Daniel 5:13 - ŊWÀʼ NYÙY

¹³ Á bèy, á nèn dù, e lì Daniel, e wìy sho e fòn si. Fòn toóy wun, e dzə̀r shó jii, «Dzə̀ wò Daniel woo wír fo wír veé Juda ve vé‑eè tònèn fó, e koòrí, fòn woo tàr wor lí, e wìy sho e fèn à?

Daniel 5:13 Referans Kwoze

Daniel 6:13

Á bèy, áwune bùn fon, e sùúy sho jii, «Daniel və̀y, woo wír woó Juda, wo vé‑eè koon é shùu rər yòʼ yén a fon ji kifá, a bó wù yòʼ ghvə́m a saa nsər ye fòn‑ee dònèn. Wù kù dzəə́ bunrì a akàŋ ataár e kishiíy.»

Daniel 5:11

Nyàr, wìr wùmòʼ dzə̀ á e wun wòŋ, a wù kér a kiyoy ke anyùy ve á dzəə̀n aránén. Yì‑iì dzə̀ á e ghan se Nebukadnessar woo tàr à woo ŋkfə‑əə̀ dzəə́ sáʼ vifon, wíri‑iì lo yèn rú á ji wìr və̀n fìír e ŋàŋ, kiiy jeéyjeéy fó vinyò, ker vifií a dzə̀ ve yii kér anyùy. Nebukadnessar woo tàr à tàá woó ntoʼ yén bey, e lèm wun a ji kitú ke vé sii adzə̀m vee wun kitum.

Daniel 2:25

Ariok nèn kù lì Daniel cércér, e dù sho e Nebukadnessar si, e bùn, e yòŋ jii, «Nyàr, m yèn á ne wír wo dzə̀ wù tòʼtí á nsàv njèm rə á e wun. A dzə̀ á wír fo wír veé Juda ve vé‑eè koorin é kwaʼ rər, e wìy sho fèn.»

Joon 7:3

afə́r Jesuse nèn sùúy sho jii, «Bo à kì yíi dù e mbìv Juda, áàŋgaà vé ŋgoo fíʼ yèn vinyo ve à rə́si yii.

Esra 10:16

Á bèy, wír ve vé‑eè kfənen fó Babilon vìne ku nèn yiì a dzə̀ mo nshù‑uù dzəə̀n. Taà cù woo Esra nèn shòʼtí vilum vee atǎr kfəə e kitu kitu mo kfəə́ si‑iì dzə̀kìn, yoŋ woo shó, e wun yir. Wáa dzə e kishiíy ké mbìy ki fó ŋwee wo wú meen ji ghvə̀m, á nèn dzə̀ʼə̀m, a tàr vinyo vee shooy.

Esra 6:16

Wír veé Israyi nèn bàʼtí adzə̀m, a dzə̀ ji atàá cù, wùn à wír veé ram Levìi, à kibér ke wìr ke kí‑iì kfənen é bàm kí, wùn áwune nèn yiì ŋkàʼ, e fò lav cù yee shoon e Nyùy.

Esra 4:1

Aŋgàa vibǎn wìr veé ram Juda wùn Benjamine yú ji wír ve vé‑eè kfənen é bàmé sí baʼrì a lav cù Nyùy Tàr wo dzəə̀n Nyùy woó Isray,

Joon 7:1

Kee shooy ki shaà, Jesus kú a ghan a dzə̀ é Galeli foo fèy, e làa yòʼ a dù e mbìv Juda, bìʼ fo atǎr wòŋ veé Judàa‑aà sí wooy ji á yúyrí á wun.

Daniel 8:27

Á bèy, mo woo Daniel nèn lò, a mày màyìn, e jòy feyì fo bǎm vishiíy. M jòy bèy, e ŋàʼáy, e nèn kfə̀n é bàm, a lìm vinshìylav vém é ntoʼ. Kinjeenjèm kìn ki‑iì yiì, shilív shí wáa buʼ mo búʼún, la m yòʼ kìíy nsàv rə.

Daniel 8:1

Wáa meé ji viyá vitaár mo Belshasar‑iì sáʼ vifon, mo woo Daniel, m kfən yèn kinyo e njà kinjeenjèm, e bàr ké mbìy ke kí‑iì meésinè sho.

Daniel 5:18

«Nyàr, Nyùy woo Taà Vitu‑uù lo fò á tàr wov woo Fòn Nebukadnessar vitúm ji wù wáa saʼ, e fò á wun vikuʼùy wùn à viwìr vi, à ghvə́me.

Daniel 5:2

Belshasar jiíyí abàr, shí kèʼ, e lòo kàr, wù tsə́nsí toóy ji á du, e lì a vikáŋ vee *kisha ke mbàm ke baar kí, à vee ke fəvír kí, ve tàr wov Nebukadnessar‑iì kuuyin fó lav cù yeé Jerusalem, é wùn aàtǎr laʼa, à vikǐy ntoʼo, à vikìy ve lemèné wáa no a fo fo.

Daniel 2:48

Á bèy, Fòn Nebukadnessar nèn kòʼór Daniel, e nə̀ʼsín wun aàfómo ve wiyí anín, e lèm wun, wù wáa saʼ kishév ke wòŋ kee Babilon kidzə̀m, e kfə̀n fò wun vitaáví, wù wáa saʼ vé si adzə̀m vee fó.

Daniel 1:21

Á bèy, Daniel ku shaà fo mbìy, a lìm e ntoʼ, e lìm, e mèé mo vé‑eè koʼorin Sayrus ji fon.

Esra 10:7

Á nèn fò sáʼ, yí ghánén Juda wùn à Jerusalem e dzə̀m ji wìr dzə̀m wo wù‑uù kfənen fó Babilon báʼtí á kirə́ʼ kimòʼón e Jerusalem.

Daniel 1:1

Yì‑iì dzə̀ é ghan se fòn woo Jehoyiakim‑eè sáʼ woŋ Juda, kí lòo meé ji viyá vitaár, Nebukadnessar woo fon woó Babilon wùn à vé rər vəə́ lév, e wìy e ŋkàlaʼ Jerusalem, e gìŋ fó, e tàr.

Daniel 1:2

Nyùy Tàr máʼtí, áwune tón Fòn Jehoyiakim wùn à wír vəə́. Á tón, e kùúy vikáŋ vímóʼ ví fó lav cù, Fòn Nebukadnessar nèn lì, e kfə̀n shó e Babilon, fo lav cù anyùy və́‑əə̀ dzəə̀n, e lèm e kitàv ké lav cù yee shooy.

Daniel 5:14

M dzə̀ a m yú leŋ wó ji à kér a kiyoy ke anyùy ve á dzəə̀n aránén, aà fìír a e ŋàŋ, e kfə̀n a kiíy jeéyjeéy fó vinyò, a vifií vee jeéy ví kùʼ a e wò kitu.

Daniel 1:6

Á nèn lò, e shòʼtí wír vee wón veé Juda vìn, aámóʼó dzə̀ jii, Daniel wùn à Hananiya, à Mishael, e lì Asaria.