19

Wù nèn kfə̀n sùúy e mò jii, «Sáŋ vinyo ve à yén vi vidzə̀m e ŋwàʼ, kìn dzə̀ ve ví sí kooyì, kìn ve ví dzəə́ wìy a koóy.

Habakuk 2:2

Á bèy, Nyùy Tàr nèn fò binèr e mò, e sùúy jii: «Sáŋ kinyo kidzə̀m ke m lo, e sàr e wò ki, sáŋ é viwàŋ ve kifa, ye dzə̀ wìr yòŋ kicaárín.

Daniel 7:15

Kinjeenjèm ke mò‑oò yenen kin ki‑iì kàr mo woo Daniel, e yiì, wúné wéʼ mo.

Daniel 7:13

Kù mo kinjeenjèm kìn ki wìyìn e mǒ si vitsə́ʼə́, m kú a leéy, e lò, e yèn wír, a wù bvə́y é yuv, a shaà e mvə̀m mbàʼ, shwínin rú wan wìr msòŋ. Wù‑uù dù fo Ŋgaà wo wù‑uù siìn fó yàŋgùʼ dzə́, á lí wun, e dìn sho.

Daniel 2:1

Fòn Nebukadnessar‑iì sàʼ vifon, kí lòo meé ji viyá vibaà, njèm si shí wun, shilív sə́ shí wáa buʼ, mbuùné sí káŋ fo wun si.

Kintaŋ 12:6

Wù suúy jii, «Vèn yuúrí kijuŋ. *Ŋgaà ntum wom yii lóo dzə e věn mvəm, m wàa dìn kitú kém shó e njà vinjeenjèm, e kfə̀n a suŋnín sho e njèm.

Kèʼlo 46:2

Lòo dzə vitsə́ʼə́, Nyùy wìy fo wun wùn é njà njèm, e yòŋ ji Jakov, Jakov. Wù biímé ji mo və̀ne.

Ŋgaà Yen 10:4

M yú kinyo ke vishèv vìy vi wám bèy, suuyì, e lò ji m sáŋé, jì nèn yòŋ mo fó yuv, e sùúy jii, «Lá à yòʼ sàŋ. Ku lèm vinyo ve vishèv vìn vi suuyin ví e wò bvə̀m, e làa yòʼ yiì, é wìr kiíy.»

2 Korin 12:1

Mo m kù kér fó a suúy kitú, a dzə̀ m kù a suúy, a m fə̀m kì ji bó séʼ yòʼ dzə̀ shó. Vèn maʼti ri, é m fer lèn mo Nyùy‑iì ghemen ndzə e mò, m shóv vinyo vímóʼ ví é si, e kfə̀n a yen vímóʼ ví moo njèm.

Ŋwàʼ woó Rom 15:4

Vinyo ve vé‑eè saŋen é Ŋwàʼ Nyùy fo mbìy vi‑iì dzə̀ ji ví wáa yeʼéy vèsən, a lùmèr melív mèsən, é vèsən wáa yeʼtí a dzə̀ e Nyùy wùn, a leéy fó mbìy, a yu a dzə̀ fo wun.

Daniel 8:1

Wáa meé ji viyá vitaár mo Belshasar‑iì sáʼ vifon, mo woo Daniel, m kfən yèn kinyo e njà kinjeenjèm, e bàr ké mbìy ke kí‑iì meésinè sho.

Daniel 7:7

M kfən yèn nyám ye yì meen ji kweè e kinyò ke kí‑iì wìyìn e mǒ si e njà kinjeenjèm, a yì beéme bèn ji wùm, kiʼ e távín ji ŋkǒŋ. Yì‑iì kér vigha ve sòŋ, a dzə̀ vee kisha kee wúntí kíwun. Yì lúm nyám, yì sàʼtì sáʼtin, a nyèŋrì kibér, a fòtì e wuú. Nyàm rə̀n wáa dzə kfə́ jeéy fo se sí‑iì fəəsin fó mbìy si, a yì kér loŋ e ghvə̀m.

Daniel 5:30

Kú a dzə vitsə́ʼ veé kishiíy kee mo á kì yí ŋkàʼ, á nèn lò, e yùyrí Belshasar woo fon woó Babilon.

Daniel 5:22

«Yii bèy, wun woo Fòn Belshasar woo vitó və́, fə̀m mo vé‑eè kiìn kinyo kìn kidzə̀m kidzə̀m, bó á yóʼ ne lì kitú kfə́ á fo tèr gheéy.

