Daniel 5:2 - ŊWÀʼ NYÙY

² Belshasar jiíyí abàr, shí kèʼ, e lòo kàr, wù tsə́nsí toóy ji á du, e lì a vikáŋ vee *kisha ke mbàm ke baar kí, à vee ke fəvír kí, ve tàr wov Nebukadnessar‑iì kuuyin fó lav cù yeé Jerusalem, é wùn aàtǎr laʼa, à vikǐy ntoʼo, à vikìy ve lemèné wáa no a fo fo.

Daniel 5:2 Referans Kwoze

Daniel 1:2

Nyùy Tàr máʼtí, áwune tón Fòn Jehoyiakim wùn à wír vəə́. Á tón, e kùúy vikáŋ vímóʼ ví fó lav cù, Fòn Nebukadnessar nèn lì, e kfə̀n shó e Babilon, fo lav cù anyùy və́‑əə̀ dzəə̀n, e lèm e kitàv ké lav cù yee shooy.

2 Afòn 24:13

Wù‑uù kùúy vifá veé kitàv keé lav cù wùn à veé kitàv keé ntoʼ vi, e dù sho. Wù‑uù lì vifá vee *kisha ke mbàm ke baar kí ve Fòn Solomon‑eè fèrìn ji á wáa ker a e lav cù, e tìnrí e vintsə̌m vintsə̀m réŋréŋ mo Nyùy Tàr‑iì suuyin fó ghan ji kí wíy koóy a bèy.

Daniel 5:23

Nyàr, Fòn kòʼór ne kitú kfə́ á feyì, a yen ji á shàa Nyùy Tàr woó yuv. Fòn yiì ne, á lí á vikáŋ ve dzəə̀n vee Nyùy Tǎr lav, e wìy, e yèn á wun sho, wùn aàtǎr laʼ vəə́, à vikǐy ntoʼ vəə́, à ve lemèné tátí, a no a meluʼ fo fo. Cèrèy, wùn áwune ló fó fo, a burí mebvə̀m, vifá, aá fér a dzə̀ e kisha ke mbàm ke baar kí, kìn e ke fəvír kí, kìn e kisha ke brons ki, kìn e kisha kee kiy ki. Vifá, aá lo, á sèm a dzə̀ e kicí kí, kìn e tíyí. Vifá vìn, a bó yòʼ dzə̀ ví wàa yen virə́ʼ, a yu vinyo, kìn ji ví kiíy kinyo. Yii bèy, a Nyùy wo wù kér kiyoy ke wìr e wun kiwo, kfə̀n leey dzəʼə̀m wìr dzə̀m, dzə̀ shó, a bó fòn yòʼ ghvə́m wun.

2 Afòn 25:15

Vé‑eè lì kifá kidzə̀m ke vé‑eè fèrìn e *kisha ke mbàm ke baar kí, à vee fèr e kisha ke mbàm ke fəvír kí, e lì sa vighín ve terí ví wùn à vikáŋ ve vé‑eè li və́y shó vi.

Daniel 5:18

«Nyàr, Nyùy woo Taà Vitu‑uù lo fò á tàr wov woo Fòn Nebukadnessar vitúm ji wù wáa saʼ, e fò á wun vikuʼùy wùn à viwìr vi, à ghvə́me.

Daniel 5:13

Á bèy, á nèn dù, e lì Daniel, e wìy sho e fòn si. Fòn toóy wun, e dzə̀r shó jii, «Dzə̀ wò Daniel woo wír fo wír veé Juda ve vé‑eè tònèn fó, e koòrí, fòn woo tàr wor lí, e wìy sho e fèn à?

Daniel 5:11

Nyàr, wìr wùmòʼ dzə̀ á e wun wòŋ, a wù kér a kiyoy ke anyùy ve á dzəə̀n aránén. Yì‑iì dzə̀ á e ghan se Nebukadnessar woo tàr à woo ŋkfə‑əə̀ dzəə́ sáʼ vifon, wíri‑iì lo yèn rú á ji wìr və̀n fìír e ŋàŋ, kiiy jeéyjeéy fó vinyò, ker vifií a dzə̀ ve yii kér anyùy. Nebukadnessar woo tàr à tàá woó ntoʼ yén bey, e lèm wun a ji kitú ke vé sii adzə̀m vee wun kitum.

Daniel 5:4

Á ku nèn a no meluʼ, a ghvəm mebvə̀m me vé‑eè fèrìn e kisha ke mbàm ke baar kí, à mee ke fəvír kí, à mee kee *brons ki, à mee kisha kee kisha ki, e bóo lì me vé‑eè semen a dzə̀ e kicí kí, à mee tíyí mè.

