Daniel 5:1 - ŊWÀʼ NYÙY

¹ Yì‑iì dzə̀ é kishiíy kímóʼ kí, aá bún ne Belshasar ji fon, wù káʼ ŋkàʼ wúmóʼó, a wú dzə̀ e gháʼtín, e bì atǎr laʼ və́ kishóv é nsə̀kì ji á wiy, é wùn áwune tínnín á bàr shilùʼ.

Daniel 5:1 Referans Kwoze

Aysaya 22:14

Yii bèy, Nyùy Tàr woo Taà Mànjòŋ tòʼór ne vinyo vén e mò. Wù yòʼ wíy làysìn vinyo vén ve bi ví, e dù, e meé mo vèn wíy kpu. Á ke Nyùy Tàr woo Taà Mànjòŋ suuyin, wun woo Taà Ndzə.

Aysaya 22:12

Yì‑iì dzə̀ é ghan fóo fèy, Nyùy Tàr woo Taà Mànjòŋ, wun woo Taà Ndzə súŋnín, e sùúy jii: «Vèn wáa toŋnín, a dìynìn. Vèn kwaay vitú vi, e màʼ ndzə̀y sé kpu si.»

Nahum 1:10

Á kù wíy laàr ven láarin, é ven vee amfoòkìnoó shwí, mo kinshaàrì ki shwì, e rèŋ.

Jeremia 51:57

M wíy noór vé saʼ vee fó wùn aàŋgàa ntiri, e noór vé wòŋ wùn aàmfòómeé, e lì vé rər ve tavkíné, aá nó, é mè koó. Mbuùné sí wíy koo áwune, aá neem, e làa yòʼ dzə́ə wìy nànèn. Suuy mo woo Fon, mo woo Nyùy Tàr woo Taà Mànjòŋ.

Jeremia 51:39

Á bèy, shíi wov wíy tavkír, é m báʼtí ŋkàʼ wóv, aá wáa yi, a no, nó bèn, aá kwaa shéʼ. Lo fo fo, é mbuùné sí koó, aá neem, e làa yòʼ dzə́ə wìy nànèn. Suuy mo woo Nyùy Tàr.

Kèʼlo 40:20

Wáa dzə e bǎm vishiíy vitaár, a dzə̀ kishiíy ke Farao‑oò kuúme kishiíy ke vé‑eè dzəən wun, wù yií ŋkàʼ fo vé lìm vəə́ adzə̀m. Wù nèn lò, e fə̀ə́r nshìylav fàáy yee kitú fo se sí‑iì jav bóm wùn à ye yì‑iì leey fo wír ve á fer vifa ve yi si, e tìír e vé lìm vəə́ si,

Jeremia 50:35

Nyùy Tàr yoŋ jii: «Rə́r sí wíy nəə́ e wòŋ Babilon, e laàr wír ve á dzə́ fo, e laàr vé saʼ vee fó, aàŋgàa ntir véví shó.

Daniel 5:30

Kú a dzə vitsə́ʼ veé kishiíy kee mo á kì yí ŋkàʼ, á nèn lò, e yùyrí Belshasar woo fon woó Babilon.