Daniel 5:12 - ŊWÀʼ NYÙY

¹² Daniel wo fòn‑eè shuùn yír ji Belteshasar və̀n‑eè kér a vifií vee jeéy ví, a wù‑uù kì kfə́ á móo toʼtí njèm e ŋàŋ, tóʼti a, à ŋgàn si shó, kfə̀n sar a vinyo veé kilìtì. Bo dzə̀ á ji fòn ku tòóy a Daniel, wù wiyì, é wù naari á e ntoʼ mo nsàv nsáŋtí waà dzəə̀n.»

Daniel 5:12 Referans Kwoze

Daniel 6:3

Á ku nèn yèn ji Daniel dzə̀ á wír, a wù yii lim ye juŋe, e shaà atǎr saʼ ve kuʼkìn ámóʼó, à kibér ke vé saʼ ki kidzə̀m. Mo kiwó kfə́ ké lìm ki kù‑uù dzəə̀n jeéy, fòn nèn wày ji wun kù‑úù yiì lèm wun a ji kitú ke vé saʼ vee wun kitum.

Daniel 5:14

M dzə̀ a m yú leŋ wó ji à kér a kiyoy ke anyùy ve á dzəə̀n aránén, aà fìír a e ŋàŋ, e kfə̀n a kiíy jeéyjeéy fó vinyò, a vifií vee jeéy ví kùʼ a e wò kitu.

Daniel 1:7

Kitú ke vé lìm kìy ki nèn shùrì yír sév, a dzə̀ se fíy si. Wù‑uù shù yé Daniel ji Belteshasar, e shù yé Hananiya ji Shadrak, e shù yé Mishael ji Meshak, e shù yé Asaria ji Abednego.

Daniel 5:16

M yù ne leŋ wó ji a dzə̀ à tòʼtí á njèm, e kfə̀n naàrì vinyo veé kilìtì. Ké lèn ki, aà lòo dzə, e yòŋ nsáŋtí wo á saŋen é wǔn ntoʼ və̀n, e tòʼtí nsàv e mò, bo á yíi màʼ ndzə̀ynjav e wò wùn, e way ŋwéy vifa ye á fèrìn e kishà ke mbàm ke baar kí e wò kilòŋ, e dzə̀ʼə̀r wò ji taà saʼ wo ghay vəə́ tóm wó taà ntoʼ woo kitú.»

Ŋgàn 12:26

Liì wìr wo wù yúnin Nyùy kù yii danèr ŋkar rə, a liì wìr ve á méŋ Nyùyi kù yii yii, a wíri jáy dzə́ə.

Daniel 4:8

Fo bàm, Daniel nèn wìy, wun wo vé‑eè shuùn yír yímóʼó ji Belteshasar, kù mo yír nyùy womé dzəə̀n, a dzə̀ wír wo wù yú kinyo fo kiyoy ke anyùy ve á dzəə̀n aránéné. Wù dù, e wìy, m wáa naarì njèm yem shó, a suúy jii,

Nsùyrì Nyùy 16:3

Kee kùm wír ve á yúnin wò e wòŋ fèn, áwune dzə̀ kfə́m sé wìr, a m yú vijuŋ bìʼ áwune.

Ŋgàn 17:27

Wìr wo wù súŋnin, sə́ʼəmè dzə̀ fií, a wìr wo wù lo ji weè dzə̀ kiíy.

Kolosia 1:29

M ku nèn wày ŋàŋ, a ghìtìr e kinyò foo fèy. A m yii a dzə̀ mo Jesus Kristu fó mo vitaáví və́ ve ghaʼán ví, a ví lim e mǒ wùn.

Daniel 4:19

Daniel wo yír rə́ yímóʼó kfə̀n‑eè dzəə̀n ji Belteshasar ku nèn rə̀ə́y kfə́ rəəyín, shúu yúm wun fo bǎm shintàm. Wù rə̀m vinyo, wúné beémé wun. Fòn nèn lò, e tòóy wun jii, «Belteshasar, lá njèm rə̀n, kìn nsàv rə yòʼ a beemé wò.» Belteshasar bìnèr jii, «Nyàr, kí bòŋ a ji njèm rə̀n ku yiì kùm a dzə̀ á wír ve á taʼ kinyè ké fòn ntéŋ, é nsàv rə koó a dzə̀ á aŋgàa vibàn veé ntoʼ.

Esiker 28:3

Ké ru kí, à fìír feyì, e shaà Daniel, bó kilìtì ke kinyò ke à méŋ ki yòʼ dzə̀.

Daniel 2:26

Fòn nèn dzə̀r e Daniel wo yír yímóʼó‑oò dzəə̀n ji Belteshasar jii, «A kù yòʼ dzə̀ rú, à yù fóo naàrì kinyo ke mò‑oo yenen é njèm, e tòʼtí e mò mo nsàv dzəə̀n á?»

Daniel 1:17

Wónlě nsùm vee akweè vìne dzə̀, a Nyùy‑iì fò áwune vifií ve á wáa kiíy jeéyjeéy fó vinyò, e yiì, á fiír é ŋàŋ. Daniel ló kfə́, e kìíy kinyo kee kùm vinjeenjèm wùn à ké njèm se toʼtín sí é ŋàŋ.

Daniel 6:4

Vitú ve saʼ vi nèn tàtí wùn à kibér ke vé saʼ ki, e kèʼ, a shweʼ ji mo Daniel lim vinyo veé wòŋ, á sà‑áà yén kintéŋ ke kinyò sho a. Á leéy, e làa yòʼ yen, bìʼ fo Daniel‑iì dzəə̀n wir suuyrú, a wù yòʼ‑oò kér kintéŋ ke kinyò.