Daniel 6:2 - ŊWÀʼ NYÙY

² Wù kfən shòʼtí sa vitú ve saʼ vitaár ve á wáa kàʼày lím vé saʼ vìn. Á lóo kàʼày, é la wun woo fon yòʼ dzə́ə a fàn ji a dzə̀ kinshwìv ki waà nə̀ə́. Á bèy, a Daniel‑iì dzə̀ woo mòʼón.

Daniel 6:2 Referans Kwoze

Daniel 5:29

Á bèy, Belshasar nèn kù fò sáʼ e ghan see shó, á máʼ ndzə̀ynjav e Daniel wùn, e way ŋwéy vifa ye á fèrìn e kisha ke mbàm ke baar kí e wùn kilòŋ, e fò sáʼ kùm wun ji wù kù sì á taà ntoʼ wo ghay vəə́ tóm wó taà ntoʼ woo kitú.

Daniel 5:16

M yù ne leŋ wó ji a dzə̀ à tòʼtí á njèm, e kfə̀n naàrì vinyo veé kilìtì. Ké lèn ki, aà lòo dzə, e yòŋ nsáŋtí wo á saŋen é wǔn ntoʼ və̀n, e tòʼtí nsàv e mò, bo á yíi màʼ ndzə̀ynjav e wò wùn, e way ŋwéy vifa ye á fèrìn e kishà ke mbàm ke baar kí e wò kilòŋ, e dzə̀ʼə̀r wò ji taà saʼ wo ghay vəə́ tóm wó taà ntoʼ woo kitú.»

Esta 7:4

Nyàr, wìr wùmòʼ fiìnè a ne vèr à wír vémé ji á seérí, e yùyrí, aá may á fo wòŋ. A dzə̀ ji vé‑eè fiìnè ver cáʼcáʼ ji akwàn, bo m kì sə̀tí á shuu wóm, e làa yòʼ a shaʼnín. Bo ŋgeʼ se vèr‑iì yíi a yen si yòʼ‑oò yíi a dzə a se a dzə̀ á wàa mbaà a fon, a jivír wun sho.»

Esra 4:22

Vèn wáa yen fóo lì kinyo kìn fo tèr. A dzə̀ á yèe, e bóo màʼtì ji ŋgeʼ si wiy, é sáʼ yémé bvəə́rí.»

1 Korin 4:2

Kinyo ke kí dzəə̀n é shií kí nén a dzə jii, wìr wo wù leey fo wìr kifa kú a yiì a dzə̀ á mo ŋgaà kifa suuyì.

Ŋwàʼ Luk 16:2

Wù nèn jàŋ ŋgaà lìm və̀y, e dzə̀r shó jii, ‹Ke m yú ji à yii bèy ki dzə̀ ka? Ku bàʼtí aŋwàʼ ve à sáŋ kéŋ yém shóo, e wìy, e siìr. À yòʼ dzəə́ wìy a leéy fo mǒ vifa.›

Matio 18:23

«M suuy bèn, bìʼ fo kinyo ke saʼ Nyùy ki dzəə̀n moo ké fòn wùmòʼ wo wù‑uù taʼ ji və́ vé lìme siir mbàm sə́ se sí‑iì dzəə̀n aáwune.

Ŋgàn 26:6

Aà tùm kiyúŋ, bo ntum yè nò ndzəʼ.

Ŋgàn 3:16

Vifií ví fó dzəʼə̀m e wìr a dzə̀ ye dáa, buʼ wun e vikuʼùy ví wùn à ghvə́me.

1 Samuel 2:30

Yú ke Nyùy Tàr, Nyùy wìr veé Isray suuy e wò ki. Mò‑oò lo kàʼ rú ji kfə́ə yée wíy a lìm fo mò ghán sidzə̀m ji atàá cù mo rám yée wíy a dzə. Yii bèy, yú ke Nyùy Tàr suuy lèn ki. Bó kí yòʼ dzəə́ yìi koóy bèy. M sí yiì a nàn wír ve á ghvə́m mo, a sèn wír ve á ŋwáy mo.

Daniel 5:7

Fòn nèn tòŋ kitávín ji á ku wìy a e vé fù ve á yii tóʼti njème wùn aàŋgàa ŋgàŋe, à vé səme adzə̀m, e lì wir dzə̀m wo wù yén virə́ʼ é Babilon. Á wìy, fòn nèn yòŋ e vé si vìyi jii, «A wìr lòo dzə̀, e yòŋ nsáŋtí wo wù dzəə̀n é wǔn ntoʼ, e tòʼtí nsàv, bo wun buʼ ŋgaàŋ e ndzə̀ynjav, e way ŋwey vifa ye á fèrìn e kisha ke mbàm ke baar kí e ŋgaàŋ kilòŋ, e lèm wun ji taà ntoʼ wo ghay vəə́‑əə̀ tóm wó taà ntoʼ woo kitú.»

Daniel 6:1

Mo Darius kèʼèn a saʼ vifon, e nèn wìy lò, e yèn ji bòŋ a ke wun tóʼtí woŋ wo wun sáʼ və̀n vilíŋ ve kuʼkìn ví kishóv mbaà é wiì, e lèm atǎr saʼ, aá wáa saʼ vilíŋ vìn vidzə̀m.