Daniel 5:7 - ŊWÀʼ NYÙY

⁷ Fòn nèn tòŋ kitávín ji á ku wìy a e vé fù ve á yii tóʼti njème wùn aàŋgàa ŋgàŋe, à vé səme adzə̀m, e lì wir dzə̀m wo wù yén virə́ʼ é Babilon. Á wìy, fòn nèn yòŋ e vé si vìyi jii, «A wìr lòo dzə̀, e yòŋ nsáŋtí wo wù dzəə̀n é wǔn ntoʼ, e tòʼtí nsàv, bo wun buʼ ŋgaàŋ e ndzə̀ynjav, e way ŋwey vifa ye á fèrìn e kisha ke mbàm ke baar kí e ŋgaàŋ kilòŋ, e lèm wun ji taà ntoʼ wo ghay vəə́‑əə̀ tóm wó taà ntoʼ woo kitú.»

Daniel 5:7 Referans Kwoze

Daniel 5:29

Á bèy, Belshasar nèn kù fò sáʼ e ghan see shó, á máʼ ndzə̀ynjav e Daniel wùn, e way ŋwéy vifa ye á fèrìn e kisha ke mbàm ke baar kí e wùn kilòŋ, e fò sáʼ kùm wun ji wù kù sì á taà ntoʼ wo ghay vəə́ tóm wó taà ntoʼ woo kitú.

Daniel 5:16

M yù ne leŋ wó ji a dzə̀ à tòʼtí á njèm, e kfə̀n naàrì vinyo veé kilìtì. Ké lèn ki, aà lòo dzə, e yòŋ nsáŋtí wo á saŋen é wǔn ntoʼ və̀n, e tòʼtí nsàv e mò, bo á yíi màʼ ndzə̀ynjav e wò wùn, e way ŋwéy vifa ye á fèrìn e kishà ke mbàm ke baar kí e wò kilòŋ, e dzə̀ʼə̀r wò ji taà saʼ wo ghay vəə́ tóm wó taà ntoʼ woo kitú.»

Daniel 2:48

Á bèy, Fòn Nebukadnessar nèn kòʼór Daniel, e nə̀ʼsín wun aàfómo ve wiyí anín, e lèm wun, wù wáa saʼ kishév ke wòŋ kee Babilon kidzə̀m, e kfə̀n fò wun vitaáví, wù wáa saʼ vé si adzə̀m vee fó.

Daniel 2:6

Yii bèy, a vèn lòo dzə, e fèr mo njèm yem dzəə̀n, e tòʼtí, bo m lo, e nəʼsín ven áàfómo wùn à vikaanè ví, e kfə̀n bùʼ ven. Kí nén a dzə jii, vèn ku fèr mo njèm yem dzəə̀n, e tòʼtí nsàv, é m yú.»

Daniel 2:2

Wù nèn tsə̀nsí toóy e vé fù ve á yii tóʼti njème, e tòóy aŋgàa ŋgàŋ wùn à vé səme adzə̀m, e tòóy wir dzə̀m wo wù yén virə́ʼ ji á wiy, e tòʼtí a njèm sə́. Á wìykìr, e tìím e wun si.

Esiker 16:11

M wáyrí vifá ve sùsù e wò wùn, e wàyrí mfuy si e wò koy, e wày shàŋ e wò kilòŋ.

Aysaya 47:13

Ven veé Babilon, ntir se á wayin e věn kitu si càʼár ne kitú kén. Aŋgàa ŋgàŋ véné shaa ri fo mbìy, a kìŋsìn ven. Áwune ve á shwéŋ fú a dzə̀ fo mejiy mè, bónen, tar mbìv se mè sə́ŋnin sho, ŋwee wo fíyi lóo fəə, aá sí yoóyi kinyo ke kí lo, a koóy.

Daniel 4:14

Yì fuúŋé kitávín, e yòŋ aàŋgaà və́ ŋgoo jii: « ‹Vèn baʼ kicí kiy ki, e shètì tám si. Vèn soóy vav sə́ sí, e tàʼár báŋ se sí koomen shó si. Nyám si ku tàʼrí fo sar wo taʼrín, é menə́n mè léʼkír fó tam si wó.

Yòv Viŋgér 1:10

Vifá ve sùsù vi sə̀tí ne búbúʼ sé, aà wày ne shàŋ wo wù njaʼkìrì e wò kilòŋ.

Ŋgàn 1:9

Yéʼéy yéví dzə̀ moo tán ye yí boŋèr kitú ké, a dzə moo shàŋ wo wù boŋèr kilòŋ ké.

