Daniel 4:9 - ŊWÀʼ NYÙY

⁹ ‹Éè Belteshasar, wò woo kilìmbìy ke vé sii, m kì ji à kér kiyoy ke anyùy ve á dzəə̀n aránén, a bó yòʼ dzə̀ kilìtì ke kinyò ki ghàʼ wò. Njèm‑eè shì mo. Ku tòʼtí nsàv vinyò ve mò‑oò yenen ví, e fò e mò.›

Daniel 4:9 Referans Kwoze

Daniel 5:11

Nyàr, wìr wùmòʼ dzə̀ á e wun wòŋ, a wù kér a kiyoy ke anyùy ve á dzəə̀n aránén. Yì‑iì dzə̀ á e ghan se Nebukadnessar woo tàr à woo ŋkfə‑əə̀ dzəə́ sáʼ vifon, wíri‑iì lo yèn rú á ji wìr və̀n fìír e ŋàŋ, kiiy jeéyjeéy fó vinyò, ker vifií a dzə̀ ve yii kér anyùy. Nebukadnessar woo tàr à tàá woó ntoʼ yén bey, e lèm wun a ji kitú ke vé sii adzə̀m vee wun kitum.

Daniel 2:48

Á bèy, Fòn Nebukadnessar nèn kòʼór Daniel, e nə̀ʼsín wun aàfómo ve wiyí anín, e lèm wun, wù wáa saʼ kishév ke wòŋ kee Babilon kidzə̀m, e kfə̀n fò wun vitaáví, wù wáa saʼ vé si adzə̀m vee fó.

Daniel 4:8

Fo bàm, Daniel nèn wìy, wun wo vé‑eè shuùn yír yímóʼó ji Belteshasar, kù mo yír nyùy womé dzəə̀n, a dzə̀ wír wo wù yú kinyo fo kiyoy ke anyùy ve á dzəə̀n aránéné. Wù dù, e wìy, m wáa naarì njèm yem shó, a suúy jii,

Daniel 4:5

Kù mo mò‑oò néŋ e ntoʼ e mǒ mbvə̀ʼ, njèm nèn lò, e shì mo, wúné lò, a beemé mo beemén. Vinjeenjèm vi wìy e mǒ kitu, m yén vindzə̀ə́ndzəm, a ví shaasìn, bémer mo.

Daniel 1:20

Fòn káʼáy vifií vév, à kiíy ye á kiiy jeéyjeéy fó vinyòo, e yèn jii, aá lòo dzə, e neèr vifií vév kirə́ʼ e ghvə̀m, la aŋgàa səm wùn à vé fù vee wun kitume yòʼ lì a kee kimòʼón ki.

Esiker 28:3

Ké ru kí, à fìír feyì, e shaà Daniel, bó kilìtì ke kinyò ke à méŋ ki yòʼ dzə̀.

Kèʼlo 41:38

Wù gháy wùn à və́ vé lìme jii, «A dzə̀ vèsən kfə̀n yèn a dzə̀ la e shaà və̀n woo wír, wo kiyoy ke Nyùy ki dzəə̀n wùn wun?»

Daniel 4:18

«Á njèm ye yì‑ii shiin mo woo Fòn Nebukadnessar. Á bèy Belteshasar, ku tòʼtí nsàv, é m yú. Njèm rə̀n‑ee gháʼ ne vé si vee mǒ kitum adzə̀m fo á tóʼtí. Yii bèy, a dzə̀ kù tòʼtí wò, bìʼ fo à kér kiyoy ke anyùy ve á dzəə̀n aránén.»

Aysaya 54:14

Vèn wíy lòo jùmrì kinyo kee réŋ, é la kinyo ki yòʼ sə̀ʼ ven. Bó vèn yòʼ kfə̀n wíy a dzə e wír ve səné sar, a bó vèn yòʼ kfə̀n dzəə́ wìy a fàn kifá. Vèn wíy bòy fo fàn, bìʼ fo kifá ké a bemér ven kí yòʼ wíy a meʼ mentsə̀m men.

Aysaya 33:18

Vèn wíy a kuumé mo vé‑eè rə́si yii vinyo ve ví wáa bemér ven. Vèn wíy a dzətí jii, «Wìr wo wù sov vifá, táŋé, bèé? Wìr wo wù fiʼ nshwì bèé kfə́? Wìr kfə̀n dzə̀ shó wo wù shwéʼ virə́ʼ, táŋ virə́ʼ vér ve tavkín ví á?»

1 Samuel 4:8

Ŋgeʼ si dzə̀r ne e vèsə́n kitu. Yíi fəə́r la vèsən fo anyùy ve tavín viné wo? Dzə̀ anyùy vee shooy ve vé‑eè màʼàn kfəə́ se ŋgeʼ se tavkín sí sidzə̀m e wír veé Ejiví kitu e woʼ.

Daniel 2:47

Fòn suúy e Daniel jii, «Rúrú, Nyùy wò shaà anyùy adzə̀m. Dzə̀ wun Tàr wo wù sáʼ afon adzə̀m, a sar wun kinyo keé kilìtì kidzə̀m. M kìíy bìʼ fo à sàrìn kilìtì kém ké kinyò.»

Esiker 17:23

M yíi bìy e Gwan Isray, é tám si teʼ shó, e fə̀ʼ, a ker ŋgoòy, a dzə ji kintìŋ ke kici ké sidar ke wiy kí. Menə́n mè wíy a bàʼrì láʼ sho kfəə́ e dzə̀m, a beè e kindzə̀ə́ndzəm ke tam si.