Daniel 6:10 - ŊWÀʼ NYÙY

¹⁰ Daniel yú ji fòn dòn a ne nsər yee shooy, e nèn kfə̀n e wun lav, e kòʼ, e nə̀ə́ e wun mvə̀m lav ye yì‑iì dzəə̀n é ŋkèʼ lav yee fó yuv, aàwundùu tíynin fo arə́, kiʼ Jerusalem. Wù nèn tsə̀m fó nsay, a bùnrì, a beèrì Nyùy və, kù mo wù yii yii akàŋ ataár ataár e kishiíy.

Daniel 6:10 Referans Kwoze

Nsùyrì Nyùy 55:17

M fiʼtì ŋgeʼ sém e wun, diyì. M fiʼtì kijàvndzə, fiʼtì e shùy, fiʼtì vitsə́ʼə́, a wù kù yíi yu tóŋ yém, e sə mo.

Lim Aŋgàa Ntum 5:29

Pita wùn aàŋgàa ntum Jesuse nèn bìnèr adzə̀m jii, «Vèr kér fó a yu a dzə̀ kinyo ke Nyùy, e shaà ké wìr.

Nsùyrì Nyùy 95:6

Vèn wiy, é vèsən gvə́ʼtí, a sùyrì Nyùy Tàr. Vèsən tsə́m ndzəə́ e wun si. Wù dzə̀ Ŋgaà Mbom wòsən.

Hibru 13:15

Vèsən ku nèn a tiy e Jesus wùn ghán sidzə̀m, a burí Nyùy, é wáa dzə cu ye wír ve á yoŋ yír rəə́ cu wun sho.

Filipi 4:6

Lá vèn yòʼ a yaŋyáŋ bìʼ kinyo kímóʼ kí gheéy. Vèn kú a bùnrì a dzə̀ Nyùy, a neèr vinyo ve ví gháʼ ven ví e wùn si. Lóo bùnrì, á wàa beèrì sa wun fo vinyò ve wù rə́si yii e vèn.

Nsùyrì Nyùy 34:1

M yíi a beèrì Nyùy Tàr ghán sidzə̀m. Búrí rəə́ kú a dzə e mǒ shuù, e dù, e jòʼsì.

Nsùyrì Nyùy 5:7

A m dzə̀ kém, a dzə̀ m wàa nəə́ e wò lav cù, bìʼ koŋ ye à kér fo mò é ŋàŋ. M wíy a sùyrì wò e wò lav ye ranén, a gvəʼtí e wò si, a ghvəm wò fo.

Lim Aŋgàa Ntum 9:40

Pita fəə́r áwune fó ndzə adzə̀m, e sìíy, e tsə̀m fó nsay, a bùnrì. Wù yiì lò, e bìnkìr, e lèéy dzə́n wiíy və̀y, e yòŋ jii, «Tabita, lò é yuv.» Wù ku nèn mvə̀ʼ sí, e yèn Pita, e nànèn, e dzə̀ʼə̀m e kikun.

Jona 2:4

M wáa kwàʼtì jii, à jùm ne a mo fo wò si. Yii bèy, m biímé ji m kù dzəə́ wìy shov a ŋgày yè cù ye ranén é si.

1 Afòn 8:54

Fòn Solomon màysì bunrì, e màysì lón ye wù‑uù lón Nyùy Tàr, e nèn nànèn e mbìy kiy cù fo wù‑uù tsəmen, e nàn wó, yí wáa kìʼ yúv.

1 Afòn 8:44

«Aà yòŋ ji wír vée du, e nə̀ə́ aŋgàa vibàn vév e rə́r sí, a fə̀m dzə̀ feé, áwune wáa lon wò woo Nyùy Tàr, a lon bèy, a kìʼ ŋkàlaʼ rə̀n, ye à shoʼon, e kfə̀n a kiʼ lav rə̀n, lav ye m bomen ji ye,

Efesor 3:14

M nen kfə̀n a màysì ke m kì gaʼan jii, mo Nyùy liìn ne ven sá ji və́ vee wír, m nén a tsəm e wun woo Tàr wòsə́n si, a bùnrì fo vèn.

Lim Aŋgàa Ntum 10:9

Áwune bvəə́shí, e dù, a meé e mvə̀mlaʼ foo fèy, a sì e ntìntìn shùy, a Pita kì kòʼ é kitu ke lav, aá náŋsín moo nsaàlav, a bùnrì fo.