Esta 3:1

Ntàm lòo dàr, Fòn Ahasuru kóʼór ntaʼ Haman woo wan Hammedata, wo dzəə̀n wír woo Agag ram. Wù kóʼór wun bèy, wù wáa tiy vitú fo atǎr ntoʼ vəə́,

1 Samuel 17:25

Áwune lò, a ghaynín jii, «Vèn leéy wír və̀sə. Vèn yú mo wù kuurì vèsən. Fòn Saul kàʼ ne ji wun yíi fo a bùʼ wo ghaʼán e wìr wo wù yíi yuyrí wun, e kfə̀n fo a wan ntoʼ ji wíiy və, é la tàr wov wùn à kfə́ə rəə́ yòʼ dzə́ə a màʼ a mbàm.»

Kintaŋ 24:11

Ké lèn ki, wò‑óò du dúun e věn wòŋ mo m yòŋèn ben. Mò‑oò yòŋ ji m yíi ghvəmsín a wò, yii bèy, Nyùy Tàr kìm ne ghvə́msín yee shooy.»

Kintaŋ 22:17

Ku wìy, bìʼ fo m yíi bùʼ wò feyì. Kinyo ke à yòŋèn e mò, é m ku yiì kíwun. Wìyi, e shòv wír vìne, e fò e mò.»

Kintaŋ 22:7

Á bèy, vilìmbìy veé Moav wùn à veé Midian vi nèn lì vitó vé shìv, e dù, e yèn Balaam sho, e tiìsí ntum Fòn Balak.

Kèʼlo 41:8

Ndzə bvəə́shí, e jàv, shilív sə́ shí wáa buʼ, wù nèn tùm ji á toóy á vé fù ve á yii tóʼti njèm, e kfə̀n toóy a akiíy veé wòŋ Ejiv adzə̀m. Á wìy, wù fèr njèm sìy, la wìr yòʼ a dzə wóo toʼtí, e fòn.

Ŋwàʼ Fəə 7:11

Farao nèn tòóy akiíy wùn à vé ŋgàŋ vəə́, á yiì sa réŋréŋ, e dzəə ye áwune yii sénin sə́m sho.

Jeremia 50:35

Nyùy Tàr yoŋ jii: «Rə́r sí wíy nəə́ e wòŋ Babilon, e laàr wír ve á dzə́ fo, e laàr vé saʼ vee fó, aàŋgàa ntir véví shó.

Daniel 1:4

A wónlě nsùm vìne kù kér fó a dzə ve á yòʼ kér ndzə́m, aá kér sí ye juŋe, kér mbùʼme vifiì, kiiy vinyo e ŋàŋ, kfə̀n táv gwarìr kinyo cér, aá dzə̀ ji wír ve á gheenen fó a lìm e ntoʼ. Wù shóʼti, é wù wáa yeʼéy áwune á mo á wáa saŋ, e kfə̀n a yòŋ lám woó Babilon.

Daniel 1:20

Fòn káʼáy vifií vév, à kiíy ye á kiiy jeéyjeéy fó vinyòo, e yèn jii, aá lòo dzə, e neèr vifií vév kirə́ʼ e ghvə̀m, la aŋgàa səm wùn à vé fù vee wun kitume yòʼ lì a kee kimòʼón ki.

Daniel 2:27

Daniel bùn fon jii, «Nyàr, kilìtì ke kinyò ke vé‑ee dzərin, a fə̀m dzə̀ vé fù ve á yii tóʼti njèm, kìn aŋgàa ŋgàŋ, kìn vé səm vifòne, kìn vé sii, bo bó yòʼ dzə̀ á naàrì á e fòn.

Daniel 5:11

Nyàr, wìr wùmòʼ dzə̀ á e wun wòŋ, a wù kér a kiyoy ke anyùy ve á dzəə̀n aránén. Yì‑iì dzə̀ á e ghan se Nebukadnessar woo tàr à woo ŋkfə‑əə̀ dzəə́ sáʼ vifon, wíri‑iì lo yèn rú á ji wìr və̀n fìír e ŋàŋ, kiiy jeéyjeéy fó vinyò, ker vifií a dzə̀ ve yii kér anyùy. Nebukadnessar woo tàr à tàá woó ntoʼ yén bey, e lèm wun a ji kitú ke vé sii adzə̀m vee wun kitum.

Daniel 5:15

M tòóy ne vé sii wùn aàŋgàa ŋgàŋe, e kòʼór e mǒ si ji á yoŋ nsáŋtí və̀n, e tòʼtí nsàv, é m yú, la áwune yòʼ yù fóo yòŋ.