Daniel 6:3 - ŊWÀʼ NYÙY

³ Á ku nèn yèn ji Daniel dzə̀ á wír, a wù yii lim ye juŋe, e shaà atǎr saʼ ve kuʼkìn ámóʼó, à kibér ke vé saʼ ki kidzə̀m. Mo kiwó kfə́ ké lìm ki kù‑uù dzəə̀n jeéy, fòn nèn wày ji wun kù‑úù yiì lèm wun a ji kitú ke vé saʼ vee wun kitum.

Daniel 6:3 Referans Kwoze

Daniel 5:14

M dzə̀ a m yú leŋ wó ji à kér a kiyoy ke anyùy ve á dzəə̀n aránén, aà fìír a e ŋàŋ, e kfə̀n a kiíy jeéyjeéy fó vinyò, a vifií vee jeéy ví kùʼ a e wò kitu.

Ŋgàn 22:29

À yén wír wo wù kiìn lim rə́ á? Wù wíy a lìm a dzə̀ fo afone, wù yòʼ wíy a lìm fo wír vee víyi.

Daniel 5:12

Daniel wo fòn‑eè shuùn yír ji Belteshasar və̀n‑eè kér a vifií vee jeéy ví, a wù‑uù kì kfə́ á móo toʼtí njèm e ŋàŋ, tóʼti a, à ŋgàn si shó, kfə̀n sar a vinyo veé kilìtì. Bo dzə̀ á ji fòn ku tòóy a Daniel, wù wiyì, é wù naari á e ntoʼ mo nsàv nsáŋtí waà dzəə̀n.»

Esta 10:3

Mordekay woo wír woó Juda‑aà dzə̀ kitú ke atǎr ntoʼ Fòn Ahasuru, a wír və́ veé Judàa‑aà koŋ wun e ŋàŋ. Áwune‑eè ghvə́m wun wir dzə̀m, bìʼ fo wù‑uù fùnèn féyì kitávín ji áwune wáa ker a dzəʼə̀m a dzə̀ ye juŋe, é ŋgwàʼ sév sí wáa dzə là kinyo ké a fàn.

Daniel 9:23

À kì kèʼ, e lòo lon vifá ve à kì lón e mvə̀m bùnrì, Nyùy nen kù tsə̀nsí binèr, a m wìy ne ji m naari e wò, bìʼ fo Nyùy kòŋèn wò e ŋàŋ. Yuúrí binèr ye Nyùy fooné kijuŋ, a mùm ji à kiíy á jeéyjeéy fó vinyò ve Nyùy ghemen ndzə, e dìn e wò.

Ŋgàn 17:27

Wìr wo wù súŋnin, sə́ʼəmè dzə̀ fií, a wìr wo wù lo ji weè dzə̀ kiíy.

Ŋgaà Tàrvìnyò 2:13

M káʼáy, e yèn jii, vifií ví bòŋ, e shaà kiyúŋsì, réŋréŋ mo ráné bòŋèn, e shaà ndzə ye sənér.

Nehemia 7:2

M nèn lèm fə́r wom woo Hanani wùn Hananiya ji á wáa saʼ a Jerusalem. Hananiya‑aà dzə̀ wír wo wù‑uù leey kikum keé ŋkàlaʼ Jerusalem, a wù‑uù dzə̀ wir suuyrú, kfə̀n ghvə́m Nyùy, a bó wìr woo moo wun yòʼ‑oò dzə̀.

Daniel 5:7

Fòn nèn tòŋ kitávín ji á ku wìy a e vé fù ve á yii tóʼti njème wùn aàŋgàa ŋgàŋe, à vé səme adzə̀m, e lì wir dzə̀m wo wù yén virə́ʼ é Babilon. Á wìy, fòn nèn yòŋ e vé si vìyi jii, «A wìr lòo dzə̀, e yòŋ nsáŋtí wo wù dzəə̀n é wǔn ntoʼ, e tòʼtí nsàv, bo wun buʼ ŋgaàŋ e ndzə̀ynjav, e way ŋwey vifa ye á fèrìn e kisha ke mbàm ke baar kí e ŋgaàŋ kilòŋ, e lèm wun ji taà ntoʼ wo ghay vəə́‑əə̀ tóm wó taà ntoʼ woo kitú.»

Esra 4:22

Vèn wáa yen fóo lì kinyo kìn fo tèr. A dzə̀ á yèe, e bóo màʼtì ji ŋgeʼ si wiy, é sáʼ yémé bvəə́rí.»