Daniel 6:13

Á bèy, áwune bùn fon, e sùúy sho jii, «Daniel və̀y, woo wír woó Juda, wo vé‑eè koon é shùu rər yòʼ yén a fon ji kifá, a bó wù yòʼ ghvə́m a saa nsər ye fòn‑ee dònèn. Wù kù dzəə́ bunrì a akàŋ ataár e kishiíy.»

Hibru 4:16

Mo wù siìn wùn Nyùy bìʼ vèsən, a dzə̀ vèsən wàa wàrkìr lèn, a koʼtí e Nyùy si fo wù dzə́ e wùn kàvàʼ, kóyti vèsən. Vèsən kóʼti bèy, é wù wáa sham vèsən. Kinyo ki lóo ghaʼ vèsən, é wù ku nèn a sə vèsən.

1 Afòn 8:38

wìr lo, a bùnrì, kìn lò wir dzə̀m, a bùnrì, a lon wò shilív sə́ shidzə̀m, a nàsì wó, a kìʼ lav rə̀n sho,

Ŋgaà Yen 2:10

Vèn wáa kiíy ji ŋgeʼ símóʼ sí kù dzəə́ yiì a koóy a ven. Yii bèy, sí lóo koóy, lá vèn yòʼ a fàn. Satan sí yiì a mùm ven, aá wáa koorí wír ámóʼó fo věn mvəm, a way e sháŋ. A vèn wíy yen ŋgeʼ see shooy bèy, e meé kishiíy e ghvə̀m. M nén a tir ven jii, vèn kú a yu a dzə̀ fo mò, a fə̀m dzə̀ kpú, é m wìy nə̀ŋsí ven e dzəʼə̀m yee là mayi.

Kolosia 3:17

Vèn lóo yiì vinyo ve vèn yii vidzə̀m, kìn dzə̀ ve vèn suuy suùyín, vèn kù a yiì e Tàr wòsən Jesus Kristu yir, a beè wun, a beèrì Nyùy woo Tàr wov wo wù tatin vèn áwune.

Filipi 1:20

Kinyo ke m taʼ feyì, e way vifií shó cáʼ ki dzə̀ ji lá kí yòʼ kòóy a ji m yii kinyo ke kí wáa fo mo woómé. M kú a kur shilív, a tiy kitávín ghán sidzə̀m, bo taaka lèn və̀n, kìn dzə̀ ji á yúyri mo, kìn m goʼ e tin, é kinyo ke m yii kidzə̀m ki wáa meér yír a dzə̀ yé Kristu.

Lim Aŋgàa Ntum 20:36

Por súŋnín, e màysì, wùn áwune nèn tsə̀m fó nsay adzə̀m, a bùnrì.

Nehemia 6:11

M nèn bìnèr jii, «A dzə̀ rú wír moo mo ben, wù wàa leʼ a? A dzə̀ wír moo mo ben, wù wàa dù e lav Nyùy ji wun luŋer kitú kfə́ à? Bó m yòʼ du.»

2 Wòŋ 6:38

aá tóŋ bèy, kiʼ nsay rə̀n ye wò‑oò foon áàtàr véví, kfə̀n kiʼ ŋkàlaʼ ye wò‑oò shoʼon, à lav ye m bàʼrìn ji á wáa cù wò fo rə̀n, aáwune fen kùvsín rú kwaʼtì yév e dzə̀m, à shilív shév shí shidzə̀m, e wòŋ vikwàn fóo fèy,

Ŋgaà Yen 2:13

M kì fo vèn dzə́. Vèn dzə́ a dzə̀ fo ntoʼ Satan dzəə̀n. Yii bèy, a m kì ji vèn kù kì fon won a dzə̀ á mo və̀n, a bó vèn yòʼ‑oò yiì ne mèŋ mo gheéy. Fə̀m‑eè dzə̀ é ghan se vé‑eè yuyrin Antipar e vèn à Satan kirə̀ʼ fóo fèy, bìʼ fo wù‑uù fiʼtì kinyo kém shilív shimòʼón, vèn yòʼ‑oò lo fàn, e lèʼ mo gheéy.

Filipi 1:14

A sháŋ wo m lim və̀n kfə̀n yiì ne sa, afə́r vesəné máysí, e wày gháŋ e Tàr wòsən Jesus wùn anín, a fìʼtì kinyo kfə́ lèn feyì, là fan.

Lim Aŋgàa Ntum 21:5

Kishiíy kér ké lò ki gheén, vèr nèn lì dzə́ə, a dù ghán yér. Wùn à vikìy, à wóné tsəə́né ver adzə̀m, e fəə̀sín mvəmlaʼ. Vèr áwune meé é shùu rìbà ndzə̀v, e tsə̀m fó nsay, e bùnrì, e shàʼnìn.

