Daniel 6:1 - ŊWÀʼ NYÙY

¹ Mo Darius kèʼèn a saʼ vifon, e nèn wìy lò, e yèn ji bòŋ a ke wun tóʼtí woŋ wo wun sáʼ və̀n vilíŋ ve kuʼkìn ví kishóv mbaà é wiì, e lèm atǎr saʼ, aá wáa saʼ vilíŋ vìn vidzə̀m.

Daniel 6:1 Referans Kwoze

Daniel 5:31

Darius woo wír woó Media nèn faàsì vifon, a saʼ, a wù‑uù dzə̀ kiyá nshòv sibaà e mntuùfú e ghan see shooy.

Esta 1:1

Yì‑iì dzə̀ é ghan se Ahasuru‑uù dzəə̀n fon woó Persia, wù‑uù sáʼ woŋ, a wú kéʼ fó India, e dù, e mày e Etiopia. Vishév ve wòŋ və̀n vi‑iì dzə̀ nshòv saàmbà e mbaà é wiì (127).

1 Pita 2:14

kìn visher və́ ve wù lèmèn ji á wáa saʼ woŋ, a màʼ ŋgeʼ e vé jayi, a sheʼrí wír ve á yii réŋ.

Daniel 3:2

Fòn Nebukadnessar tsə́nsí toóy ji atǎr saʼ ve á sáʼ mbìv sé wòŋ se kuʼkìn sí wùn à vé saʼ ve á dzəə̀n aáwuné sari wàá báʼtí. Wù toóy sá vé saʼ ve á sáʼ meliŋèn e mvə̀m wòŋ wùn à vé ntiri, à wír ve á yii lem mbàm e vitàví, e lì wír ve á yii lim e kinyò kee kùm nsər, wùn à vé saʼ adzə̀me báʼtí sá, e wìy, aá shéʼrí á shibvə̀m she wun woo Nebukadnessar tuuyin.

Daniel 6:2

Wù kfən shòʼtí sa vitú ve saʼ vitaár ve á wáa kàʼày lím vé saʼ vìn. Á lóo kàʼày, é la wun woo fon yòʼ dzə́ə a fàn ji a dzə̀ kinshwìv ki waà nə̀ə́. Á bèy, a Daniel‑iì dzə̀ woo mòʼón.

Jeremia 51:28

Á ku bàʼtí vitúm, é ví taámé ŋkàlaʼ Babilon e rə́r sí. Á báʼtí afon veé Media wùn à vé saʼ véví, aàmfòómé véví, e lì vitúm ve ví dzəə̀n aáwuné sar saʼ vidzə̀m.

Daniel 9:1

Yì‑iì dzə̀ é ghan se Darius‑iì sáʼ kitúm kee Babilon ji fon, a Darius və̀n‑eè dzə̀ wan Ahasuru woo naaŋkàntì wìr Media,

Daniel 11:1

Fo kém kí, mò‑oò lò, e ŋàʼáy, e tòm sá wun, a kù‑uù dzə̀ é kiya ke mbìy ki, ke Darius woo naaŋkàntì wìr Media‑aà sáʼ kitúm kee Babilon.