Daniel 6:5 - ŊWÀʼ NYÙY

⁵ Áwune dzə̀ʼə̀m, e bvə̀n vighev, a kfə̀ynìn jii, «A vèsən dzə̀ là fó koóy kinyo a dzə̀ é kiliŋ ke nsər Nyùy ye wù yúninè, bo bó á yòʼ yíi koóy kintéŋ ke kinyò kée lor wun sho.»

Daniel 6:5 Referans Kwoze

Esta 3:8

Á bèy, Haman ku nèn bùn fon, e sùúy jii, «Wír ámóʼó tàʼár a ne vitú vév, e shwìr wún á e wír fòné mvəm. Á sì á vishév ve wòŋ vidzə̀m vee fòn nsay. Nsər sév sí yòʼ fə̀m táti a sé wìr ámóʼó e fòn wòŋ, a bó áwune yòʼ yúnin a sáʼ yeé ntoʼ. Bìʼ bey, bó kfə́ə wìr vee béne yoʼ ghèén a ji fòn lem, aá wáa dzə e wun nsay.

1 Samuel 24:17

Wù kfən sùúy e Davir jii, «À yoʼ jày e mò. Wò‑oò yii kijuŋ e mò, m yií kibí e wò.

1 Samuel 29:3

Amfòómé veé Filistiàa dzə́r jii, «Viŋgà vé wìr veé Hibru vìn vi yii ka fen?» Akish bìnèr jii, «Kí dzə̀ wír Davir wo wù‑uù dzəə̀n wír wo kuʼùn Fòn Saul woó Isray, e bóo leʼ, e wìy, a dzə vèr wun. Vèr wun sì kiyá e kifá ki, a bó m yoʼ yèn jay və, e kèʼ fo ghan se wù‑uù màʼtìn Saul, e wìy, e meé lèn.»

Jeremia 29:7

Vèn wáa mùm ji ŋkàlaʼ yee fo m tsənsin ven wáa dzə a kijuŋ, a bùnrì ji Nyùy Tàr sə́ á áwune, bìʼ fo áwune yíi lòo dzə kijuŋ, bo vèn yíi a dzə sa kijuŋ.

Nsùyrì Nyùy 37:32

Wír ve á méŋ Nyùyi nyáʼti, shwéʼ ve á yúnin Nyùy. Á kù taʼ dzə́ə yée yuyrí wír Nyùy sho yuyrín.