Daniel 5:3 - ŊWÀʼ NYÙY

³ Á bèy, á nèn wìy e vikáŋ vee kisha ke mbàm ke baar kí, ve vé‑eè kuuyin fó lav cù ye dzəə̀n lav Nyùy yeé Jerusalem, fòn wùn aàtǎr laʼa, à vikǐy ntoʼo, à vikìy ve lemèné wáa no fo fo.

Daniel 5:3 Referans Kwoze

Daniel 5:2

Belshasar jiíyí abàr, shí kèʼ, e lòo kàr, wù tsə́nsí toóy ji á du, e lì a vikáŋ vee *kisha ke mbàm ke baar kí, à vee ke fəvír kí, ve tàr wov Nebukadnessar‑iì kuuyin fó lav cù yeé Jerusalem, é wùn aàtǎr laʼa, à vikǐy ntoʼo, à vikìy ve lemèné wáa no a fo fo.

Daniel 5:4

Á ku nèn a no meluʼ, a ghvəm mebvə̀m me vé‑eè fèrìn e kisha ke mbàm ke baar kí, à mee ke fəvír kí, à mee kee *brons ki, à mee kisha kee kisha ki, e bóo lì me vé‑eè semen a dzə̀ e kicí kí, à mee tíyí mè.

Daniel 5:23

Nyàr, Fòn kòʼór ne kitú kfə́ á feyì, a yen ji á shàa Nyùy Tàr woó yuv. Fòn yiì ne, á lí á vikáŋ ve dzəə̀n vee Nyùy Tǎr lav, e wìy, e yèn á wun sho, wùn aàtǎr laʼ vəə́, à vikǐy ntoʼ vəə́, à ve lemèné tátí, a no a meluʼ fo fo. Cèrèy, wùn áwune ló fó fo, a burí mebvə̀m, vifá, aá fér a dzə̀ e kisha ke mbàm ke baar kí, kìn e ke fəvír kí, kìn e kisha ke brons ki, kìn e kisha kee kiy ki. Vifá, aá lo, á sèm a dzə̀ e kicí kí, kìn e tíyí. Vifá vìn, a bó yòʼ dzə̀ ví wàa yen virə́ʼ, a yu vinyo, kìn ji ví kiíy kinyo. Yii bèy, a Nyùy wo wù kér kiyoy ke wìr e wun kiwo, kfə̀n leey dzəʼə̀m wìr dzə̀m, dzə̀ shó, a bó fòn yòʼ ghvə́m wun.

Atǎr Nsaʼ 19:1

Yì‑iì dzə̀ é ghan fóo fèy, a wír veé Israyi yòʼ sí kér fon, a wìr woó ram Levi wùmòʼ dzə́ e tím kwaʼ, e wòŋ agwan woó Efrayim. Wù lì wán woo wiíy woo wír woó Betlehem e Juda ji wíiy və wo lemèn.

2 Wòŋ 36:18

Fòn woó Babilon‑eè kùúy vifá ve ker vidzə̀m vee Nyùy lav, à ke terí kí, à ke kuʼùn kí, e kfə̀n kùúy bùʼ woo Nyùy Tǎr lav, e kùúy woó ntoʼ wùn à wo atǎr ntoʼ, e dù sho e Babilon.

Aysaya 5:14

Wóŋ aŋkfəə wíy mvə̀ʼ shuu, e lèm e rə́, é wíri wáa kpukír nyanyày, a nsay kù sí yíkir yìkín, là meemè. Wìr dzə̀m kù wíy a sheemé aàŋkfəə́ wòŋ, à fòn, à kwàné, e lì wir dzə̀m wo wù kóʼor kiyor, yú vijuŋ ve Jerusalem.

Jeremia 50:28

Á yuúrí, e yù mo wír ve vé‑eè koon, e dù sho e Babilone léʼ, wiyì. Á wiy, fiʼtì e Sion mo Nyùy Tàr woo Nyùy wov màʼàn ne ŋgeʼ e Babilon, e siìr ŋkfə́tir lav rə cù ye á bvəʼəyin.

Hosea 2:8

«Isray woo yeè lav wom‑eè dzə́ vèr wun, a bó wù yòʼ‑oò lo gwàrìr ji yì‑iì fó a mo ŋgoòy se vifa e wun, a kù‑uù fò mo meluʼ wùn à meŋgvə́r mè, ku kfə̀n fò mo *kisha ke mbàm ke baar kí wùn à ke fəvír kí e wun nyanyày, é bo wù li, a cù a dzə̀ nyùy woo *Baal sho.

Habakuk 1:11

Á kù wiy moo kinsəm, nèn shaa, du fomóʼó. Á li vitaáví vév ji nyùy wov, aá ghán bèy, kù túr a dzə̀ njò.»

Malakay 1:12

Yii bèy, ven vee atàá cùu káy mo káyín, mo vèn liìn kíy cù wóm ji kirə́ʼ kee fó tèr, li vifá ve ví kér nsem, wiy ji á cu mo shó.

1 Tesalonika 5:3

A kí wíy a dzə jii, wíri wíy lòo suúy ji á bòy ne, a vinyo vi sì nyaáŋ, é ŋgeʼ nèn sàsìn, e gbù mo wiíy yù wán. Yì gbu bèy, é yì nèn sə̀tí áwune, é la á yòʼ dzəə bòy.