Lim Aŋgàa Ntum 20:24

Yii bèy, a bó m yòʼ yén kitú kém, a kí mee e kifa, e shaà ji m maysi lim ye Tàr wòsən Jesus‑eè wayin e mǒ kiwo ji m wáa fìʼtì sáʼka Nyùy wo juŋ, a naàrì mo wù bùʼùn wíri.

Lim Aŋgàa Ntum 7:60

Wù nèn lò, e tsə̀m fó nsay, e tòŋ kitávín jii, «Tàr, lá à yòʼ a leéy kinyo ke bi ke wír vìne yii kìn.» Wù rəə́mé bey, e nèn kònsí, e kpù,

Lim Aŋgàa Ntum 5:20

«Vèn du é lav cù, a fìʼtì dzəʼə̀m ye fíy rə̀ne e wíri.»

Lim Aŋgàa Ntum 4:29

Tàr, ku yèn ri mo wír vìne bémer ver. Ku yiì, é ver vee aŋgàa lìm vée wáa fìʼtì kinyo ké là fan.

Lim Aŋgàa Ntum 3:1

Wìy lòo dzə e kishiíy kímóʼ kí moo shúy sitaár bèy, a sì ghán sé bùnrì, Pita wùn Joon wáa koʼ e lav cù.

Lim Aŋgàa Ntum 2:15

Mo dzə̀ə́ lèn shúy bvə̀ʼə̀ kijàvndzə, bó wír vìne yóʼ ne nò kifá, mo vèn kwaʼtì.

Ŋwàʼ Luk 22:41

Wù suúy bey, e kòʼtí shintàm mo dzə̀ wìr màʼ tíy, yí dù, e mèé, e nèn tsə̀m fó nsay, a bùnrì jii,

Ŋwàʼ Luk 14:26

«Bó yòʼ dzə̀ wìr wìy nə̀ə́ e mǒ ŋgoo, a bó wù yòʼ koŋ mo, e shaà tàr wov wùn yè wov, kfə̀n koŋ mo, e shaà wiíy və wùn à wóné, aàfə́r vəə́. A wù kfə̀n kér fó a kòŋ sa mo, e shaà mo wù koŋ kitú kfə́.

Nsùyrì Nyùy 86:3

Éè Nyùy Tàr, à dzə̀ Nyùy wom, ku shàm mendzən mem mè, bìʼ fo m kù yii tóŋ a dzə̀ e wò ghán sidzə̀m.

Esra 9:5

Ghán sé cù yee ŋkuùr si gheén, m nèn lò e yuv fo m kì diyì, a vikúm vém vee fó mvəm wùn à vee fó ndzə vi kù dzə̀ə́ ve saasìn ví. M lò bèy, e tsə̀m ndzəə́ fo nsay, e nàn wó yém e Nyùy Tàr woo Nyùy wóm si,

2 Wòŋ 6:13

Wun woo Fòn Solomon‑eè ghàn ne fèr kitaàtì e kisha kee *brons ki, e tìír e ntìntìn maàndzə. Kí‑iì dzə̀ kóy e ntàm se kiwo si sibaà fó medà wùn à fó mbvə̀ʼ, a vida vee kóʼ é yuv ví dzə̀ é mbuù ntàm se kiwo sibaà fó koy. Wù nèn kòʼ é kitaàtì fèn, e tsə̀m ndzəə́ e màŋgòŋ e dzə̀m woó Isray si, e kù nàn wó rə́, yí wáa kìʼ yúv,

1 Afòn 8:30

Ŋgaà lìm wò lóo lon wò, kìn lón wír veé Isray, lóo kìʼ lav rə̀n, à kù yù bunrì yév. Kú a yu e wòŋ woó yuv fo à dzə́. À yú bèy, à kù nèn làysìn ajay vév.

Daniel 9:4

M ku nèn a bùnrì Nyùy Tàr woo Nyùy wom, a tunrí ajay wìr vém, a yòŋ sho jii: «Éè Nyùy Tàr, à dzə̀ Nyùy, aà shaà vitaáví, a vèr ghvə́m wò. À kù yii tíy e *mensàŋ me wò‑oò gwàrìn vèn à wír vée, din koŋ yé e wír ve á koŋ wò, kfə̀n yúnin nsər sé.

Maak 3:3

Jesus nèn sùúy e wìr wo kiwó ki‑iì kpuun və̀y jii, «Lò é yuv, e kòʼtí fo mbìy.»