Daniel 5:18 - ŊWÀʼ NYÙY

¹⁸ «Nyàr, Nyùy woo Taà Vitu‑uù lo fò á tàr wov woo Fòn Nebukadnessar vitúm ji wù wáa saʼ, e fò á wun vikuʼùy wùn à viwìr vi, à ghvə́me.

Daniel 5:18 Referans Kwoze

Daniel 4:17

Sáʼ rə̀ne dzə̀ ye nsheèlav se Nyùy si wìyìn shó. Nshèelav, a dzə̀ see aŋgàa ŋkiy. Kù dzə̀ sáʼ aŋgaà ve ranéné, a yí dzə̀ ji wìr msòŋ e dzə̀m kú a kiíy a jii, sáʼ a Nyùy woo Taà Vitu vitúm ve wìr msòŋ vidzə̀m. A wù kòŋ, wù fò sáʼ e wìr wo wù koŋè, e dzə̀ʼə̀r wír wo wù yòʼ yén kitú kfə́, wù wàa saʼ vifon.›

Lim Aŋgàa Ntum 26:19

«Nyàr, mo Jesus‑eè wìyìn, e yèn mo, m ku nèn a yiì mo wù‑uù suuyin,

Lim Aŋgàa Ntum 26:13

Nyàr, m lòo dù, a sì e ntìntìn shùy, e yèn, a kifá ki njáʼkír fó yuv, e shaà shúy, a kaarí vèr à wír ve vèr áwune‑eè gháné, a tar.

Lim Aŋgàa Ntum 7:48

«A bó yòʼ dzə̀ ji Nyùy woo Taà Vitu yii dzə́ e lav ye bomen wíri, réŋréŋ mo *ŋgaà ntum Nyùy wùmòʼ‑oò suuyin ji Nyùy suuy jii:

Daniel 6:22

Nyàr, Nyùy wom‑ee lo tsə̀nsí a nshìylav rə, e sə̀tí a shúu abvərə̀ʼ ji fo á lémér á mo. Wù‑uu yii bey, bìʼ fo wù yenen ji bó m yòʼ kì á fo kinyò. Nyàr, éè tàr wor, m sà‑aa yií ne kintéŋ ke kinyò e fòn a?»

Daniel 4:32

Kí nén a dzə jii, á yíi jùm wò fo wírí mvəm, áà du, a dzə a dzə̀ vèn à nyám se kwaʼ si é kighìn, e kù wìy a yi a dzə̀ viŋgà é bǎm kiya saàmbà moo mbòŋ, e meé mo à wíy binsí ji kù sáʼ a Taà Vitu kitúm ke wìr msòŋ kidzə̀m, a kér wun ghay wóo fo sáʼ e wìr wo shoʼon wun feyì feyì.»

Daniel 4:2

«M yèn ji bòŋ a ke m fer e vèn viŋgaʼnìn ve vinyò ve Nyùy woo Taà Vitu yiìn e mò, a kù dzə̀ vinyo ve ví din vitaáví və́.

Yòvdìy 3:38

Kí a dzə̀ kù yòŋ wun woo Taà Vitu, é bo vijuŋ, kìn ŋgeʼ wáa dzə.

Yòvdìy 3:35

lóo bvəʼtí ghay wìr msòŋ, e Nyùy woo Taà Vitu si, là cí,

Jeremia 27:7

Vitúm vìn vidzə̀m vi wíy a lìm fo wun, e kfə̀n wìy a lìm fo wón vəə́, à fo wón won vəə́, e wìy dù, e meé mo kfə́ kee kitúm ki wíy gbù, é vitúm vinín wùn aàfon ve tavkíné nèn siìr áwune ji akwàn.

Nsùyrì Nyùy 92:8

Éè Nyùy Tàr, à kù wíy a tiy ké vitú, e dù, e jòʼsì.

Nsùyrì Nyùy 47:2

Nyùy Tàr woo Taà Vitu shaà vitaáví. Wù dzə̀ Fon wo wiy, a sáʼ wun kitú ke nsay kidzə̀m.

Nsùyrì Nyùy 9:2

Éè Taà Vitu, m yíi a sheʼrí, a seŋ, a sàvnìn, a yòv, a burí yír yé, bìʼ vinyo ve ghaʼtín ve à yii.

