Daniel 6:8 - ŊWÀʼ NYÙY

⁸ Éè Lumnyàm, ké lèn ki, fòn ku fə̀ə́r a nsər rə̀n, e sàŋ, e dòn ji yì ku wìy gòʼ, a tiy fo ji nsər yeé Media wùn à yeé Persia, ye bó yòʼ dzə̀ yì kùvsín.

Daniel 6:8 Referans Kwoze

Daniel 6:15

Vilum vìyi kóʼtí e fòn si, e bùn ji nyàr, taàtá kì sáa ji dzə̀ nsər wìr veé Media wùn à veé Persiàa ji a fòn wày nsər, kìn wù fò a dzə̀ sáʼ, bo bó yòʼ dzə̀ á wìr kfə̀n kùvsín.

Esta 1:19

Kí nén a dzə jii, a kí lòo dzə, e ghèén fon, fòn fò sáʼ, aá sáŋ é ŋwàʼ wo nsər seé Persia wùn à seé Media si dzəə̀n shó, nsər se bó yòʼ dzə̀ wìr kùvsín. A nsər rə̀n kér fó a dzə jii, ‹Bó yòʼ dzə̀ féyì Yaà Vashti dzəə wìy tìím e fòn si. Fòn ku sù a suùn, e ghàr á wo sən wo wù kér ghvə́m, e shaà wun.›

Daniel 6:12

Áwune nèn dù, e bùn fon, a kuumé nsər ye fòn‑eè fəərin, a dzər jii, «Nyàr, fòn sà yòʼ‑oò lo fə̀ə́r nsər ji a lòo dzə e bǎm kishiíy mtaár, á yú a wìr lón kifá fo nyùy wùmòʼ, kìn fo wìr msòŋ, e shaà ji wù lón a dzə̀ fo fòn, bo á maʼ ŋgaàŋ e mbvə̀ʼ abvərə̀ʼ á?» Fòn bìnèr jii, «Nsər yee shooy kù tíy fo ji nsər yeé Media wùn à yeé Persia ye bó yòʼ dzə̀ yì kùvsín.»

Aysaya 10:1

Lòné kù dzə̀ wó atǎr saʼ ve á fəər nsər se kiloʼ si, áwune ve á fəər nsər a dzə̀ sé a nə̀ʼsì wíri shó.

Esta 8:10

Mordekay‑iì sáŋ aŋwàʼ vìn a dzə̀ e Fòn Ahasuru yir. Wù‑uù sàŋ, e fìnèr e ndzə̀ŋgwáŋ woó ntoʼ, e nèn a tum vé ntum ve á yii kóʼ nyám se ŋkoʼ seé ntoʼ se sí yii léʼ kitávín, á wáa lì aŋwàʼ vìn, a ghan sho, a jàvtì.

Esta 3:12

Á bèy, wáa dzə kishiíy nshòv sitaár e ghvə̀m fo ŋwee mbìyi, Haman ku nèn jàŋrì wír ve á yii sáŋ vinyo veé ntoʼ. Haman fəə́r sáʼ ye wù‑uù fəərin, aŋgàa saŋe ku nèn sàŋ, e tsə̀nsí e vé saʼ ve á sáʼ kitúme, e tsə̀nsí sa aàŋgàa saʼ ve á sáʼ vishév ve wòŋe, e tsə̀nsí aàtǎr laʼa. Vé‑eè lóo saŋ ŋwàʼ woó kitum, kìn dzə̀ kiné kí, kìn woó kishev ke wòŋ kiné kí, á kù sàŋ a dzə̀ e wír vee fóo làm, aá kù sáŋ bèy e Fòn Ahasuru yir, e fìnèr e ndzə̀ŋgwaŋ fòn.

Esta 8:8

Fo kén kí, vèn keʼ, a saŋ yìmòʼ yee nsər ye yì gheenen ven bìʼ wír veé Juda. Vèn lóo saŋ, á kù sàŋ e fòn yir, e fìnèr e ndzə̀ŋgwáŋ woó ntoʼ. Vèn kú a kuumé ji kinyo ke á saŋen e fòn yir, e fìnèr e ndzə̀ŋgwáŋ woó ntoʼ ki dzə̀ a bó yòʼ dzə̀ wìr kfə̀n kàr.»

Esta 8:3

Yaà Esta kfən lò, e dù ji wun‑éè súŋnín á e fòn. Wù dù, e tsə̀m ndzəə́ e fòn si, a səʼə́r mensíy, a lon fon ji wù ku keèrí a mendzən, e tèér a vinyo ve bi ve Haman woo wír woó Agag‑iì baʼtin ji á wíy yiì e wír veé Judàa.

Matio 24:35

Yúv wùn à nsay wíy mày, a jí sém sí ku wíy a tiy fo.

Daniel 5:28

Nsàv ‹Kijàv› dzə̀ á jii, á jàv a ne woŋ və́, e fò á mbìv yìmòʼ e wír veé Mediàa, e fò á yìmòʼ e wír veé Persiàa.»

Nsùyrì Nyùy 94:21

Á lo, á bàʼtí, a ròn wuú wìr ve á yúnin wò, bin nsaʼ ji á yúyrí alànjò.