Daniel 6:4 - ŊWÀʼ NYÙY

⁴ Vitú ve saʼ vi nèn tàtí wùn à kibér ke vé saʼ ki, e kèʼ, a shweʼ ji mo Daniel lim vinyo veé wòŋ, á sà‑áà yén kintéŋ ke kinyò sho a. Á leéy, e làa yòʼ yen, bìʼ fo Daniel‑iì dzəə̀n wir suuyrú, a wù yòʼ‑oò kér kintéŋ ke kinyò.

Daniel 6:4 Referans Kwoze

1 Pita 3:16

Lóo naàrì, vèn wàa naàrì ji weè e shilív she juŋ shi. Kinyo ke vèn yii kidzə̀m ki kú a dzə ke shilív shén shí bínsi, wíri lóo toy vinyo ve kisaŋ vi e věn bàm ji bìʼ fo vèn dzəə̀n wír Kristu, lóo yen, a vèn kù din a dzə̀ liì wo juŋ, aá wáa woomé.

Filipi 2:15

é vèn nèn a dzə e wírí si là njò, e làa yòʼ a ker nsem yìmòʼ gheéy. Vèn lóo yiì bèy, é vèn nèn a dzə wír Nyùy ŋkuuŋkùŋ, là jay e ndzə ye wíri yii joonè shó, kér melív me bi mè rə̀n. A vèn yíi a njàʼkìr e wír vee shooyí mvəm moo mejiy,

1 Pita 2:12

Vèn lóo dzə vèn à wír ve bó á yòʼ kiìn Nyùyi, vèn kù a dìn a dzə̀ liì wo juŋ. Aá fə̀m lór ven, aá kú a yen a dzə̀ vinyo vén ve ru ví, wíy lóo dzə e kishiíy ke Nyùy taʼ, e sham áwune, wù jaŋè, aá nèn màʼtì liì wov wo bi və̀y, e bìnkìr, a ghvəm a dzə̀ wun.

Ŋwàʼ Luk 20:20

Á ku nèn a tàʼ kintóʼ kímóʼ kí. Á túm aŋgàa ŋkiy ámóʼó ji á du, a wovrí a ji bó á yòʼ kér kinyo, Jesus lóo suŋnín, aá fíʼ koo kinyo fo shuù wo, e way wun e vé nsərí kiwo, aá tsə́nsí fo ŋgaà saʼ woó Rom.

Titur 2:8

Kú a fèr jí si a dzə̀ se ru sí se bó yòʼ dzə̀ wìr wàa ker kinyo kée suúy e mvəm wó, é wìr wo wù kinèn kinyo késən fíʼ woomé, e buŋ kinyo ke dzə̀ wù lòr vèsən shó.

Matio 27:18

A wù‑uù dzə́r bèy, bìʼ fo wù‑uù kiìn jii, vé wòŋe kòʼór Jesus e kibàʼ e wùn si bèn, aá gheʼ a ghèʼèn.

Jeremia 20:10

M yú, aá ghvəvrì mo mbìv sidzə̀m, virə́ʼ vidzə̀m vi sí beéme beèmén. Ŋkar sém sé tim sidzə̀m si sí suuy jii, «Á sómér wun, vèsən wáy wun e vé saʼá wo.» Á sí leey ji m bayrin, yoŋ jii, á lévtí wun, e kòóy kinyo kée màʼ wun sho, e nen siìr ŋkfə́tír.

1 Timoti 5:14

Ke m suuy ki dzə̀ jii, vikǐy ŋkfə vee wónlèé wáa tàʼ a alúm vév, a dzəə́ wón, a leéy a fo kfə́ə. Á lóo yiì bèy, é la á yòʼ dzəə fò kintóʼ, áàŋgàa vibàn vesəné wáa roòmè vèsən.

Ŋgaà Tàrvìnyò 4:4

M kfən yèn ji wíri lo, á gìsín é lìm, lo, á wày vifií ji á kiíy á kiwó ke lìm ke juŋ ki. Aá kù yii bèy, a dzə̀ bìʼ fo wìr lo, wù wàa tàʼ mbǒv ŋgaà shweèsí və ntéŋ, a lìm ji wun ku shaà wun. Kin ki kù dzə̀ sá kinyo kisáŋ, a dzə̀ moo ji wìr jum shwér ji wun koó.

Ŋgàn 29:27

Wìr wo wù yú Nyùy yòʼ yii tíy e wìr wo wù méŋ Nyùy kinyò, yii bèy, a wìr wo wù méŋ Nyùy nyaysì ké wìr wo wù yú Nyùy, nyáysin.

Atǎr Nsaʼ 14:4

Wù yòŋ bèy, la tàr wov wùn yè wov yòʼ kìíy ji kì danèr a Nyùy Tàr wun. A Nyùy Tàr‑iì taʼ a dzə̀ kintóʼ kée shaà sho, e bóo màʼ wír veé Filistia. Yì‑iì dzə̀ é ghan see shooy, a wír veé Israyi sə́ sáʼ a dzə̀ fo wír veé Filistiàa.

