Daniel 6:16 - ŊWÀʼ NYÙY

¹⁶ Á bèy, fòn fó sáʼ, á koó Daniel, e wìy sho, e màʼ e mbvə̀ʼ abvərə̀ʼ. Yii bèy, fòn súŋnín, e sùúy e Daniel jii, «Nyùy wò wo à ghvə́m ghán sidzə̀m kù yíi bòyìr wò.»

Daniel 6:16 Referans Kwoze

Ŋwàʼ Jov 5:19

Nyùy yíi a kìŋsìn wò fo ŋgeʼ akàŋ akàŋ, a sí fə̀m gìm wò e le, bo bó kifá ki yòʼ yíi sə̀ʼ wò.

Daniel 3:28

Fòn nèn sùúy jii, «Búríi wáa dzə fo Nyùy wo Shadrak, wùn à Meshak, à Abednego ghvə́mé. Wù‑uù tsə̀nsí nshìylav rə, yì wíy, e bòyìr vé lìm və́ ve á yeʼtin a dzə̀ e wun wùn, e tèn fóo yunín nsər yem, e fò vitú vév ji bòŋ aá nyavri aáwune, e shaà fo áwune ghvə́m nyùy wùmòʼ, e shaà Nyùy wov.

Aysaya 43:2

A vinyo vi lò, a sùm ven mo rùn ndzə́v, e mèé e wìr kilòŋ, bo m kù yíi a dzə vèsən, a kìŋsìn ven. Vèn lóo tosín e mvə̀m ndzə̀v, bo bó m yòʼ yíi biimé, é yí gháʼ ven. Ŋgeʼ si lóo bav ven, kù mo báv və́y wír, bo bó yòʼ dzə̀ və́y ŋgeʼ və̀ne tòn ven, a bó yòʼ dzə̀ kiliímé ki kùm ven.

2 Samuel 3:39

Wúné seèmè ne mo lán mo m fə̀m dzəə̀n fon wo yoʼon Nyùy. Wón Tsəruyia vìne sí táv, gháʼ mo. Nyùy Tàr ku làʼ ŋgaà yiì ye bií mo yii rəə́ dzəə̀n.»

Daniel 3:17

Nyàr, a fèn dzə̀ ji á mo kí dzəə̀n, bo Nyùy wor wo vèr ghvə́mé kér vitaáví ve dzə̀ wù fə̀ə́r á ver fó kimbiirìn ke və̀y ke kí bo kìn, a wù kù yíi bòyìr a ver fo fòn wo.

Daniel 6:20

Wù mày fo, a toŋ kitávín, a nàn jí e nyárí wùn, a suŋnín e Daniel, a dzər sho jii, «Daniel woo kwǎn Nyùy wo wù gòʼòn kàŋ mòʼón, Nyùy wò wo à ghvə́m ghán sidzə̀m, wù dzə̀ a wù bóyír wò fo abvərə̀ʼə́ shuù a?»

Lim Aŋgàa Ntum 25:11

A m ben shòʼór nsər, e kfə̀n jày ye dzə̀ á yùyrí mo, é la m yòʼ a tun fó kpu. Yii bey, a bèn dzə̀ ji vinyo ve á tóy mo shó vìn vi dzə̀ kisáŋ, bo bó yòʼ dzə̀ à fò mo e wír veé Juda vìne. M kù li nsaʼ yem fó mbìy fo Fòn woó Rom.»

Ŋgàn 29:25

À lóo fàn wíri, bo à yíi lò, e lì e kitam. Yii bèy, wìr tiir a dzə̀ Nyùy fo mbìy, bo wù yíi a kìŋsìn wun.

Ŋwàʼ woó Rom 13:3

A dzə̀ mo dzə̀ kí kù a dzə bèy, é wìr wo wù bívir nsər fíʼ a fàn ŋgaà nsər. A bó yòʼ dzə̀ wír wo wù lem nsər wù kfə̀n a fàn. Kí nén a dzə jii, a wìr taʼ ji lá wun yòʼ a ghan, a fàn, wù wàa lèm a nsər, é wùn à woŋe nèn a dzə kijuŋ.

