Daniel 5:22 - ŊWÀʼ NYÙY

²² «Yii bèy, wun woo Fòn Belshasar woo vitó və́, fə̀m mo vé‑eè kiìn kinyo kìn kidzə̀m kidzə̀m, bó á yóʼ ne lì kitú kfə́ á fo tèr gheéy.

Daniel 5:22 Referans Kwoze

2 Wòŋ 33:23

Wù yòʼ‑oò lo bìnèr shilív sə́, e kfə̀n é bàm e Nyùy Tǎr wùn mo tàr wov Manasse‑eè yiìn. Wù kù‑uù dzəsì, nəə nə̀ə́n é vinyò ve bi ví.

Ŋwàʼ Fəə 10:3

Mooser wùn Aaron nèn dù, e sùúy e Farao jii, «Nyùy Tàr wo dzəə̀n Nyùy wìr vee Hibru suuy jii, ‹À wíy tav kitú fó a yunín mo e dù, e meé e le? Màʼtì, é wír vémé du, e fíʼ cù mo.

Jeem 4:17

Kí nén a dzə jii, a wìr kì kinyo kee réŋ ke wù kì yíi yiì, e làa yòʼ yiì, bo wù yiì ne a dzə̀ kinyo ke bi kí, e lì njò.

2 Wòŋ 36:12

Wù‑uù yii vinyo ve ví wáa bir Nyùy Tàr woo Nyùy və. Wù yòʼ‑oò lo lì kitú kfə́ kitérí e Jeremia woo *ŋgaà ntum Nyùy si wo wù‑uù tiísi kinyo e wun, a dzə̀ ke wù‑uù yú fo Nyùy Tǎr shuù.

Jeem 4:6

Yii bèy, a Nyùy kù sheŋrì ghán sidzə̀m, a mè kù yòʼ tíy e wun wùn. A dzə̀ kíwun ke vé‑eè saŋen jii, «Nyùy méŋ wír ve á yén vitú vév, nèn leey ve á néŋ e wùn si, shám áwune.»

Joon 13:17

Mo vèn kiiyin ne kinyo kìn lèn, a vèn lò, a yiì, é vèn wáa yu vijuŋ.

Ŋwàʼ Luk 12:47

«Wàn lìm wo wù kiìn kinyo ke tàr wov taʼ ji wù wáa yiì, e làa yòʼ baʼtí, a yiì kinyo kee shooy, bo dzə̀ wo tàr wov yíi suúy, aá neer, é wù bónén, e tàm.

Matio 21:32

Joon woo Ŋgaà Wáyndzəv‑iì wìy, a dìn ven mo dzə̀ á ghàn, e bóo gheén fo Nyùy, vèn ku tèn kinyo kfə́ ténén. Yii bèy, nèn lò wír ve á yii sov mbàm se bàràʼ wùn aàsàkìi, e biìmé kinyo kee shooy. Vèn yén bey, e làa yòʼ fə̀m bìnèr melív men, e biimé kinyo ke Joon gheéy.

Matio 14:4

Joon wáa shaʼnín jii, nsər yoʼ biìmé a ji wù wáa ker wiiy fər və.

Daniel 5:18

«Nyàr, Nyùy woo Taà Vitu‑uù lo fò á tàr wov woo Fòn Nebukadnessar vitúm ji wù wáa saʼ, e fò á wun vikuʼùy wùn à viwìr vi, à ghvə́me.

Aysaya 26:10

Aá lò, a yiì a dzə̀ vinyo ve juŋ vi e wír ve á méŋ Nyùyi, bo bó yòʼ dzə̀ féyì, áwune wìy yèʼéy kinyo kee tínén é nsànloŋ. Fə̀m mo á dzə́ e nsay ye wír vee fóo tíy e suuyrú, áwune kù dzəə́ lóʼ kiloʼ, a bó áwune yòʼ dzəə́ wìy binsí vikuʼùy vé Nyùy Tàr.

Nsùyrì Nyùy 119:46

Vinyo ve à dìnèn, m yíi a fìʼtì aàfone, a bó yòʼ dzə̀ kí kòóy ji m wáa woomé ji ví shaà ne a fo ghaŋ.

Aysaya 13:11

Nyùy Tàr suuy jii, «M wíy màʼ ŋgeʼ e kitu ke nsay, bìʼ liì kisaŋ wo wíri yii, e lovtí e wír ve á méŋ moó bìʼ vinyo ve á rə́si buʼtì. M wíy səʼə́r kóy wìr ve á yén ji wìr wùmòʼ yòʼ kfə̀n dzə̀ moo áwune, e sə̀r wír ve á guynìn, aá yòʼ fó shiŋkfəŋ e wìr.

Aysaya 14:13

Wò‑oò dzəʼə̀mè, à wàa kwàʼtì fo mvə̀m bvə̀m jii, ‹Sáʼ yémé wíy koʼ, e kùm mbàʼ. Kóʼó, é m maʼ é kitu ke mejìy me wiy mè. Anyùyi wíy tar aáwuné kitu ke gwan, é m maʼ kàvàʼ wom, a dzə áwune kuy.›