Daniel 5:11 - ŊWÀʼ NYÙY

¹¹ Nyàr, wìr wùmòʼ dzə̀ á e wun wòŋ, a wù kér a kiyoy ke anyùy ve á dzəə̀n aránén. Yì‑iì dzə̀ á e ghan se Nebukadnessar woo tàr à woo ŋkfə‑əə̀ dzəə́ sáʼ vifon, wíri‑iì lo yèn rú á ji wìr və̀n fìír e ŋàŋ, kiiy jeéyjeéy fó vinyò, ker vifií a dzə̀ ve yii kér anyùy. Nebukadnessar woo tàr à tàá woó ntoʼ yén bey, e lèm wun a ji kitú ke vé sii adzə̀m vee wun kitum.

Daniel 5:11 Referans Kwoze

Daniel 4:18

«Á njèm ye yì‑ii shiin mo woo Fòn Nebukadnessar. Á bèy Belteshasar, ku tòʼtí nsàv, é m yú. Njèm rə̀n‑ee gháʼ ne vé si vee mǒ kitum adzə̀m fo á tóʼtí. Yii bèy, a dzə̀ kù tòʼtí wò, bìʼ fo à kér kiyoy ke anyùy ve á dzəə̀n aránén.»

Daniel 5:14

M dzə̀ a m yú leŋ wó ji à kér a kiyoy ke anyùy ve á dzəə̀n aránén, aà fìír a e ŋàŋ, e kfə̀n a kiíy jeéyjeéy fó vinyò, a vifií vee jeéy ví kùʼ a e wò kitu.

Ŋgaà Yen 3:9

M kì wír ve á yoŋ vitú vév ji wír vém veé Juda, aá dzə̀ kév a dzə̀ e Satan ŋgoo. Vèn yú, m wíy yiì, aáwune kiíy ji wír ve m kòŋèné dzə̀ ven vin, e yiì, aáwune wiy, a gbù e věn si.

Lim Aŋgàa Ntum 12:22

Á nèn lò, a buʼ a dzə̀ rəə́ jii, «Súŋnin Nyùy, bó yòʼ súŋnin wír.»

Daniel 2:11

Kinyo ke á dzə́r fo ntoʼ ji á yii kin ki ghàʼ á feyì, a bó yòʼ dzə̀ wìr yù á fó yiì. A kù dzə̀ á fìʼtì anyùy e wun, yii bèy, a bó anyùyi yòʼ dzə̀ á e wìr msǒŋ mvəm.»

2 Samuel 14:17

Mo woo wánlè fòn kì ji jí se fòn woo tàr wor, sí yíi fo mo á rəsìn, bìʼ fo fòn dzəə̀n moo nshìylav Nyùy bèy, a wù kì jeéyjeéy fó kinyò ke juŋ ki wùn à ke bi kí. Nyùy Tàr woo Nyùy fòn kú a dzə a wùn fòn.»

Lim Aŋgàa Ntum 16:16

Wìy lòo dzə e kishiíy kímóʼ kí, vèr wáa dù e kirə̀ʼ ké bùnrì, e tàrnín vèr à wánlè wiíy wùmòʼ, a dzə̀ kwàn. Wù‑uù kér *nyùy wùmòʼ wo wù‑uù yii, a wù tiísi fú, aàtàr vəə́ kooy mbàm sinín fo vinyò ve wù‑uù táŋé.

Lim Aŋgàa Ntum 14:11

Màŋgòŋ yén kinyo ke Por mùmèn, e nèn a buʼ rəə́, a suúy aáwuné làm jii, «Anyùyi sə̀ʼə́y ne e nsay, aá shwínin wíri, e wìy fo vèsən.»

Kèʼlo 41:38

Wù gháy wùn à və́ vé lìme jii, «A dzə̀ vèsən kfə̀n yèn a dzə̀ la e shaà və̀n woo wír, wo kiyoy ke Nyùy ki dzəə̀n wùn wun?»

Esiker 28:3

Ké ru kí, à fìír feyì, e shaà Daniel, bó kilìtì ke kinyò ke à méŋ ki yòʼ dzə̀.

Daniel 1:4

A wónlě nsùm vìne kù kér fó a dzə ve á yòʼ kér ndzə́m, aá kér sí ye juŋe, kér mbùʼme vifiì, kiiy vinyo e ŋàŋ, kfə̀n táv gwarìr kinyo cér, aá dzə̀ ji wír ve á gheenen fó a lìm e ntoʼ. Wù shóʼti, é wù wáa yeʼéy áwune á mo á wáa saŋ, e kfə̀n a yòŋ lám woó Babilon.

Daniel 2:22

Wù lo, wù fə̀ə́r vinyo ve ví shoon, à vilìtì ve vinyò vi é ŋgèŋgèr. A kì soò ka feé fó mesənér, bo wù kù kì. Ráne kù lo a dzə̀ fo wun.

Daniel 5:7

Fòn nèn tòŋ kitávín ji á ku wìy a e vé fù ve á yii tóʼti njème wùn aàŋgàa ŋgàŋe, à vé səme adzə̀m, e lì wir dzə̀m wo wù yén virə́ʼ é Babilon. Á wìy, fòn nèn yòŋ e vé si vìyi jii, «A wìr lòo dzə̀, e yòŋ nsáŋtí wo wù dzəə̀n é wǔn ntoʼ, e tòʼtí nsàv, bo wun buʼ ŋgaàŋ e ndzə̀ynjav, e way ŋwey vifa ye á fèrìn e kisha ke mbàm ke baar kí e ŋgaàŋ kilòŋ, e lèm wun ji taà ntoʼ wo ghay vəə́‑əə̀ tóm wó taà ntoʼ woo kitú.»

Esiker 28:4

À kòóy ne káv, a kù yiì vifií wùn à vinyo ve à kiìn ví, e bàʼtí *kisha ke mbàm ke baar kí wùn à ke fəvír kí, e lèm.

Daniel 4:5

Kù mo mò‑oò néŋ e ntoʼ e mǒ mbvə̀ʼ, njèm nèn lò, e shì mo, wúné lò, a beemé mo beemén. Vinjeenjèm vi wìy e mǒ kitu, m yén vindzə̀ə́ndzəm, a ví shaasìn, bémer mo.

Daniel 4:6

Á bèy, m nèn tòóy vé si veé Babilon ji á wiy, e tòʼtí a njèm rə̀n, e fò e mò.