Daniel 6:7

Nyàr, ver vee vitú ve saʼ, aàŋgàa saʼ ve á sáʼ vilíŋ ve kuʼkìn ví, à wír ve á sáʼ kitúme, aàtǎr saʼ ve á sáʼ ŋkà se laʼa, à vé ntiri, ver adzə̀m adzə̀m, vèr bvə̀n vighev, e yèn á ji fòn ku fò sáʼ, e wày á nsər, e sə̀ntì a jii, «E bǎm kishiíy mtaár, lá á yòʼ yù á ji wìr kì bunrì, lón a kifá fo nyùy wùmòʼ, kìn fo wìr msòŋ, e shaà ji wù lón a dzə̀ fo fòn. Yii bèy, a wìr lòo dzə, e ŋwày nsər rə̀n, bo á kù li a ŋgaàŋ, e màʼ aàbvərə̀ʼə́ mbvə̀ʼ.»

Daniel 3:15

Kí nén a dzə̀ jii, vèn dzəə́ yìi yu sóŋ, e yu loŋ, e yu lúŋ, à yé nshìí, e lì yé mbàytìi, é vifá vìn vi laŋsin, é kiléŋléŋ kí wáa koʼ. Vèn kù yòʼ yíi yu, a dzə kibáʼtín fóo tsəm, a ghvəm shibvə̀m she mò‑oò fèrìn á? Yii bèy, a vèn tèn, bo á kù‑úù li ven é nsənnsən, e màʼ e kimbiirìn ke və̀y fo və́yí bo, gheʼèmè, é m yén ó nyùy woo shó wo wù yíi fəə́r ven fó fo.»

Jeremia 38:5

Fòn nèn bìnèr jii, «Wù sì e věn kiwo, bó yòʼ dzə̀ m kàr kinyo kén.»

Jeremia 26:14

Yii bèy, fo kém kí, m dzə̀ e věn mbvə̀ʼ kiwo, a dzə̀ kù kìíy ven kinyo ke vèn lo, e yiì e mò, kìn dzə̀ ke juŋ ki, kìn ke bi kí.

Lim Aŋgàa Ntum 25:9

Fetur nèn a tàʼ, e sheʼér wír veé Juda, e dzə̀r e Por jii, «A dzə̀ à dù é Jerusalem, é m sáʼ nsaʼ yè fo a?»

Lim Aŋgàa Ntum 24:27

Kù bey, kù bey, viyá vi shaà vibaà. Á lòo dzə̀ʼə̀r Pokur Fetur e Feliy ntaʼ, Feliy wáa tàʼ ji wun sə́ʼnín wír veé Juda, e nèn màʼtì Por e sháŋ.

2 Korin 1:10

Wù‑uù lo fə̀ə́r ver fó ŋgeʼ ye tavín fen, a wù kù kfə̀n wíy fəə́r. Vèr ku nèn a way vifií a dzə̀ e wun wùn, a kiíy jii, a vèn fen tàtí, a bùnrì fo vèr, bo wù kù kfə̀n wíy sə a ver. Vèn lóo bùnrì bèy, é kí nèn wìy a dzə jii, mo vèn lón fo Nyùy wír anín bìʼ ver, wù wíy sə ver, aá nèn a sheʼrí wun sa anín, a beèrì wun.

Aysaya 41:10

Lá vèn yòʼ a fàn, m dzə̀ vèsən. Lá kindzə́m kí yòʼ a gwàr ven, m dzə̀ Nyùy won. M kù wíy a fo ven vitaáví, a sə ven. M wíy a kìŋsìn ven e vitaáví vém ve ghaʼán ví.

Jeremia 38:6

Á bèy, áwune nèn lì Jeremia, e dù, e wày é mbǐʼ mendzə̀v wo buʼùn wúmóʼó, a yì‑iì dzə̀ wó wàn ntoʼ woo Malkia, a wú dzə̀ é kibùʼ ke nsheèlav. Vé‑eè sə̀yír Jeremia aàkfə̀ə́, a bó mendzə́v mè yòʼ‑oò dzə̀ə́ e mbìʼ fen, yì‑iì sì kishaʼàr shó. Jeremia nèn sə̀y e nə̀ə́ e kishàʼàr.

Jeremia 39:17

Yii bèy, a m wíy kìŋsìn wò e kishiíy fóo fèy, áà luŋ, a bó wìr yòʼ wíy way wò e wír ve à fan vìyí kiwo. Suuy mo woo Nyùy Tàr.