Daniel 6:7 - ŊWÀʼ NYÙY

⁷ Nyàr, ver vee vitú ve saʼ, aàŋgàa saʼ ve á sáʼ vilíŋ ve kuʼkìn ví, à wír ve á sáʼ kitúme, aàtǎr saʼ ve á sáʼ ŋkà se laʼa, à vé ntiri, ver adzə̀m adzə̀m, vèr bvə̀n vighev, e yèn á ji fòn ku fò sáʼ, e wày á nsər, e sə̀ntì a jii, «E bǎm kishiíy mtaár, lá á yòʼ yù á ji wìr kì bunrì, lón a kifá fo nyùy wùmòʼ, kìn fo wìr msòŋ, e shaà ji wù lón a dzə̀ fo fòn. Yii bèy, a wìr lòo dzə, e ŋwày nsər rə̀n, bo á kù li a ŋgaàŋ, e màʼ aàbvərə̀ʼə́ mbvə̀ʼ.»

Daniel 6:7 Referans Kwoze

Nsùyrì Nyùy 59:3

Yén ri mo á lìrìn ne, a teʼ ji á yúyrí mo, a dzə̀ vintav ve wíri mo ví kaayin mo. Éè Nyùy Tàr, áwune wooy ji á yúyrí mo, mo ben là njò, a bó m yoʼ yiì kinyo ke bi kí.

Daniel 3:27

Á bèy, atǎr saʼ ve á sáʼ mbìv sé wòŋ se kuʼkìn sí wùn à vé saʼ ve á dzəə̀n aáwuné sari, à vé saʼ ve á sáʼ meliŋèn e mvə̀m wòŋe, à vé ntiri báʼtí ji á kù‑úù yén ó a wír vìn ve á ghaʼan və́y. Á leéy, e yèn, a bó və́yí yoʼ kùm ŋgay nəŋ fo wìr kitu, kìn kirə́ʼ kév, kìn ndzə̀y fo áwuné wùn. Fə̀m kirəm ke və̀y, bó kí yòʼ‑oò ló a koʼ fo wìr wùn.

Daniel 3:6

A wìr tèn ji wun yòʼ tsə́m e nsay, e ghvəm shibvə̀m shìn, bo á li ŋgaàŋ, e màʼ e kimbiirìn ke və̀y ke kí bo, gheʼèmè.› »

Daniel 3:2

Fòn Nebukadnessar tsə́nsí toóy ji atǎr saʼ ve á sáʼ mbìv sé wòŋ se kuʼkìn sí wùn à vé saʼ ve á dzəə̀n aáwuné sari wàá báʼtí. Wù toóy sá vé saʼ ve á sáʼ meliŋèn e mvə̀m wòŋ wùn à vé ntiri, à wír ve á yii lem mbàm e vitàví, e lì wír ve á yii lim e kinyò kee kùm nsər, wùn à vé saʼ adzə̀me báʼtí sá, e wìy, aá shéʼrí á shibvə̀m she wun woo Nebukadnessar tuuyin.

Nsùyrì Nyùy 62:4

Rúrú, á kù taʼ, e sèn wun fo wun ntaʼ viwìr. Á koŋ, a boʼtí vinyo e wun bàm. Á suuy fo shuù ji bòŋ a vishí və́, yii bèy, kér e meliv ji shòv á lòn wun.

Joon 12:10

Vitú ve atàá cù vi yén bey, e nèn wày wáyín ji á ku yùyrí saa Laasaror,

Maak 15:1

Ndzə bvəə́shí, e ràn, vitú ve atàá cù wùn à vé wòŋe, à wír ve vé‑eè duŋrì nsəri, à vé saʼ adzə̀me ku nèn dzə̀ʼə̀m, a sìysì mo dzə̀ á yiì e Jesus. Á nèn lò, e kùr Jesus, e dù, e yèn Payler sho.

Matio 26:4

a sìysì mo dzə̀ á yiì, e bóo nyaʼtí, e koo Jesus, e yuy.

Matio 12:14

Kí gháʼ wír veé Farasi vìy, á nèn fəə̀, e dù, a taŋ mo dzə̀ áwune ghàn, e bóo yuyrí Jesus.

Nsùyrì Nyùy 10:9

nèn téʼ e virə̀ʼ vé kilìr vi moo abvərə̀ʼ, téʼ ji sà dzə̀ á koòrí aŋgàa kitàn a. Lóo koorí, á nèn a sə̀ŋ, a dù sho moo nyám ye á koon é lálán.

Nahum 2:12

Bvərə̀ʼ‑əə̀ bóŋ kintàn kfə́, wù kètí, e sàtì e vintin vintin, e tsə̀nsí e yeè nyàm wùn à wóné. Mbvə̀ʼ‑əə̀ lo, yì rùn e vibar ve nyàm vi.

Mayka 6:5

Éè wìr vem, vèn ku kuùmé menàŋ me Fòn Balak woó Moav‑iì baan e věn bàm mè. Vèn kuúmé kinyo ke Balaam woo wan Beor‑iì bìnèrìn shó ki. Vèn kuúmé ghán yén yee lò fó Shittim, e dù e Gilgali. Mò‑oò sə́ ven bey ji vèn fiʼ kìíy mo m yii boyìr wír.»

Daniel 3:11

Yii bèy, wìr tén ji wun yòʼ tsə́m e nsay, e ghvəm shibvə̀m shìn, bo á li a ŋgaàŋ, e màʼ e kimbiirìn ke və̀y ke kí bo, gheʼèmè.

Nsùyrì Nyùy 94:20

Bó yòʼ dzə̀ à suùsín kiwó vèn aàtǎr saʼa, atǎr saʼ, ve á sə́ kòyàr, li nsər, nəʼsì wíri shó nə́ʼsin.

Nsùyrì Nyùy 2:2

Afon veé nsayi báʼti rə́r, aàtǎr wòŋe dzəʼə̀m, táŋ sáʼ Nyùy Tàr, táŋ sáʼ ŋgaà wo wù yoʼon ji fon.

Nsùyrì Nyùy 83:5

Rúrú, áwune tàr ne shuu, e yì *mensaŋ ji á kaáy wò.

Daniel 6:16

Á bèy, fòn fó sáʼ, á koó Daniel, e wìy sho, e màʼ e mbvə̀ʼ abvərə̀ʼ. Yii bèy, fòn súŋnín, e sùúy e Daniel jii, «Nyùy wò wo à ghvə́m ghán sidzə̀m kù yíi bòyìr wò.»

Nsùyrì Nyùy 59:5

Nyùy Tàr, Nyùy woo Taà Mànjòŋ, à dzə̀ Nyùy wìr veé Isray. Yìmrì kitú ké ki, e màʼ ŋgeʼ e vitúm vi vidzə̀m. Lá à yòʼ bàvtí wír ve á wooy wír vé wooyín.

Daniel 2:4

Wír ve á yén virə́ʼə́ bùn fon e Lǎm Aramayik jii, «Bvərə̀ʼ, sàŋ wo wù lo ghán sidzə̀m, fòn ku fèr a njèm rə, áàkwàn vəə́ tóʼtí á, e fò e fòn.»

Daniel 6:22

Nyàr, Nyùy wom‑ee lo tsə̀nsí a nshìylav rə, e sə̀tí a shúu abvərə̀ʼ ji fo á lémér á mo. Wù‑uu yii bey, bìʼ fo wù yenen ji bó m yòʼ kì á fo kinyò. Nyàr, éè tàr wor, m sà‑aa yií ne kintéŋ ke kinyò e fòn a?»