Nsùyrì Nyùy 7:17

M yíi a beèrì Nyùy Tàr, bìʼ fo wù yii yii kinyo kfə́ tìítiy, a m yíi a yòv, a burí yír Nyùy Tàr woo Taà Vitu.

Remrí 32:8

Taà Vitu‑uù jàv nsay e wìr msòŋ, e fò ye kitum kee shó. Kù‑uù sìysì wun fo bìíy sév sí shaàn, e lèm vitúm e kitu kitu mo vifá veé yuv ví dzəə̀n.

2 Afòn 25:28

Fòn Evil‑Merodak ku nèn a ker wun kijuŋ, e nèn fò wun ntaʼ wo kuʼùn, e shaà mo wù‑uù foon áàfon ámóʼó ve vé‑eè koon sá wùn áwune, e wày é sháŋ é Babilon.

Jeremia 25:9

bo m yíi tsənsí vitúm veé mbìv yee kuy wùn à kilìmbìy kév kee Nebukadnessar, wo dzəə̀n fon woó Babilon, a wù dzə̀ ji ŋgaà lìm wom. M yíi tsənsí, aáwune wiy, e kìʼ woŋ wón e rə́r sí, e tatí wir dzə̀m wo wù dzə́ fo, à vitúm vidzə̀m ve ví kaarin fó vi. M yíi bvəʼə́y fó ŋkuuŋkùŋ, é fóo wáa beemé, wíri lóo leéy, aá wáa ndzəə, é vèn wáa dzə kifá ke nshéʼmé ki, e wìy dù, e mày. Suuy mo woo Nyùy Tàr.

Jeremia 27:5

‹Kù dzə̀ mo wo mò‑oò bomen kitú ke nsay e vitaáví vém ve wiy ví, mo və̀n, wo m dzəə̀n e gháʼán, e bòm wir dzə̀m, à nyám se sí dzəə̀n shó si. A dzə̀ kù kìíy mo wír wo m fó sho.

Esiker 31:11

Bìʼ bey, m nèn mèŋ wun, e wày e taàtu vitum wo ji wù nyavri shó réŋréŋ mo liì və kisaŋ‑eè taʼà.

Daniel 4:34

«Viyá vee saàmbà vìy vi shaà, mo woo Nebukadnessar nán lèn sí, e lèéy yúv, vifií vém ví ku nèn kfə̀n é bàm. M wáa beèrì Taà Vitu, a burí wun, e kfə̀n a ghvəm wun wo wù dzəə̀n shó ghán sidzə̀m. «Sáʼ rəə́ dzə̀ sáʼ, a yí kù wíy a tiy fo, e dù, e jòʼsì. Kù wíy a saʼ wun vifon mo ŋgwàʼ si wíy a koʼ, a fo ghay e símóʼ sí.

Daniel 5:21

Vé‑eè jùm wun fo wìr msǒŋ mvəm, shilív shí bìnkìr fo fo, a dzə a ji shé nyàm kwaʼ, wù wáa dzə a dzə̀ á wùn à vimbèʼbìy veé kwaʼ vi. Wù‑uù dzə́ a fo bèy, kfə́r a dzə̀ á viŋgà moo mbòŋ, a ŋwéʼe gbu a e wùn wó. Kí ku nèn a koóy bèy, e meé mo wù‑uù binsin á ji kù sáʼ a Taà Vitu kitúm ke wìr msòŋ kidzə̀m, a kù dzə̀ á wun wo dzə̀ wù fò á e wìr wo wù shoʼon ji wù wáa saʼ.

Daniel 4:19

Daniel wo yír rə́ yímóʼó kfə̀n‑eè dzəə̀n ji Belteshasar ku nèn rə̀ə́y kfə́ rəəyín, shúu yúm wun fo bǎm shintàm. Wù rə̀m vinyo, wúné beémé wun. Fòn nèn lò, e tòóy wun jii, «Belteshasar, lá njèm rə̀n, kìn nsàv rə yòʼ a beemé wò.» Belteshasar bìnèr jii, «Nyàr, kí bòŋ a ji njèm rə̀n ku yiì kùm a dzə̀ á wír ve á taʼ kinyè ké fòn ntéŋ, é nsàv rə koó a dzə̀ á aŋgàa vibàn veé ntoʼ.