Kèʼlo 43:18

Mo vé‑eè liìn áwune, a dù sho e Joosev laʼ bèy, á wáa fàn, a sə̀mnìn jii, «Wù du e vèsən e wun laʼ bèn, a dzə̀ bìʼ mbàm se vé‑eè siìrìn e vèsə́n shuù se vibàm e ghan sé mbìy si. A wù yii bèy ji wun fiʼ gòv vèsən, e lì vèsən ji akwàn və́, e kfə̀n faàsì vimbèʼbìy vesən.»

2 Korin 11:12

M ku nèn a tiy a dzə̀ e kee shoon ki, fo wír ve á suuy vitú ji áwune dzə̀ aŋgàa ntum Kristùu maysi, a saà wún ji á lim réŋréŋ moo mo woo Por.

Joon 19:4

Payler nèn siì yiì fəə̀, e sùúy e wíri jii, «Vèn yuúrí, m sí fəər wír və̀y lèn, e koʼór e věn si fó dìn ji bó m yoʼ yèn njò ye wù gbuùn.»

Ŋwàʼ Luk 22:2

Vitú ve atàá cù wùn à wír ve vé‑eè duŋrì nsər Nyùyi nèn a shweʼ mo dzə̀ á ghàn, e bóo yuyrí Jesus, a wooné woonén, bìʼ fo vé‑eè fan wíri.

Matio 26:4

a sìysì mo dzə̀ á yiì, e bóo nyaʼtí, e koo Jesus, e yuy.

Daniel 3:8

Wáa dzə e ghan see shooy, wír veé Babilon ámóʼó fəə́sín e fòn si, a roòmè wónlě nsùm veé Juda vee aŋgàa ŋgoo Daniel.

Jeremia 18:23

Éè Nyùy Tàr, à kì menàŋ me áwune kár e mǒ bàm ji á yúyrí mo. Lá à yòʼ làysìn ajay vév. Lá à yòʼ màʼày vinyo vév ve bi ví. Ku yiì, áàŋgàa vibàné ton áwune. Ku nə̀ʼsì áwune é ghan se dòʼshwiiy wò koʼon.

Jeremia 18:18

Wíri nèn lò yòŋ jii, «Vèsən báʼtí, e yèn ó ji á sà‑áà yée e Jeremia a? Bó atàá cù ve á yéʼey vèsəné yòʼ wíy buŋ, a bó akiíy vé a naàrì vèsəné yòʼ wíy a buŋ, a bó aŋgàa ntum Nyùy vé a tiisí ntum rəə́ yòʼ wíy buŋ sa. Vèsən bá menàŋ, e bìvír wun sho, e làa yòʼ dzə́ə a yuurí kinyo kfə́.»

1 Samuel 22:14

Ahimelek bìnèr jii, «Bó wìr woo jwáʼ fo wír fòne yòʼ sà kù dzə̀ Davir a? Bó wù yòʼ sà dzə̀ sə́ woó ntoʼ a? Kí kér wun wír ve á shiy fon, a wìr dzə̀m woó ntoʼàn ghvə́m wun.

1 Samuel 18:14

A virə́ʼ vidzə̀m ve wù‑uù maʼ rə́r fó, wù kù‑uù ton tònèn, bìʼ fo Nyùy Tàr‑iì dzəə̀n wùn wun.

Ŋwàʼ Luk 20:26

Áwune yú, kí gháʼ, á nèn gòʼ kisə́sə, e làa yòʼ dzə́ə koóy kinyo ke dzə̀ á gòv wun sho fo vinyò ve wù‑uù fiʼtì.

Jeremia 29:7

Vèn wáa mùm ji ŋkàlaʼ yee fo m tsənsin ven wáa dzə a kijuŋ, a bùnrì ji Nyùy Tàr sə́ á áwune, bìʼ fo áwune yíi lòo dzə kijuŋ, bo vèn yíi a dzə sa kijuŋ.

Daniel 6:22

Nyàr, Nyùy wom‑ee lo tsə̀nsí a nshìylav rə, e sə̀tí a shúu abvərə̀ʼ ji fo á lémér á mo. Wù‑uu yii bey, bìʼ fo wù yenen ji bó m yòʼ kì á fo kinyò. Nyàr, éè tàr wor, m sà‑aa yií ne kintéŋ ke kinyò e fòn a?»

Kèʼlo 41:38

Wù gháy wùn à və́ vé lìme jii, «A dzə̀ vèsən kfə̀n yèn a dzə̀ la e shaà və̀n woo wír, wo kiyoy ke Nyùy ki dzəə̀n wùn wun?»

1 Samuel 12:4

Áwune bìnèr jii, «À yòʼ‑oò lo bòʼ wír, à yòʼ‑oò ló a nə̀ʼsì ver, aà yòʼ‑oò lo sə̀ kòyàr fo wìr kiwo.»

Daniel 5:12

Daniel wo fòn‑eè shuùn yír ji Belteshasar və̀n‑eè kér a vifií vee jeéy ví, a wù‑uù kì kfə́ á móo toʼtí njèm e ŋàŋ, tóʼti a, à ŋgàn si shó, kfə̀n sar a vinyo veé kilìtì. Bo dzə̀ á ji fòn ku tòóy a Daniel, wù wiyì, é wù naari á e ntoʼ mo nsàv nsáŋtí waà dzəə̀n.»