Jeremia 52:19

Vé‑eè lì sá kifá kidzə̀m ke vé‑eè fèrìn e *kisha ke mbàm ke baar kí, à ke vé‑eè fèrìn e kisha ke bàm ke fəvír kí. Vé‑eè lì vighín wùn à vikáŋ ve vé‑eè li və́y shó vi, e lì amàvìghìn, e lì kíŋ sí, e lì vitiir ve làm, e lì aláŋ, e lì sa akóm ve á yii yii cu melùʼ sho.

Jeremia 27:7

Vitúm vìn vidzə̀m vi wíy a lìm fo wun, e kfə̀n wìy a lìm fo wón vəə́, à fo wón won vəə́, e wìy dù, e meé mo kfə́ kee kitúm ki wíy gbù, é vitúm vinín wùn aàfon ve tavkíné nèn siìr áwune ji akwàn.

2 Wòŋ 36:18

Fòn woó Babilon‑eè kùúy vifá ve ker vidzə̀m vee Nyùy lav, à ke terí kí, à ke kuʼùn kí, e kfə̀n kùúy bùʼ woo Nyùy Tǎr lav, e kùúy woó ntoʼ wùn à wo atǎr ntoʼ, e dù sho e Babilon.

2 Wòŋ 36:10

Mo wù‑uù kèʼèn sáʼ rə́ é kimgbù ke wuu, Fòn Nebukadnessar woó Babilon túm wíri, á koó wun, e kfə̀n kùúy vifá ve ker veé lav cù veé kilùm, e tàtí wùn à fòn, e dù sho e Babilon. Á bèy, Nebukadnessar nèn kòʼór Tsədekiya woo fər Fòn Jehoyiacin ji fon wo wù wáa saʼ Jerusalem, a saʼ Juda.

2 Wòŋ 15:16

Fòn Asa‑aà tsə̀ʼ sá Maaka woo yè wov fó ntaʼ yaà yeèfòn, bìʼ wúr nyùy woo *Ashera ye wù‑uù fèrìn, a dzə̀ kifá ke koʼoyín kí. Asa‑aà gwàtì wúr yee shooy, e tòn e Kiwoóy ké Kidron.

2 Wòŋ 11:20

Rehoboam kfə̀n‑eè wày Maaka woo wan Absalom e lav ji wiíy. Wón véví‑iì dzə̀ Abija wùn à Attay, à Sisa, à Shelomit.

2 Samuel 9:7

Davir suúy e wun jii, «Lá à yòʼ a fàn. M lo, e bùʼ wò bìʼ tàr won Jonatan. M lo, e siìr ŋgvən Saul woo tàr à tàr won e wò, e kfə̀n lì wò, áà wáa yikír wòsò ghán sidzə̀m.»

Kintaŋ 7:79

a cu rəə́‑əə̀ dzə̀ kikóŋ kee kisha ke mbàm ke fəvír kí, a vidzəəsì ví dzə̀ ashekel kishóv mtaár e wiì. Kímóʼ kí wáa dzə màkìkaŋ woo kisha ke mbàm ke fəvír kí, a vidzəəsì ví dzə̀ ashekel msaàmbà mo shekel wo dzəə̀n wo cù yii dzə́. A meŋkfəŋ me kpuún mè dzə̀kìr é vifa fèn merúnkín, aá shwír meŋgvə́r shó ji cu vifa ve yi.

Esra 5:14

Wù kfən siìr saa vifá ve ker, vee *kisha ke mbàm ke baar kí wùn à ke fəvír kí, ve Fòn Nebukadnessar‑iì bèʼèyìn á fo lav cù yeé Jerusalem, e wìy, e lèm a e wun kirə̀ʼ ké anyùy e Babilon. Fòn Sayrus fəə́r á vifá vee shooy fo kirə̀ʼ ké anyùy e Babilon, e wày á e Shes‑Bassar kiwo, wo wù‑uù shoʼon á ji ŋgaà saʼ woó Juda.

Jeremia 50:35

Nyùy Tàr yoŋ jii: «Rə́r sí wíy nəə́ e wòŋ Babilon, e laàr wír ve á dzə́ fo, e laàr vé saʼ vee fó, aàŋgàa ntir véví shó.

Daniel 5:3

Á bèy, á nèn wìy e vikáŋ vee kisha ke mbàm ke baar kí, ve vé‑eè kuuyin fó lav cù ye dzəə̀n lav Nyùy yeé Jerusalem, fòn wùn aàtǎr laʼa, à vikǐy ntoʼo, à vikìy ve lemèné wáa no fo fo.

Daniel 5:30

Kú a dzə vitsə́ʼ veé kishiíy kee mo á kì yí ŋkàʼ, á nèn lò, e yùyrí Belshasar woo fon woó Babilon.