Daniel 5:4 - ŊWÀʼ NYÙY

⁴ Á ku nèn a no meluʼ, a ghvəm mebvə̀m me vé‑eè fèrìn e kisha ke mbàm ke baar kí, à mee ke fəvír kí, à mee kee *brons ki, à mee kisha kee kisha ki, e bóo lì me vé‑eè semen a dzə̀ e kicí kí, à mee tíyí mè.

Daniel 5:4 Referans Kwoze

Daniel 5:23

Nyàr, Fòn kòʼór ne kitú kfə́ á feyì, a yen ji á shàa Nyùy Tàr woó yuv. Fòn yiì ne, á lí á vikáŋ ve dzəə̀n vee Nyùy Tǎr lav, e wìy, e yèn á wun sho, wùn aàtǎr laʼ vəə́, à vikǐy ntoʼ vəə́, à ve lemèné tátí, a no a meluʼ fo fo. Cèrèy, wùn áwune ló fó fo, a burí mebvə̀m, vifá, aá fér a dzə̀ e kisha ke mbàm ke baar kí, kìn e ke fəvír kí, kìn e kisha ke brons ki, kìn e kisha kee kiy ki. Vifá, aá lo, á sèm a dzə̀ e kicí kí, kìn e tíyí. Vifá vìn, a bó yòʼ dzə̀ ví wàa yen virə́ʼ, a yu vinyo, kìn ji ví kiíy kinyo. Yii bèy, a Nyùy wo wù kér kiyoy ke wìr e wun kiwo, kfə̀n leey dzəʼə̀m wìr dzə̀m, dzə̀ shó, a bó fòn yòʼ ghvə́m wun.

Habakuk 2:19

Lòné dzə̀ wó wìr wo wù suuy e shibvə̀m shi jii, ŋáʼáy, yoŋ e tíyí, a yí yòʼ ŋeʼè ji lò é yuv. A dzə̀ shibvə̀m shí dìn kinyo e wò à? Á fèr ne a dzə̀ e *kisha ke mbàm ke baar kí, à ke fəvír kí, a bó shí yòʼ kér kiyoy fə̀m shishàr.

Lim Aŋgàa Ntum 17:29

«Mo vèsən dzəə̀n wón wun woo Nyùy, lá vèsən yòʼ a kwàʼtì ji mbom rə dzə̀ moo kibámmbó ke naŋsin wír e vifií və́ ví, kìn wù tòn a dzə̀ kisha, kìn wù sèm a dzə̀ tíy.

Aysaya 42:8

«Dzə̀ mo wo kù dzəə̀n ji Nyùy Tàr, á yír yém. Bó yòʼ dzə̀ féyì, m màʼtì, é ghvə́m ye á kì yíi fo e mòó kfə́n e wìr wo sən, a bó yòʼ dzə̀ féyì m biìmé ji nsùyrì wo á kì yíi a sùyrì mo shó du e mebvə̀m mè.

Daniel 4:37

«Ké lèn ki, mo woo Nebukadnessar, m búri Fon woó Yuv, kóʼor yír rə́, ghvə́m wun. Lim sə́ sidzə̀m si din a dzə̀ suuyrú, a vinyo ve wù yii vi dzə̀ là kiloʼ, a wù dzə̀ a dzə̀ wù sèn wir dzə̀m wo wù kóʼor wún.»

Aysaya 42:17

Yii bèy, m wíy meŋ wír ve á tiir vifií a dzə̀ e mebvə̀m mè wùn, kìn dzə̀ mee tòn é kilàm, kìn me semén mè. M wíy shov wír adzə̀m ve á ghvə́m mebvə̀m ji anyùy vév, e shoór bèn, aá wáa woomé ŋkuuŋkùŋ.»

Daniel 1:8

Daniel nèn lò, e wày kfə́ ji bó yòʼ dzə̀ á wun lùʼ viyíkìr veé ntoʼ e wun shuù, kìn ji wun nó bóm, e lor kitú kfə́. Wù nèn kù lòn kitú ke vé lìm kìy ji kí ku màʼtì a kilíŋ kfə́, fo wun li *kifàn.

Daniel 5:3

Á bèy, á nèn wìy e vikáŋ vee kisha ke mbàm ke baar kí, ve vé‑eè kuuyin fó lav cù ye dzəə̀n lav Nyùy yeé Jerusalem, fòn wùn aàtǎr laʼa, à vikǐy ntoʼo, à vikìy ve lemèné wáa no fo fo.

Daniel 5:5

Kù mo á dzə́, nó, ghvə́m anyùy vìy, kiwó ke wìr ki nèn sàsìn, e fəə̀sín, a saŋ kifá e kirəv ke vé‑eè yoʼon é ntoʼ, a kí dzə̀ é ŋkìʼnìn kifa ke vé‑eè fèrìn, a tiír lam si shó. Á bèy, a fòn kù yén mo kiwó kìy ki sáŋ kifá.

Amos 6:7

Bìʼ bey, vèn yíi a dzə vé mbìyi ve á yíi koorí, e dù sho ji wír kibàme, é ŋkàʼ wo vèn kaʼ wùn à shúuyi wóné may.

1 Afòn 1:49

Wír ve wùn à Adonija‑aà dzəə̀n fó ŋkàʼá nèn a fàn, a lòkìr amòʼón amòʼón, a wìr du dzə́ə rə, a wìr du rə́ə.