Daniel 5:8 - ŊWÀʼ NYÙY

⁸ Á bèy, vé si vìne dù wìy e fòn si, nsáŋtí və̀y gháʼ fo á yoŋ, e tòʼtí nsàv.

Daniel 5:8 Referans Kwoze

Daniel 2:27

Daniel bùn fon jii, «Nyàr, kilìtì ke kinyò ke vé‑ee dzərin, a fə̀m dzə̀ vé fù ve á yii tóʼti njèm, kìn aŋgàa ŋgàŋ, kìn vé səm vifòne, kìn vé sii, bo bó yòʼ dzə̀ á naàrì á e fòn.

Daniel 4:7

Vé fù ve á yii tóʼti njèm wùn aàŋgàa ŋgàŋe wìykìr, à vé səme adzə̀m, e lì wir dzə̀m wo wù yii yén virə́ʼ. Á wìy, m fèr njèm yem aáwune, la á yòʼ yù fóo toʼtí nsàv.

Kèʼlo 41:8

Ndzə bvəə́shí, e jàv, shilív sə́ shí wáa buʼ, wù nèn tùm ji á toóy á vé fù ve á yii tóʼti njèm, e kfə̀n toóy a akiíy veé wòŋ Ejiv adzə̀m. Á wìy, wù fèr njèm sìy, la wìr yòʼ a dzə wóo toʼtí, e fòn.

Daniel 5:15

M tòóy ne vé sii wùn aàŋgàa ŋgàŋe, e kòʼór e mǒ si ji á yoŋ nsáŋtí və̀n, e tòʼtí nsàv, é m yú, la áwune yòʼ yù fóo yòŋ.

Aysaya 47:9

Vinyo ve à sévti vìn vi yíi koóy wò kishiíy kimòʼón vidzə̀m. À yíi lày kifá kidzə̀m, kù moo wiíy wo wù ranen wán, e ràn lúm. Vinyo vìn vi kér fó yìi cuùrì e wò kitu, fə̀m mo à sər fú wo tavíné, shwéŋ vinyo e dzəə sí dzəə sí.

Jeremia 50:35

Nyùy Tàr yoŋ jii: «Rə́r sí wíy nəə́ e wòŋ Babilon, e laàr wír ve á dzə́ fo, e laàr vé saʼ vee fó, aàŋgàa ntir véví shó.

Daniel 4:18

«Á njèm ye yì‑ii shiin mo woo Fòn Nebukadnessar. Á bèy Belteshasar, ku tòʼtí nsàv, é m yú. Njèm rə̀n‑ee gháʼ ne vé si vee mǒ kitum adzə̀m fo á tóʼtí. Yii bèy, a dzə̀ kù tòʼtí wò, bìʼ fo à kér kiyoy ke anyùy ve á dzəə̀n aránén.»

Daniel 4:4

«Mo woo Nebukadnessar‑iì néŋ e mǒ ntoʼ ji dèʼ, a vinyo vém ví gháné.