Esiker 1:1

Yì‑iì dzə̀ é kishiíy kee tàn, e ŋwee woo kweè, a m sí du kiyá mtaár, shúu yuví mvə̀ʼə̀m, m yén Nyùy e njà kinjeenjèm. Kù‑uù yèn mo woo taà cù Esiker woo wan Busi kinyo kìn, a m dzə̀ é ŋgoo wìr veé Juda ve vé‑eè koorin fó Jerusalem, e dù sho e Babilon, e lèm e ghaa ndzəv yee Kebar. Ghán sin si‑iì dzə̀, a Fòn Jehoyiacin dzə́ʼə́m ne e kwaʼ nsàm viyá vitàn. Nyùy Tàr nèn lò, a suŋnín e mò, vitaáví və́ ví nəə́ e mǒ wùn, m yú.

Jeremia 36:4

Jeremia ku nèn jàŋ Baruk woo wan Neria, a yòŋ vinyo vidzə̀m e naáy naáy, a dzə̀ ve Nyùy Tàr‑iì tiisin e wun, Baruk wáa saŋ e kiŋkur ke ŋwàʼ.

Jeremia 27:7

Vitúm vìn vidzə̀m vi wíy a lìm fo wun, e kfə̀n wìy a lìm fo wón vəə́, à fo wón won vəə́, e wìy dù, e meé mo kfə́ kee kitúm ki wíy gbù, é vitúm vinín wùn aàfon ve tavkíné nèn siìr áwune ji akwàn.

Aysaya 30:8

Nyùy Tàr wáa suúy e mò woo Aysaya jii, «Ké lèn ki, dù, e yèn wír vìyi, e sàŋ vinyo ve m yooyin ví é kiwàŋ ke tiy, aáwune yéné. Sáŋ sá e vàv ŋwàʼ ye dzə̀ á kaàrí. Ku sàŋ, e lèm, é kí wáa dzə fo ji kisəəm ke kí gòʼòn kàŋ mòʼón.»

Aysaya 8:1

Yì‑iì dzə̀ é kishiíy kímóʼ kí, Nyùy Tàr yòŋ mo woo Aysaya, e sùúy e mò jii, «Leéy kiwaŋ ke kici ke kuʼùn kí, e sàŋ jí sìn si shó bèn, é sí faŋkir. Sáŋ jii, Maher‑Shalal‑Hash‑Bas.»

Ŋwàʼ Jov 4:13

Vinjeenjèm vi wíy e mǒ si vitsə́ʼə́, a dzə̀ é ghan se wíri yii buúne, tónenè,

Kèʼlo 15:1

Vinyo vee shooy vi koóy bey, e shaà, Nyùy yiì, vinjeenjèm vi shaà e Abram si, wù yú jí Nyùy Tàr, a yì suuy jii, «Abram, lá à yòʼ a fàn. M dzə̀ ŋkeè wò, a vilaámé vé vi yíi kùʼ feyì.»

Jeremia 36:32

Jeremia nèn kfə̀n lì kiŋkur ke ŋwàʼ kímóʼ kí, e fò e Baruk woo ŋgaà saŋ wo yì‑iì dzəə̀n wan Neria, e nèn kfə̀n a ruvtí vinyo vidzə̀m, Baruk wáa saŋ réŋréŋ mo wù‑uù saŋen é ŋwàʼ mbìyi wo Fòn Jehoyiakim woó Juda‑aà səən, e tòn. Jeremia kfə̀n‑eè dzə̀sì sá vinyo vímóʼ ví shó.

Esiker 40:2

Wù‑uù lì mo é njà kinjeenjèm, e dù sho e nsay Isray, e tìír mo é kitu ke gwan wo da wùmòʼ. M yén kifá e mbìv yee tsə́n, a kí dzə̀ é nshwìnin ŋkàlaʼ.

Daniel 2:26

Fòn nèn dzə̀r e Daniel wo yír yímóʼó‑oò dzəə̀n ji Belteshasar jii, «A kù yòʼ dzə̀ rú, à yù fóo naàrì kinyo ke mò‑oo yenen é njèm, e tòʼtí e mò mo nsàv dzəə̀n á?»

Daniel 4:13

«Kù mo m néŋ fo, buúne, vinjeenjèm vi kú a shaà e mǒ si, m yén nshìylav Nyùy, a yì sə́y fo yuv. Nshìylav, a dzə̀ yee ŋgaà ŋkiy, a yì dzə̀ e ránén.