Daniel 5:6 - ŊWÀʼ NYÙY

⁶ Fòn yén, e nèn rə̀ə́y, vifií ví bvəə́rí wun, shwín sí sheèsì, ŋkoŋ sə́ sí wáa shwaʼsín shwaʼsín.

Daniel 5:6 Referans Kwoze

Nahum 2:10

Nineve sì é vifə̀m, wù sì é ŋgèŋgèr, a sì kirə́ʼ kisáŋ. Fane shèr ne melív me wíri, ŋkoŋ si shwáʼsín wíri shwáʼsín, vitaáví ví máy, síi sə́n wir dzə̀m sənén.

Daniel 7:28

«Á kinyo kidzə̀m ke mò‑oò yenen é njà kinjeenjèm. Mò‑oò yèn, wúné beémé mo, m bínkír a fər moo shiŋgíy. Yii bèy, kí ku gòʼ, e yùm e mǒ wùn, la m yòʼ fèr e wìr.»

Esiker 7:17

Wó wìr dzə̀me wíy a yàʼtì, é ŋkoŋ si wáa leŋ leŋén moo mendzə́v.

Daniel 4:5

Kù mo mò‑oò néŋ e ntoʼ e mǒ mbvə̀ʼ, njèm nèn lò, e shì mo, wúné lò, a beemé mo beemén. Vinjeenjèm vi wìy e mǒ kitu, m yén vindzə̀ə́ndzəm, a ví shaasìn, bémer mo.

Esiker 21:7

Á lóo dzər ji à sà diy, kónsi ka ben a, à bìnèr jii, ‹Dzə̀ á bìʼ sáʼka kinyò kímóʼ kí ke à yuun. Kí lo, e wìy, é melív me wìr dzə̀m mè seem, é wó wìr dzə̀me wáa yàʼ yàʼàn. Wìr dzə̀m wíy kfən ji mkpúshílív, é ŋkoŋ si kfə́n a shwaʼsín shwaʼsín. Rúrú, kinyo kìn ki sí lo, e wìy, a kí kér fó yìi koóy.› Suuy mo woo Nyùy Tàr woo Taà Ndzə.»

Nsùyrì Nyùy 69:23

Ku sə̀tí sí yéví, aá fir. Yìi, aá sén, e mày màyìn.

Daniel 4:19

Daniel wo yír rə́ yímóʼó kfə̀n‑eè dzəə̀n ji Belteshasar ku nèn rə̀ə́y kfə́ rəəyín, shúu yúm wun fo bǎm shintàm. Wù rə̀m vinyo, wúné beémé wun. Fòn nèn lò, e tòóy wun jii, «Belteshasar, lá njèm rə̀n, kìn nsàv rə yòʼ a beemé wò.» Belteshasar bìnèr jii, «Nyàr, kí bòŋ a ji njèm rə̀n ku yiì kùm a dzə̀ á wír ve á taʼ kinyè ké fòn ntéŋ, é nsàv rə koó a dzə̀ á aŋgàa vibàn veé ntoʼ.

Hibru 12:12

Ven ve ŋgeʼ si lóo koóy, wó yéné nèn weèy, vèn ghár Nyùy lèn kitávín, a tiy a dzə̀ vèn áwune.

Daniel 3:19

Mo áwune bìnèrìn bey, kinyo kìy ki nəə́ e Fòn Nebukadnessar vighìy, rə́r sə́ sí kúvsín bìʼ Shadrak wùn à Meshak, à Abednego. Wù nèn fò sáʼ e vé lìm vəə́ ji á yuŋri á və́y é kimbiirìn fèy, é kí ríʼsín, e shaà mo kí yii lumè.

Daniel 2:1

Fòn Nebukadnessar‑iì sàʼ vifon, kí lòo meé ji viyá vibaà, njèm si shí wun, shilív sə́ shí wáa buʼ, mbuùné sí káŋ fo wun si.

Aysaya 35:3

Ven ve á sí weʼèr wó, vèn ku wày ŋàŋ. Ven ve shwín sí sí shwáʼsin shwàʼsín, vèn tiím e věn shwin.

Aysaya 5:27

Vé rər víne wiyì, a bó wìr mòʼón fo áwuné mvəm yoʼ dòr, e bó a bàyrìn, a bó wo wù yeʼè, kìn ji wù wáa buuné yòʼ dzə̀. Wìr fo áwuné mvəm wo kikuúví kí wèʼèn ne yòʼ dzə̀, a bó wo lábáʼ tinen ne yòʼ dzə̀.

Nsùyrì Nyùy 22:14

Vitaáví vém ví nyòóy ne e mày, e nyòóy moo mendzə́v me á səə̀rìn fó nsay, a vighvə́r vém ví sìmsìn ne, shilív shí yaáné mo moo ghám vilù.

Daniel 5:5

Kù mo á dzə́, nó, ghvə́m anyùy vìy, kiwó ke wìr ki nèn sàsìn, e fəə̀sín, a saŋ kifá e kirəv ke vé‑eè yoʼon é ntoʼ, a kí dzə̀ é ŋkìʼnìn kifa ke vé‑eè fèrìn, a tiír lam si shó. Á bèy, a fòn kù yén mo kiwó kìy ki sáŋ kifá.

Jeremia 50:43

Fòn woó Babilon yú sáʼka woo kùm wír vìn, kóy sə́ sí tiíné. Shilív shí wáa buʼ wun, wù wáa yu nyár moo wiíy wo wù lúmé.